1- الأوراق المطلوبة من السفارة في مرحلة الفيدرال بعد ال CSQ بتختلف من مكتب لآخر يعني الورق اللي بيطلبوا مكتب القاهرة غير مكتب لندن غير بافلو في أمريكا ودي أنا أتاكدت منها بنفسي من موقع الهجرة...كل مكتب له متطلبات مختلفة عن الآخر على سبيل المثال مكتب لندن مش بيطلب منك شهادات الخبرة إطلاقاً بخلاف مكتب القاهرة...وهكذا عشان تقطع الشك باليقين ادخل على موقع الهجرة هتلاقي check list خاصة بكل مكتب نزلها والتزم باللي مكتوب فيها حرفياً بدون أي نقص ، لكن لو زودت محدش هيقولك زودت ليه...لكن انت ملزم فقط باللي مكتوب فيها ومش لازم تصعب الدنيا على نفسك حسب معلوماتي الإثبات البنكي مش مطلوب في مرحلة الفيدرال بعد ال CSQ 2- ابعت الورق بالإنجليزي أو بالفرنساوي سواء لكيبك أو الفيدرال ...الاتنين سيان أنا بعت ورقي لكيبك كله بالانجليزي حتى الأبليكشن كتبتها بالإنجليزي ومكنش فيه أي مشكلة 3- كل الورق تبعت صور فقط ومش محتاج توثق أي ورقة على الإطلاق سواء لكيبك أو للفيدرال، ومش محتاج تبعت أي أصل ما عدا الفيش والتشبيه ، وده مش كلامي ده كلام موقع الهجرة ، وباكرر مرة تانية ما تصعبش الدنيا على نفسك وما تسمعش كلام حد بيصعب الدنيا عليك. انا حالاً باجيب اللينك اللي تنزل منها ال check list بتاعت الأوراق عشات تنزلها بنفسك وتتأكد من صحة الكلام اللي باقوله اقتباس المشاركة الأصلية كتبت بواسطة ReYYaN بسم الله الرحمن الرحيم بعد التحية فعلا اهتمام وسرعة رد على الاستفسارات جيدة جدا وفعلا منتدى واعضاء ومشرفين يستحقون كل التقدير على مجهوداتهم واحب ان اطرح تساؤلات جديدة 1- بعد الحصول على csq وفى المرحلة الثانية فيدرال لهجرة كيبك هل بالفعل مطلوب اثبات بنكى بامتلاك مبلغ مالى (محدد من طرفهم ) ولو الاثبات البنكى فعلا مطلوب ما هى قيمة المبلغ المطلوب واين يتم وضعه(مكان واسم البنك) ومتى يمكن الاستفادة منه؟ 2-فى المرحلة الاولى للتقديم لكيبك هل لابد من ارسال كل الملفات والاوراق المطلوبة مكتوبة باللغة الفرنسية واذا كانت كذلك فما فائدة الملفات الموجودة على الموقع الخاص بكيبك وباللغة الانجليزية؟؟؟؟؟؟؟؟ 3-هل كل الاوراق والمستندات المطلوبة ترسل منها صور موثقة ماعدا شهادة الخبرة فقط التى ترسل اصل وموثقة ؟؟(فى المرحلة الاولى لكيبك) ولكم منى كل التحية والشكر والتقدير
