اقتباس المشاركة الأصلية كتبت بواسطة Ehab Salem و أنا في ثانوي كان معايا في نفس الفصل ولد أبوه قاضي ...كان فاشل دراسيا و فاسد أخلاقيا ....بذئ اللسان ... بيجيب صور جنسيه معاه المدرسه .. بيمشي مع بنات .... إلخ كان بيقولنا دايما إنه هيدخل حقوق و يبقى قاضي زي والده .... أصلا عيلتهم كلها قضاه يوم النتيجه سألت عليه و عرفت أنه سقط ....السنه التاليه نجح بخمسين في المائه .. متدخلوش كلية حقوق ... قام أبوه دخلوه كلية الحقوق جامعة القاهره فرع الخرطوم ... و بعد سنه هناك حول كلية حقوق جامعة القاهره ... كنت متتبع اخباره من بعيد عن طريق صديق مشترك يبقى جاره ... كان كمان بيسقط في الكليه ... و اتخرج بالعافيه بتقدير مقبول .... وأبوه عينه وكيل نيابه ... دي أخر حاجه أعرفها عنه .... زمانه بقى قاضي شامخ ده بيفكرني بأحمد الزند لما أيام مرسي في حوار تلفيزيوني بيقولولوه إبنك متخرج بنقدير مقبول و أصبح قاضي ... قالهم هو يعني اللي جايب مقبول مش من حقه ياخد فرصته زي غيره جدير بالذكر أيضا إن أحمد مكي أولاده الأربعه قضاه مهو لازم يطلع شامخ زي أبوه .. نفس التربية .. شامخ ابن شامخ .. أتاري شامخ دي كلمة ابيحة واحنا مش عارفين
