مساعدة عن قانون الكفالة في المملكة

[Ahmed Atef]

الصحف المصرية والعربية

السلام عليكم ورحمة الله وبركاته
ما هي الأسباب التي تجعلني أجبر كفيلي علي نقل الكفالة
مع العلم أني لم أستلم راتب منذ شهران
و عقدي ينتهي معه خلال 3 شهور
ملحوظة
أعتبر أنا من دفع قيمة التأشيرة لأنه خصمها من راتبي

 

[اصيل]

اقتباس المشاركة الأصلية كتبت بواسطة أحمد عاطف السلام عليكم ورحمة الله وبركاته ما هي الأسباب التي تجعلني أجبر كفيلي علي نقل الكفالة مع العلم أني لم أستلم راتب منذ شهران و عقدي ينتهي معه خلال 3 شهور ملحوظة أعتبر أنا من دفع قيمة التأشيرة لأنه خصمها من راتبي

خليها تيجي بالهدوء والتفاهم والذكاء احسن..
اعتقد مفيش حاجه تجبره على نقل الكفاله..والله اعلم وبالتوفيق ان شاء الله

 

 

[ana_3enady]

دعوه لموضوعي

RobertInole

يا راجل .. شهرين بس

انا بقالي 3 شهور

وزي ما قال حاج أصيل .. بالتفاهم لان بالاجبار هاتبقى تأشيرة خروج نهائي

 

 

[حشيش]

والله كلام فارغ وتهريج إن ناس تشتغل 3 شهور ولا تستلم رواتبها لأن الكفيل مدعوم من الدولة لا لشيئ إلا لأنه سعودى! ... نظام الكفالة مرادف لنظام الرق والعبودية الذى حرمه الإسلام!

 

 

[Ahmed Atef]

و الله يا حشيش يا ريتها تيجي ع الرواتب و بس
في حاجات تانية انأح
دا فاضل شوية و نشتري الأكل بورقة لامانع من الكفيل ويا سلام بقي لما يحب يفرد نفسه و يبين انه هوه المتحكم آدي الغربة يا عم و اللي فيها للي نفسه يسافر
بس أنا سمعت أن لو مقبضتش 3 شهور ممكن ترفع دعوى نقل كفالة
بس مش عارف السبب دة كفاية ولا إية
و إية الأجراءات

 

 

[biopasha]

اقتباس المشاركة الأصلية كتبت بواسطة أحمد عاطف و الله يا حشيش يا ريتها تيجي ع الرواتب و بس في حاجات تانية انأح دا فاضل شوية و نشتري الأكل بورقة لامانع من الكفيل ويا سلام بقي لما يحب يفرد نفسه و يبين انه هوه المتحكم آدي الغربة يا عم و اللي فيها للي نفسه يسافر بس أنا سمعت أن لو مقبضتش 3 شهور ممكن ترفع دعوى نقل كفالة بس مش عارف السبب دة كفاية ولا إية و إية الأجراءات

لأ حاول بقدر الامكان تسيبه من غير مشاكل ... لأن هيجوا عليك انت في الاخر ..

ربنا يهون عليك ... لوقدرت تشوف عمل او دراسة في بلاد غير عربية ومتقدمة .. سارع ومتضيعش الفرصة ..

 

 

[العندليب]

انت تتفاهم معاه وتشوف حد يكون كلمتة مسموعة للكفيل ويديلك نقل كفالة
ولو خروج نهائى مش مهم هنا الاعلانات للشغل فى السعودية كتير جدا بس دة اذا رضى يديهولك
لكن حذارى؟؟؟؟؟؟؟؟ من الخروج والعودة لان هنا كل مكاتب السفريات بطلب اخلاء طرف موثق وتأشيرة خروج نهائى والا مش هتعرف تدخل السعودية تانى

 

 

[حشيش]

اقتباس المشاركة الأصلية كتبت بواسطة أحمد عاطف السلام عليكم ورحمة الله وبركاته ما هي الأسباب التي تجعلني أجبر كفيلي علي نقل الكفالة مع العلم أني لم أستلم راتب منذ شهران و عقدي ينتهي معه خلال 3 شهور ملحوظة أعتبر أنا من دفع قيمة التأشيرة لأنه خصمها من راتبي

طبعاً لا يفتى ومالك فى المدينة قصدى أخونا سين سين بشحمه ولحمه فى المنتدى ... حاول تمشى أمورك معاه واشترى من عنده إزازة كولونيا

 

 

[سين سين]

