هاملتون لأول مرة

[Hassan Farouk]

الصحف المصرية والعربية

اقتباس المشاركة الأصلية كتبت بواسطة khaled_sabry بص اعرفك بنفسى - انا سوفتوير ديفولبر "زميل يعنى" خبره 12 سنه و متجوز و عندى 4 اطفال مقدم على ساسكتشوان و ربنا يسهل و تم على خير بس انا كعادتى فى الحياه بحب اعمل Plan b فى حالة لو لاقدر الله ملفى اترفض خصوصا ان استمرارى فى مصر مابقاش اوبشن حاليا فى ظل الانهيار الاقتصادى و التعويم اللى خلى مرتبى يادوبك على قد الاكل و اللبس و بنزين العربيه بالعافيه انا دخلت على موقع الجامعه و بعد شويه بحث بتركيز وصلت للنك القبول و عملت البروفيل و بعتولى امتحان البرمجه بس لسه ما بدأتش فيه اسئلتى كالاتى : 1- الامتحان بيبقى بلغه برمجه محدده و لا اقدر اغير الغه زى امتحان crossover.com (فى السامبل لاقتهم حاطين امثله بالجافا - و انا شغال .net عارف الفروقات قليله لكن برضه ) 2- امتى بدفع الapplication fee 50$ و امتى بدفع ال 7000$ 3- اهم سؤال - هل فيه هناك مصادر دخل محتمله ؟؟ - يعنى انتا دلوقتى عايش على مدخراتك السابقه و لا في حاجه زى Co-op program اللى موجود فى بعض جامعات كندا 4- فيزا الدراسه ممكن اطلع بيها انا و زوجتى و الاطفال زى كندا كده و لا دى ليها نظام مختلف ؟؟ 5- مده الماجستير قد ايه تقريبا - و 26 الف دى مصاريف البرنامج كله و لا السنه الواحده ؟؟ يفضل فعلا تعمل لنفسك موضوع مستقل لعرض التجربه الغنيه دى اول لما توصل ال 50 مشاركه

بص ياسيدي .. أول حاجة الأمتحان بيتكب في صفحة علي الموقع حاولي 3 اسئلة بعد متجربه في الكومبيلر عندك بتحفظة علي الصفحة ... الامتحان هيكون تقريبا مدتة ساعة مش فاكر بالضبط ممكن يكون اكتر .. الامتحان سهل جدا عبارة عن مصفوفات وبترتب فيها الارقام .. حسب الطريقة الي هيطلبها منك ..
اللغة الي هتكتب بيها Java / C# / C++ / C وممكن بايثون علي ما أعتقد

- فيزة الدراسة هتكون ليك أنت بس مش هينفع تجيب المدام والاولاد في الاول لانها مش هجرة .. بس بعد كده ممكن علي حسب السفارة بارضو ... في ناس بتجيب اسرتها بس مش مصرين معرفش الموضوع ده اساسه السفارة بشكل بحت

بعد متخلص دراسة ( 8 شهور ) هتبداء تدور علي شغل تحت فيزا اسمها CPT ومن أول مبتشتغل بتبداء تسدد قرض الدراسة ولو سدد جزء كبير من القرض تقدر تحول لفيزا OPT وبعدين مع الشركة الي شغال فيها ممكن تقدم علي فيزا H1P ,وبعدين بتتواصل مع محامي وتقدم علي الجرين كارد .. طبعا انت بتتحايل علي الجرين كارد . كل واحد بيكون حسب ظروفة .. في ناس كتير نجحت في الموضوع ده علي حسب منا سألت .. وفي ناس مش لاقية شغل لغيت دلوقت .. المعاير هنا هو خبرتك وتوفيق ربنا

بس مع اقصي درجات الفشل .. انت معاك دراسة من امريكا ومعاك لغة اتحسنت كتير ..

بنسبة ل 50 $ بعد ما بيتم قبولك هيطلبو منك طلبات لازم تنفذها عشان تكمل ملفك وبعدين بيطلبو منك دفع 50$ ودي عشان يبعتولك اهم حاجة في الموضوع استمارة I20 وهي دي المفتاح الي هيعديك من السفارة

بنسبة للمبلغ الي هيطلبو هيبقي اقل من 7 الف دولار .. حسب معرفت مؤخرا انهم قللو الدفعة المطلوبة لـ 3 الف دولار ... والله اعلم

بنسبة للدخل اثناء الدراسة ... مفيششش ... مممفيييش .. انا مش قادر اديك .. انا بصرف من جبي خلال الفترة دي
بس عمومان المبلغ الي هتدفعو للجامعة هيغطيك 8 شهور اكل ومعيشة في الجامعة .. لانه مبلغ مبدائي مش اكتر

