والله انا قولت من زمان
البابا شنوده يلبنن مصر وللاسف محدش منتبه والمسيحين فرحانين بحد له صوت وبيعرف يجيب حق الشعب القبطى على حد تعبيره
من زمان اوى و المسيحى اللى بيدخل الاسلام بيغير اسمه وعيلته بتقاطعه وخلصنا
البابا شنوده اقر قانون جديد دلوقتى
المسيحى اللى يدخل الاسلام يتسلم للكنيسه ومحدش يعرف عنه حاجه
الراجل بيستقوى طبعا بأقباط المهجر
وعنده اساليب ضغطه على النظام , زى الاعتكاف اللى عمله فى قضيه وفاء قسطنطين
الراجل مش واخد باله ان لبننه مصر خطر على المسيحين زى ماهى على المسلمين
مش واخد باله ان التطرف هنا بيقابله تطرف هناك
واذا كان تطرف هناك محكوم بسبب القبضه الحديديه اللى على البلد
فممكن القبضه دى تتراخى لسبب الهى
ويبقى ما فى الصدور
وساعتها محدش هيلحق حد و البلد دى هتولع ناااار
لا الامركيان هيلحقوا يطفوها و لا اقباط المهجر
بالنسبه للقضيه بتاعه الزواج التانى
فبصراحه المسيحين حريين وفقا لدينهم و لشريعتهم و البابا ممثلهم حر برده , يعترف بالقانون او لاء
انما الاقباط اللى رفعوا القضضيه معاهم حق بردوا , هما احتكموا للقانون و القضاء حكم
هو قال اننا هنشلحهم ,, يعنى هيطردوهم من الشعب المسيحى و هيبقوا منبوذين ومش معترف بيهم كمسيحين
اعتقد كدا فيير وعدل اوى
اللى عاوز يحتكم للقانون و يطبق الجواز التانى بعلل غير الزنا و يستحمل شلح الكنيسه هو حر
والكنيسه حره انها متعترفش بيهم و تشلحهم
من غير بقى مظاهرات و اقباط مهجر و الفيلم دا
الفيلم دا على دماغ شعبك فى الاخر ,, الفيلم دا لعب بالنار
