كتالوج ايكيا 2009

[Muslim4ever]

اقتباس المشاركة الأصلية كتبت بواسطة diab ايكيا من أبرع موردي الأثاث في العالم إن لم يكونوا الأبرع علي الأطلاق فرع جدة هنا روعة الكتالوج عندي من أكتر من 5 شهور انت لسة فاكر يا مسلم اشتريت من عندهم سرير يتم طيه عملي جدا في الرحلات وجااااااااااااامد جدا بصراحة اللي بيجيب من ايكيا ذوقه عالي جدا تحيه مني له

انت عارف باه ياديبو النزول من الجبل مش سهل

ايكيا باختصار

مفروشات واثاث تيك اوي
استغلال للمساحات بشكل عبقري
افكار جديدة كل فترة
مناسب جداً للمغتربين وللناس اللي قاعدة في كمبوند
استغلال امثل للاضائات الجانبية

 

 

[Amal]

اقتباس المشاركة الأصلية كتبت بواسطة oskasan احلى حاجه في ايكيا الكويت انهم بيوزعوا الكتالوج كل سنه على البيوت مجانا

وكمان ايكيا الامارات بتوزع الكاتلوج مجانا على البيوت وعندي النسخه

الافكار الي عندهم حلوة ..بس احيانا الاسعار مبالغ فيها ..في حاجات اسعارها رخيصه وبتكون حلوه قوي وفي حاجات مش ولابد واسعارها غاليه جدا...وغالبا بتروح عايز تلف بس او تشتري حاجه معينه بترجع شايل نص الي في المحل

ناش انتي قلتي الاضاءه بتاعتهم حلوه ..هي كشكل حلوه بس مش بتنور جامد ..قصدي الي بتتحط على السقف اما الاضاءه الجانبيه لا حلوه واسعارها تعتبر رخيصة وفي متناول الجميع

ودي صور من ارجاء المنزل اغلب الحاجات من ايكيا

صورة اوضح علشان اغلب الحاجات من هناك بما فيها الزرع ...على فكرة الزرع ارخص من المحلات المتخصصه ..

حلول للتخزين ..العلب الحمراء شكلها حلو وبتخبى جواها بلاوي كتير

الشموع والحجر وحامل الشموع كلها من ايكيا ..على فكره ريحتها حلوه وبتملى البيت

المفروض انها تلزق على الحيطه ...بس لسه مش عارفه نستخدمها فين

وحاجات كتيره للمطبخ وحاجات لسه في البيت بس من الاستعمال لا تصلح للرؤية

 

 

[nash]

الأضاءة دي بالذات يا امووول هاتجنن واشتريها..بس للاسف معنديش ركن احطها فيه....

بجد روعه ...

للاسف مقدرش أستحمل اي إضاءة مباشرة...أنا عامله نفس طريقه ايكيا ..الغضاءة القريبه جدا من ترابيزة السفرة...من الأفكار الشيك جدا...

لأ بجد ايكيا غير مفاهيم كتيرة في الديكور وإستغلال المساحات ....

 

 

[Amal]

اقتباس المشاركة الأصلية كتبت بواسطة nash الأضاءة دي بالذات يا امووول هاتجنن واشتريها..بس للاسف معنديش ركن احطها فيه.... بجد روعه ... للاسف مقدرش أستحمل اي إضاءة مباشرة...أنا عامله نفس طريقه ايكيا ..الغضاءة القريبه جدا من ترابيزة السفرة...من الأفكار الشيك جدا... لأ بجد ايكيا غير مفاهيم كتيرة في الديكور وإستغلال المساحات ....

حبيبتي ناش..

الاضاءة دي اتجننت ماما عليها وحطيناها في الصالون فتره لحد ما اختى سرقتها لما غيرت شكل غرفتها وزي ما انت شايفه دي غرفة اخت الي مش مرتبة ابدا الحمدالله هي مش معانا في المنتدى

 

 

[haya]

اقتباس المشاركة الأصلية كتبت بواسطة nash الأضاءة دي بالذات يا امووول هاتجنن واشتريها..بس للاسف معنديش ركن احطها فيه.... بجد روعه ... للاسف مقدرش أستحمل اي إضاءة مباشرة...أنا عامله نفس طريقه ايكيا ..الغضاءة القريبه جدا من ترابيزة السفرة...من الأفكار الشيك جدا... لأ بجد ايكيا غير مفاهيم كتيرة في الديكور وإستغلال المساحات ....