في ناس اشتغلت في الجامعة بس حاجات بسيطة وبياخدو فلوس بسيطة جدا والشغل ده نادر مش كتير

ملحوظة مهمة الاكل مكوناته كويسة بس الطبخ زفت .. طعم مش مقبول بالمرة .. انا مقضيها سلطة وزبادي طول الوقت عندهم مرابت توت وزبدة هيلة .. أي حاجة غير الاكل المطبوخ كويسة جدا اورجنك ...واحسن حاجة هنا اللبن ... ركز في اللي هقولو دلوقت ..... اروع حاجة ممكن تشوفها في حياتك ... اللبن حلو جداا هتكتشف انك مكنتش بتشرب لبن طول حياتك

مدة الماجستير 8 شهور في الجامعة دراسة متواصلة سلخ .. بالاضافة لعلوم التامل دي بتكون في اول شهر .. وبعد كده كل محضرة في نهايتها بتقعد تعمل تأمل عشان تحافظ علي الصفاء الذهني .. ودي الفكرة الي بتسوق بيها الجامعة لنفسها لشركات البرمجة الي انت هتتواصل معاهم بعد كده وتعرض مهارتك والي منها انك مدرب علي اسليب التركيز والتامل

ملحوظة العرب او المسلمين عمومان مبيهتموش بالموضوع ده .. وبيركزو علي البرمجو بس .. نظرا لاحساسهم ان في الموضع شبه تعبد .. طبعا الكلام ده مش صحيح .. هي العبادة الهندسية فجزء منها تأمل .. لكن هو التأمل مش عبادة ده تكنيك عشان تصفي ذهنك ... انت بتاخد التكنيك بس .. محدش بيعرض عليك دين او بيدرسلك دين في الجامعة ...

الهنود هنا ليهم قوة كبيرة جدا .. واغلب الانتر فيوهات الي الناس بتمتحن فيها الي بيعملها هنود ..

اتمني أكون رديت علي كل اسئلتك .. واسف علي التأخير الوقت هنا غير مصر الوقت بيخلص بسرعة جدا ازي معرفش ....

 

 

[hammam_eltoukhy]

سؤال مصيري هل فكرة الدراسة في كندا من اجل الهجرة فكرة جيدة؟؟ يعني لو حبيت اروح ادرس دبلومة لمدة سنة تقريباً ايه الوضع بعدها؟؟
posted via mobile device

 

 

[IslamMounir]

باشا اخبارك عامل ايه فامريكا والتامل فامريكا ؟

 

 

[Maged Hosni]

السلام عليكم يا راجل يا طيب..
اخبارك يا دوك واخبار الاسرة..
ان شاء تكونوا جميعا بخير

 

 

[Clinical chemist]

لا اله الا الله

انا ولا اعرف انى موضوعى لسه شغال اساسا....لسه مكتشف ده بالصدفة.

من حوالى 6 اشهر دخلت المنتدى ملقاتش موضوعى...قلت فكوا التثبيت ...يالله ادى سنة الحياه....بس استغربت ان الموضوع مش ظاهر فى الصفحة الاولى حتى وفضلت كل فترة ادخل اشوف حد عايز حاجة ....طب حد مفتقدنى طه....ولا الهوا.

النهاردة حز فى نفسى انى لاقيت مواضيع منسية اقدم منى عادت للحياة...للدرجة دى انا ما فرقتش مع حد ؟ عضو وراح ؟ يالله اللى بعده؟

قلت اشوف موضوعى المنسى اترمى فى صفحة رقم كام...وصلت لسنة 2015 ومفيش....يعنى ايه ؟....مسحتوا موضوعى ؟....ذكرياتى وتعبى وشقاى خدهم الوبا ؟

دخلت بروفايلى لقيت موضوعى وشغال كمان.....الله......طب فين ؟....قوم القاه منقول لقسم المقاطعات ؟....مال هاملتون بالمقاطعات ؟....طب حد بلغنى بالنقل ده ؟.....يعنى انشغل شويه فارجع مالاقيش موضوعى فتتوقعوا منى الف على الاقسام ادور على موضوع تايه ياولاد الحلال ؟....طب الناس اللى كانت بتسال بدون رد يقولوا على ايه ؟ مطنش؟

يا حول الله

اعتذر لكل من سالونى وسالوا على.

