طبعاً اللي قرأ رواية 1984 هيكون فاهم انا بتكلم عن ايه
 |
اقتباس |
 |
|
|
|
|
|
|
|
|
|
Bermalion El-Begmawy
ثورتنا حرام تبقى "404". خليني أضرب لكم مثال على الكارثة: جريدة باعتبرها محترمة نسبيا زي الشروق حذفت جزء من أرشيفها لسنة 2011. بأقول حذفت جزء لإني قادر آلاقي أخبار من 2010، و2011 ومن 2012، يعني الأرشيف موجود ومش بعافية. الأخبار المحذوفة معظمها متعلق بتصريحات لقادة المجلس العسكري في الفترة دي. حظي إني بالاقي نصوص الأخبار في مواقع ومنتديات وعلى مصرس. قلت ربما غيروا الروابط، لكن لما دورت عليها بمفاتيح بحث من نصها مكنتش بالاقيها على الموقع. وبالاقي بس "404".
المشكلة مش في الشروق، اللي هي مجرد مثال، فيه كوارث أكبر، لإن فيه جرايد كتير حذفت أرشيفاتها بالكامل، قبل الثورة، عشان ما يتمسكش عليهم حاجة، وفيه دمروها بعد 30 يونيو لنفس السبب. اللي بيدمروا وصولنا على الانترنت لمواد من حق الناس الاطلاع عليها، بيعتدوا على تاريخنا القريب. دي معرفة بقت جزء من تاريخنا، ومش من حق حد يغيرها أو يشوهها أو يمسها. المشكلة إن المصدر الأساسي لما بيدمر أرشيفه بيبقى كل اللي منقول عن أصل مش موجود محل للشك فيه.
مش عارف إيه يتعمل مع المسألة دي، هل نقوم بحملة ضد الجرايد لاستعادة أرشيف فترة من تاريخنا، ولا يتعمل مؤسسة أرشيف صحفي تديرها النقابة وتلزم كل الصحف يسلموا لها أرشيفات كاملة، ولا يتعمل إيه. الأفضل لو فيه طريقة تنطلق من حق الناس في المعرفة، وتلزم قانونيا الجرايد بعدم المساس بآرشيفاتها الإلكترونية وباتاحتها للجمهور، ويبقى فيه أرشيف وطني للصحافة.
باحث زيي بيصعب عليه نفسه لما يقعد يدور على أصل لخبر مهم أو تصريح ويلاقيه اتحذف، وروابطه تطلع "404"
------------------
تنويه إضافي معلش للي شيروا، عشان ما نروحش لتأويل بعيد عن المقصود، ونتكلم عن الأخ الأكبر وكده:
1- أنا مش باقول إن دي مؤامرة عند الكل، لأ؛ باقول فيه قلة متآمرة وبتلعب، وقلة وعيها ضعيف وهدرت الأرشيف، وقلة جرى عندها خطأ غير مقصود، وقلة فقيرة تكنولوجيا.
2- التكنولوجيا قادرة تستدعي كتير من اللي راح، لكن ده جهد تقيل على الناس، ومش هيعمله غير اللي عاوز يفحت وعنده وقت وصبر، والأهم بالنسبة لحد زي حالاتي إن فصل النص عن أرشيفه الأصلي الممحي بيقلل من مصداقية النص ده للأسف.
3- من حقنا كقراء إن الصحف تحترم الأرشيف، ويبقى فيه تشريع يجرم محو الأرشيفات، والأهم من حقنا كمواطنين إن يبقى فيه جهد يلائم التكنولوجيات المتوافرة يتيح أرشيف وطني، بمؤسسة مسئولة، ونناضل عشانه كجزء من حقنا المهدر في المعرفة.
شكرا
|
|
 |
|
 |
|
الملاحظة الشخصية منى
انا من اكتر من 5/7 سنين ما بتفرجش على حاجة في رمضان
وتقريبا من نفس المدة مقاطع المسلسلات -مع استثناءات بسيطة-
تقريبا مع كل مرة بتتحول فيها القنوات امامي وانا عند اي حد او في البيت باقلب عادي
الاقي مشهد بيتم فيه تزييف حقية ماحدث في 25 يناير وما بعدها
مع الوقت الناس بتنسى وهتنسى للأسف