أنا بأعز جدا الاضاءة القوية لدرجه ان جوزي يقولي انت محسساني اني قاعد في استاد
انا عندي مشكله جامده جدا مع إيكيا وهي إني باحب جدا ألف فيه وأتفرج عليه بس غالبا كل ما أقرب من حاجه وأمسكها بايدي باحس انها فقيرة وسعرها مبالغ فيه بالنسبه لخامتها بالتحديد

افكاره لا يختلف عليها اتنين لكن المشكله في جوده المنتج لو قماش للصوفات مثلا باحس انه شبه قماس شماسي البحر ...

لو كنب وفوتيهات و سراير خشبيه باحس ان لو الولد نط فوقيها نطتين هايجيبها الارض
مفروشات غرف الاطفال الوانها تجنن بس برضه اسعارها مبالغ فيها حبتين

جيبت من عندهم شويه حاجات للمطبخ فخار اتشدشت بمجرد لمسها ...انا اتعقدت منه بصراحة
بس ماعدا الاضاءات بتاعته حلوة جدا وبتعيش شويه لانه من الطبيعي ان ماحدش بيمسك اباجورة او نجفه بايده يعني

بس مازلت باستمتع جدا وانا في رحلتي داخل ايكيا ومش بامل منه ابدا حتي لو قعدت فيه 5 ساعات

 

 

[nash]

مايغركيش يا هيا منظر القماش...علي ضمانتي بتستحمل بشكل غريب...

اللي جربته من عندهم الإضاءة........الترابيزات ..وزي ماقولت خشبها غير متين بالمرة....

المعالق والأطباق..بصراحه ولا الأوتيلات في شياكتها....

الصوفات والكراسي الأستيل ...بتستحمل وعلي ضمانتي.....

السراير المرتفعه عن الأرض اللي هي دور واحد.... دي لو قرود واسود بيتنططوا عليها ولا الهوي..... متينه جدا

وشويه شموع وفخاريات الزرع زي اللي أموله حاطاها ....

والكوبايات أوم ريال عسل وبتستحمل جدا
والكاسات نظامها استعمال مرة واحده وأكسر....مابتستحملش نفخه هوا

 

 

[Amal]

هيا، دي وحده من الصورة الي مكنش عايزه اعرضها...شايفه الكنبه شكلها اعامل ازاي
كنت عايزه اشتري لها غطاء بس اسعار الاغطية في ايكيا مبالغ فيها تقريبا الغطاء ب600 يعني زي سعر الكنبه بالضبط في ارخص بس كشكل مكنش حلو ...
ولسه بدور .اظن في كارفور هلاقي بس انا مهتمة الشكل يكون حلو والسعر كويس

 

 

[haya]

اقتباس المشاركة الأصلية كتبت بواسطة Amal هيا، دي وحده من الصورة الي مكنش عايزه اعرضها...شايفه الكنبه شكلها اعامل ازاي كنت عايزه اشتري لها غطاء بس اسعار الاغطية في ايكيا مبالغ فيها تقريبا الغطاء ب600 يعني زي سعر الكنبه بالضبط في ارخص بس كشكل مكنش حلو ... ولسه بدور .اظن في كارفور هلاقي بس انا مهتمة الشكل يكون حلو والسعر كويس

ماهو ده اللي قصدي عليه
ان التصميمات فعلا مريحة جدا وعمليه جدا لكن الخامات مش عمليه دايما ... وطبعا غطاء الكنبه وغطاء اللحاف والملايات هناك اسعارها مبالغ فيها جدا ..كل مرة عيني بتطلع علي مفروشات اوضه الأولاد وارجعها مكانها تاني ... وامشي اروح بيتنا
اعتقد كارفور او سنتر بوينت لو عندكم فيه فرع هوم سنتر بتاعه حاجاته شيك واسعارها معقوله وخصوصا في الاوكازيونات

امول ...شوفت الاب توب بتاعك

 

 

[Amal]

اقتباس المشاركة الأصلية كتبت بواسطة haya اعتقد كارفور او سنتر بوينت لو عندكم فيه فرع هوم سنتر بتاعه حاجاته شيك واسعارها معقوله وخصوصا في الاوكازيونات امول ...شوفت الاب توب بتاعك

لو تشوفيه من وراء ادشدش من كثر اللعب فيه ..الله يهدي اختى بس على الي بتعمله فيه

في فروع لسنتر بوينت كثير هنا ..بس كمان الاسعار شويه مرتفعة بالنسبه للاغطية واللحفات مش عارفه ليه مقارنة باسعار البضائع التانية الي بتكون شوية الاسعار مهاوده
ان شاء الله بكره هجرب واحد من محلات المفروشات واسكسسوارتها هنا في دبي اسمه هوم ار اس ..عنده تنزيلات 75% وهشوف ايه الي عندهم ..ولو مسموح التصوير هصور واعرضها هنا في المنتدى