[م الغزالى]

الحقيقة إن أسعار مكونات عصيدة الزقوقو اليوم شئ لايطاق ... الزقوقو نفسه أصبح ب 18 دينار (الدينار التونسى ب 4 جنيه مصرى) ووصل ل 25 دينار فى بعض ولايات الجنوب وغير البندق (الصنوبر) ب 80 دينار الكيلو وأعتقد كان فيه صورة ساخرة من يومين على الفيسبوك بتقول إن كاسة الزجوجو بيش تولى تتوزن بميزان الدهب ...
دى أكلة المفروض تكون موسمية وشعبية ولكنها لم تعد للأسف شعبية ...

الزقوقو ده لى معاه حكايات طريفة ...
أنا أول مرة كلته عام 93 فى مولد النبى فى مدينة صفاقس بصراحة فى البداية محبتهاش قوى رغم إن الناس فى تونس بتموت عليها ... وكنت مسميه على سبيل الدلع والفكاهة "قوزوزو" فكان فيه واحد من أهل زوجتى بيزعل قوى ودايماً يصلحلى الكلمة ..فأتخنقت منه وقلت له تعرف إنت منين جات كلمة زوقوقو قال لى لا... إحنا طلعنا لقينا إسمها كده ... قلت له طيب يبقى متفرقش معاك بقى أقولها زوجوجو من "جوزوزو" ..
من ساعتها أصبحوا يستعملونها على سبيل الضحك وكل سنة فى المولد صهرى بيفكرنى بالموضوع ده ويغيظنى ويقولى اليوم حماتك عملتلنا "جوزوزو"