أه و الله , الدُنيا ضاقت أصلها و مفيش غير الشواطئ بتاعت القٌرى الخاصة الناس هتروح تعوم فيها ,
على أساس الشواطئ العامة " كوخة " بينما , الشواطئ الخاصة " ياختى عليها " 
أو يمكن تكون
الشواطئ العامة كويسة , بس مش من مستوى الناس المعندهاش أو مش عايزة تشترى فى القرى السياحية ,
طيب بلاش تشترى , أجَر يا سيدى , الموضوع بسيط , بلاش تأجر , أقطع تذكرة و أدخُل ( مارينا العلمين بتعتبر من ارقى قرى الساحل الشمالى و أكثرهم غلاءً , ثمن تذكرة الدخول 20 جنيه للفرد !! يعنى أرخص من دريم بارك ! )
أنت بتتسائل - إستنكارياً - هل اشترت القرى السياحية الأرض و الشاطئ أيضاً ,
أولاً أحب أوضح أن كثير , إن لم يكن أغلب القُرى السياحية , هى ملك للدولة ,
ثانياً , هُناك فى كُل دول العالم ما يُسمى بـ منافع خاصة , و هذا ينطبق الشواطئ التى تتبع القرى
و الفنادق , فـ لو أنك ألغيت هذا القانون كما تطُالب , فـ ستضطر حينها لـ تطبيق نفس الشئ على الفنادق
و حينها ستكون فنادقك جميعها مُخالفة لسياسات الفنادق العالمية , بأن يكون الشاطئ - إن كان الفندق يقع على
شاطئ - قاصراً على نُزلاء الفندق , و ده طبعاً هيعمل مشاكل إلى جانب إنك هتعرض السائح لـ مخاطر التأليب و التحرُش و التحشُر
القُرى سيادتك بتصرف على الشواطئ ديه , و بتاخد من المُلاك جُعل سنوى ( يصل إلى ألاف الجنيهات على الوحدة الواحدة ) جُزء منه بيكون نظير الإنتفاع بالشاطئ , و كما قلت سابقاُ اغلب هذه القرى ملك الحكومة , يعنى كُله خير للدولة و للشعب فى الأخر
و القرية لو ملك لـ شخص و ليس للحكومة بتدفع ضرائب ,
سؤال أخير يا سيد مصرى سكندرى , حضرتك إسلامى ولا شيوعى ؟!