للأسف لا يوجد قانون يجبر الكفيل على تغيير جلده قصدي على نقل الكفالة والعملية بتمشي بلدي يا معلم

يعني ... لو جاي من بلدك بتأشيرة مباشرة على الكفيل وحب يركبك الطفطف في اي وقت ... يبقى أنسى موضوع نقل الكفالة

لو ناقل على الكفيل من كفيل أخر ... الموضوع كده فيه قولان ... ومش هاينجدك إلا إنك تقدم أستجداء وطلب للإمارة اللي إنت تابع لها وتطلب نقل كفالة عشان بتجري على أيتام والحاجات دي ويا يوافقوا يا ما يوافقوش ... ده بعد ما يحولوا الطلب لمكتب العمل ..

مكتب العمل بقى غير مختص نهائياً بمناقشة الموضوع ده ولو روحت لهم هايقول لك أمسك الباب .. مش امسك الباب يعني تتشعبط في الاكره .. لا .. يعني ورينا عرض اكتافك

ايوه في قانون إن لو الكفيل لم يستطع تسديد مرتبك لمدة 3 شهور إنك تنقل كفالة غصب عنه

لكن بما أنك تحت قوانين العبودية .. وحاجه كده زي الزوجة الناشز او اللي بتنطلب لبيت الطاعة ... لو أشتكيت بييجي الكفيل يدفع الكام ملطوش في المحكمة بعد الفترة دي ... و


و

و

ياخدك معاه لبيت الطاعة

ما تفهموش الباقي غلط ومش عاوز حد يتخيل حاجات وحشة

انا بأقول الحقائق .. هي مُره علقم لكن ده الواقع

اقتباس لكن حذارى؟؟؟؟؟؟؟؟ من الخروج والعودة لان هنا كل مكاتب السفريات بطلب اخلاء طرف موثق وتأشيرة خروج نهائى والا مش هتعرف تدخل السعودية تانى

يا عم العندليب بس الله يرضى عليه ... الكلام اللي زي ده بيودي ناس في داهيه وبيغير مستقبلها اللي ممكن يكون شايفينه في السفر

كلام حضرتك غير صحيح ... وممكت تطلع خروج وعودة وتغير جوازك في مصر وترجع تاني بتأشيرة جديدة بس ياريت تكون بعيد عن كفيلك القديم عشان المشاكل . آ
آه بالمناسبة جتى لو كنت باصم ... فهذا لا دخل له بالموضوع


--------

هذا كله لا يتعارض مع إن الواحد يتمسك بحقه ويسلك شتى الطرق هنا بالذات ... لكن أرجع واحذر إن حبال المحكمة العمالية هنا طوووووووووووووووووووووووووووويل طووووووووويل

ومع إن قانون العمل كان صريح وقال إن فترة النزاع تعتبر مدفوعة الاجر إلا إن المُطبق غير ذلك ومطلعين فتوى غير شرعية بتقول " الاجر مقابل العمل "

يعني أقل شكوى ضد كفيل بتقعد على الأقل سنة ..

سيادتك تبقى قاعد بتموت كل ساعة

وهو قاعد على قلبه مراوح وعمال يطفح قهوة

وتيجي بعد ده كله يقول لك مالكش حاجه عن الفترة دي

وبتبقى قاعد على حسابك وعيش بقى

ولو أشتغلت بره وعرف الكفولة يطلع عينك ويحبسك إنت واللي مشغلك

اللهم إلا لو صعبت على الامارة ومنحوك تصريح عمل مؤقت لحين الأنتهاء من البت في الشكوى

ولحد سنتين مضوا كان القصيبي وزير العمل مخصص لنك معين للشكاوى على موقع وزارة العمل الالكتروني وبتوصل تلك الشكاوى مكتبه مباشرة وبصراحة بيتم الرد عليها تليفونياً في خلال يومين تلاته بالكتير وبيتابعوا معاك كمان لحين الانتهاء من الموضوع محل الشكوى

لكن الظاهر إنه جاب من الأخر وقال " الشكوى لغير الله مذله " فعشان مش عاوز لنا الذل .. لغى اللنك ده يعني أجري ورا المحاكم إنت والورثة

أنا عارف ان بعض كلامي بيوجع زي الدبش لكن للأسف تلك هي الحقيقة

 

 

[حشيش]

مشكووووووووور يا بو السييد على التوضيح ... يعنى أخونا أحمد عاطف يمشى حاله كمان شهر مع الكفيف وبعدين يخلع منه بعد إنتهاء عقده معاه ويطالب بمرتبه المتأخر فى مكتب العمل