3 -
نيجى بقى للاسئلة
مستوى A1
المستوى ده بيتكلم عن الوصف عموما
يعنى انك توصف حاجة
توصف صديق ، قريب ، بيتكم ، يوم فى حياتك ...
انا جمعت مجموعة من اسئلة A1 و جه منهم سؤال الامتحان اللى دخلته لو حد حابب يزود سؤال او اسئلة يقول لنا عليها و ندور على اجابات لها
الاسئلة اللى جمعتها هى كالتالى
- Présentation d’une amie
اوصف صديق (ة)
- Présentation de mon frère
اوصف اخوك
- Une journée habituelle
اوصف يوم فى حياتك اليومية
- Le week-end
اوصف يوم الاجازة الاسبوعية
- La vacance dernière
اوصف الاجازة اللى فاتت
- Le lieu d’habitation
اوصف محل سكنك
- À l’hors de la fenêtre
اوصف الشارع خارج نافذتك
- Parlez-moi de votre pays
و فيه سؤال عن وصف مهنتك المدام اللى حضرت معاها قالت لى انه مش بيجى و انا ما ذاكرتوش بس هاحاول احطه عشان لو جه فى امتحانات بعد كده يبقى اخدنا احتياطاتنا
ملحوظة
عاوزكم تراجعوا اسئلتى مع الاسئلة اللى مكتوبة فى نفس الموضوع قبل كده عشان نشوف ايه اللى ما جاوبناهوش و نحاول نشوف له اجابة
و عاوز اقول ملحوظة مهمة
ممكن ما يجيلكش السؤال مباشر (اوصف كذا او كذا) لكن ممكن يكون اجابة السؤال انك توصف كذا و كذا و مايقول لكش بصراحة انك توصف
مثلا :
يقول لك انا سائح فرنسى و المطلوب منك انك تقنعنى انى ازور مصر و اقضى فيها فترة
الاجابة : انك توصف بلدك ...
و هكذا
فالسؤال ممكن ييجى لافف لكن انت لازم ما تبقاش حافظ لا ، تبقى فاهم بتقول ايه عشان اى طريقة ييجى بيها السؤال تعرف ترد عليه .
و حاجة تانية مهمة
الاحسن لك عشان تعرف تتكلم بسهولة انك تقسم الموضوع لنقاط و تبقى عارف كل نقطة هتتكلم عنها تقول ايه
بدل ما تحفظ رغى كتير و حاجة تقع تضيع الدنيا
و لما تقسم الموضوع لنقاط هيبقى سهل عليك تركز فيهم و تتكلم بثقة هتبان فى صوتك و كلامك المرتب هيعطيهم انطباع بانك فاهم مش حافظ
اجابة الاسئلة دى هاضطر احط كل سؤال و اجابته فى مشاركة عشان النظام
انتظروا اجابة الاسئلة
و لكن بعد الفـــــــــــــــــــــاصــــــــــــــــــــــل على راى اللواء مدحت شلبى
ربنا معاكو و معايا
