انا حابب اسلم على كل الناس اللى جت التوبيك دة والتوبيك دة بناسها الجملية كلهم من بداية اول صفحة لاخر صفحة كانت وش الخير علينا كلنا عقبالكم يارب كلكم وتنجحوا كلكم فى الانترفيو اهم حاجة فى الانترفيو انك تبقى عارف ترد فى منتهى البساطة بيسالك عن حياتك الدراسية او العملية بيسالك فى ملفك حتى وانت واخد تى سى اف او دالف خلى عندك ثقة فى ربنا انك تعبت كتير وذاكرت عشان تبقى احسن وربك شايف من فوق كل شىء يبقى لازم هيقف جنبك ويعديك من الانترفيو ومش من الانترفيو بس بس فى كل حياتك انا عرفت الصفحة دى وكنت عارف اياميها محاميين كتير اللى بياخد 3000 دولار واللى بياخد مش عارف كام ربك عالم بالحال الواحد لازم ياخدها تحدى عشان توصل تتعب دلوقتى عشان ترتاح بقية عمرك كلة حابب اقولكم الكلام دة لان الهجرة لكندا مش صعبة هى عاوزة مذاكرة شوية بس حاولوا تسمعوا اغانى فرنسى راديو اقروا بصوت عالى مسموع مش عيب عشان توصل لازم تعمل المستحيل اسمعوا ميشيل توماس الراجل اللى عمرى ماهنسى فضلة اكتشافى لية على شبكة الانترنت وطريقتة البسيطة السهلة اللى خلتنى مش احب بس بل اتعلق باللغة الفرنسية اللغة الجميلة فعلا اللى كنت فعلا بواجة صعوبة فى النطق معاها فى الاول بس ميشيل توماس حببنى فى اللغة جدا اشكر كل الناس فعلا اللى وقفت معايا هنا فى المنتدى او حتى برة المنتدى ناس كتير فضلها عليا قعدت على المنتدى عشان تقولنا ازاى مشوا طريق صعب من بداية المشوار وشاركونا احلى اللحظات زى ما انا حابب اشارك معاكم بكلماتى هنا عشان تكون كلمات تشجيع لناس كتير بعدينا من الحاجات كمان الجميلة كمان البرامج الحلوة اللى انصحكم بيها عندكم rosetta stone من احلى البرامج فى تعلم اللغة الفرنسية وللعلم جميل وبلغات مختلفة كمان مش مهم بتدرس فى مركز غالى او مركز رخيص المهم تذاكر اقرا كتير معلومات على المنتدى هتفيدك ماتزهقش كل ماتقرا اكتر اكيد هتعرف اكتر المستشار مش بيخوف ولا حاجة انا اول مادخلت الانترفيو كنت قلقان بس قلت فى بالى تعبت سنتين من حياتى وحطيت هدف انى هوصل يبقى اقول اللى عندى بثقة انا عملت اللى عليا وذاكرت فرنسى كويس اة كنت مطحون فى الشغل بس هى الحياة كدة تحدى انا بقول الكلام دة عشان احساس الكسل ممكن ينتابك احيانا امتى بس الانترفيو اتاخروا اصبر ربك شايف كل شىء من فوق وعلى تعبك هيكافئك اكيد على فكرة انا جالى ميل الانترفيو السنة اللى فاتت يوم تاريخ ميلادى ودى كانت هدية ربنا ليا ربنا يوفقكم كلم فى الانترفيوهات ويارب الناس كلها تكون دايما مبسوطة 