Hassan Faroukاهلا بيك فى موضوعك ومبروك عليك النجاة من القوم الظالمين

 

 

[khaled_sabry]

اقتباس المشاركة الأصلية كتبت بواسطة Clinical chemist انا ولا اعرف انى موضوعى لسه شغال اساسا....لسه مكتشف ده بالصدفة. من حوالى 6 اشهر دخلت المنتدى ملقاتش موضوعى...قلت فكوا التثبيت ...يالله ادى سنة الحياه....بس استغربت ان الموضوع مش ظاهر فى الصفحة الاولى حتى وفضلت كل فترة ادخل اشوف حد عايز حاجة ....طب حد مفتقدنى طه....ولا الهوا. النهاردة حز فى نفسى انى لاقيت مواضيع منسية اقدم منى عادت للحياة...للدرجة دى انا ما فرقتش مع حد ؟ عضو وراح ؟ يالله اللى بعده؟ قلت اشوف موضوعى المنسى اترمى فى صفحة رقم كام...وصلت لسنة 2015 ومفيش....يعنى ايه ؟....مسحتوا موضوعى ؟....ذكرياتى وتعبى وشقاى خدهم الوبا ؟

ويلكم ويلكم .. ليك وحشه و الله
انا شخصيا كنت فاكرك الحياه خدتك و بطلت تدخل على المنتدى زى كثيرين من اللى فى المنتدى
بس اندهشت جداااا لما مره دخلت على بروفيلك و لاقيت اخر نشاط ليك بتاريخ قريب .. الله يعنى ده بيدخل المنتدى امال مش بيشارك فى اى موضوع بما فيهم موضوعه ليه و اخيرا الناهرده فهمت
على كل حال عودا حميدا

فى انتظار مشاركاتك المتميزه و سردك لاخر اخبارك الكنديه
فعلا انا كنت بشبهه موضوعك و موضوع عمار ياكندا و كام موضوع متميز تانى بالمخدرات الذهنيه اللى بتنسينا مؤقتا القرف اللى احنا فيه
اديلنا الجرعه بسرعه

 

 

[IHassanI]

دعوه لموضوعي

GeorgePib

انا بردو كنت متابع و بعدين مش لقيت اخبار انشاء الله خير

 

 

[الرويناء]

حصل خير وعوداً أحمد يلا منتظرين اخبار حضرتك يادكتور وعامل ايه في كندا وكندا عامله ايه فيكم 😄ان شاء الله كل خير
posted via mobile device

 

 

[AHassan]

اقتباس المشاركة الأصلية كتبت بواسطة Clinical chemist لا اله الا الله انا ولا اعرف انى موضوعى لسه شغال اساسا....لسه مكتشف ده بالصدفة. من حوالى 6 اشهر دخلت المنتدى ملقاتش موضوعى...قلت فكوا التثبيت ...يالله ادى سنة الحياه....بس استغربت ان الموضوع مش ظاهر فى الصفحة الاولى حتى وفضلت كل فترة ادخل اشوف حد عايز حاجة ....طب حد مفتقدنى طه....ولا الهوا. النهاردة حز فى نفسى انى لاقيت مواضيع منسية اقدم منى عادت للحياة...للدرجة دى انا ما فرقتش مع حد ؟ عضو وراح ؟ يالله اللى بعده؟ قلت اشوف موضوعى المنسى اترمى فى صفحة رقم كام...وصلت لسنة 2015 ومفيش....يعنى ايه ؟....مسحتوا موضوعى ؟....ذكرياتى وتعبى وشقاى خدهم الوبا ؟ دخلت بروفايلى لقيت موضوعى وشغال كمان.....الله......طب فين ؟....قوم القاه منقول لقسم المقاطعات ؟....مال هاملتون بالمقاطعات ؟....طب حد بلغنى بالنقل ده ؟.....يعنى انشغل شويه فارجع مالاقيش موضوعى فتتوقعوا منى الف على الاقسام ادور على موضوع تايه ياولاد الحلال ؟....طب الناس اللى كانت بتسال بدون رد يقولوا على ايه ؟ مطنش؟ يا حول الله اعتذر لكل من سالونى وسالوا على. Hassan Faroukاهلا بيك فى موضوعك ومبروك عليك النجاة من القوم الظالمين

الف حمد الله على السلامة منور
وبعدين عضو وراح ازاى, انا قريت كذا تجربة على المنتدى بس تجربك من افضل واقوى اللى قريته, تجربة فعلا لو اتعملت فيلم انا نفسى مش هصدقها
ممكن نسميها "رحلة مؤيد" ما شاء الله عليك
بالتوفيق ومتحرمناش من سردك واسلوبك الممتع

 

 

[Dr amr]

هاملتون اصبحت مدينه مزدحمه جدا والجاليه العربيه فيها كبيره جدا والاسعار تتصاعد بصوره سريعه وازمه السكن نحو الاسوء ولافرص عمل فيها