تسلم يا رابت على الموضوع المهم جداً
ونصيحتي لأسهل طريقة لتنظيف الثلاجة
هي شطفها بالإسفنجة
بالماء والخل والليمون طبعا بعد فصلها من الكهرباء ولو فيها بقع محتاجة كلور نستخدم الكلور أولاً وبعدين نشطف بالأسفنجة بماء فيه خل وليمون
وفي الآخر فوطة فيها ماء دافئ ونظيف من غير إضافات
طبعا التنظيف يشمل كل أجزاء الثلاجة الباب والأرفف وماننساش الربل
اللي في حرف باب الثلاجة لأنه معرض للأوساخ واللمس وإذا لم يتم تنظيفه
فإن يؤثر على إحكام إغلاق الباب بسبب الدهون والأوساخ المتراكمة عليه
الأدراج تطلع برا والأرفف الداخلية وتتغسل كويس وتجفف كويس
وننظف جسم الثلاجة الخارجي من فوق ومن الجوانب
وماننساش الأكرة بتاعة باب الثلاجة ننظفها كويس
بعد ما ننظفها نحافظ عليها أي حاجة توقع فيها نمسحها على طووول ومانحطش أي أكل مكشوف
وأي أكل يصدر منه رائحة نفاذة زي يكون فيه بصل توم لازم يتحط في علبة محكمة الإغلاق
الخضار تتمسح بفوطة قبل ما نحطها وكمان الفواكه
الورقيات تتغسل وتتنظف وتجفف جيداً قبل ما تتحط في الثلاجة
وماننساش نحط علبة فيها شوية بيكربونات الصوديوم
وحدة في باب الثلاجة وتانية في باب الفريزر العلوي
دي بتسحب كل الروائح وماننساش نقلب محتوى العلبة كل أسبوع
دي طريقتي البدائية
ويارب تكون فعلا مفيدة وسهلة
