اللي مقدمين كيبك بداية من يناير 2010

[kodo]

الصحف المصرية والعربية

دعوه لموضوعي

Canada way أخبار يومية مباشرة

في البداية احب اعرفكم بنفسي اختكم أم آدم طبعا انا عضوة قديمة في المنتدي وفي الهجرة بوجه عام واخواتي بتوع الفيدرالي عرفني كويس ولكن لسه ان شاء الله هتعرف علي اخواتي الجدد الكيبكاويه

حكايتي باختصار شديد اني كنت مقدمه فيدرالي من يناير 2010 والورق اترفض ورجع تلات مرات (بسبب مهام الوظيفة – طريقة الدفع – انا اللي سحبت الورق )
وهو ده المهم انا في خلال فترة الانتظار باعت اخر مرة وده كانت بتاريخ 27 مايو لقيت القانون اتغير واصبحت في مهب الريح وممكن الورق يرجع لاي سبب تافه فقررت اني اكون عمليه واستفيد من مشوار التقديم والتحضير اللي استمر 9 شهور من بداية التفكير في الهجرة 0

وكان الحل كوبيك بدات بالبحث في الموضوع وتقريبا عرفت كل تفاصيله وبعدين قررنا نقدم والحمد لله ان كل الاوراق كانت جاهزة بسبب الفيدرالي طبعا حتي زوجي كان امتحات الايلتس وجاب 5.5 وعرفت ان الشهادة هتكون مفيدة في تقيم درجات اللغة الانجليزية 0

المهم واختصار للتفاصيل الكتير قدمنا كيبك بتاريخ 29 / 7 والحمد لله وصلنا خطاب فتح الملف من يومين وفتح الملف كان بتاريخ 22 / 9 وبعد بحث في المنتدي ملقتش جدول متابعة للاعضاء الافاضل اللي قدموا علي كوبيك مع ان ما شاء الله موضوعات كيبك كتيرة جداااااااااااا ومحتاجه شهور عشان الواحد يقدر يخلصها قراة

وعشان انا مجنونة نظام وجداول فكرة نعمل جدول عشان نتاع مع بعض ولان زي محضرتكم عرفين في فرق زمني في المقابلات بين اللي مقدم من داخل مصر او من خارجها فان شاء الله هنعمل جدولين و ياريت كل اللي ارسل ملف من اول السنة لحد الان يتابع معانا والبيانات المطلوبة هي اللي متوضحه في الجدول ادناه


الليستة الاتية للاعضاء اللي مقدمين من خارج مصر
=============================

الاسم	المهنة	الحالة الاجتماعية	عدد الاطفال	تاريخ الارسال	تاريخ فتح الملف	تاريخ المقابلة
كودو ( الزوج )	محاسب	متزوجة	2	29 / 7 / 2010	22 / 9 / 2010	------------------
------------------	------------------	------------------	------------------	------------------	------------------	------------------

 

[kodo]

دعوه لموضوعي

Canada way أخبار يومية مباشرة

هذه اهم النقاط اللي المفروض نعرفها قبل البدا في مشوار الهجرة

واكيد اغلبكم عارفينها بس انا حبيت اضفها هنا مخصوص عشان اخواتي الافاضل بتاع الفيدرالي لو حبوا يعرفوا اي معلومات عن كوبيك

وكمان لان مواضيع كوبيك كتير جدااا والواحد بيتوه فيها

فياريت كل واحد يحسب لنفسه ويعرف كل شئ من الموقع الرسمي لكوبيك

https://www.immigration-quebec.gouv.qc.ca/en/biq/damascus/dcs-workers/index.html

ده جدول الوضائف المفضلة لكوبيك وعليها درجات اضافية ( بالانجليزي )

https://www.immigration-quebec.gouv.qc.ca/publications/en/diverses/list-training.pdf

ده طريقة حساب الدرجات

https://www.immigration-quebec.gouv.qc.ca/publications/fr/divers/Grille-synthese.pdf

وده كل الوثائق والمستندات المطلوبة للتقديم

https://www.immigration-quebec.gouv.qc.ca/en/biq/damascus/dcs-workers/list-documents.html



وده جايد ومرجع مهم جدااا قبل التقديم عشان نحسب درجات اللغات ومستوياتها بالدرجات (صفحة 35 خاص بالللغات)

https://www2.publicationsduquebec.gouv.qc.ca/dynamicSearch/telecharge.php?type=7&file=GPI-3-1.pdf


بالتوفيق للجميع ولا تنسوني من صالح دعائكم لي ولاسرتي بالخير

في رعاية الله

 

 

[Rock]

تسلم ايديك علي التوبيك الجميل دة يا ام ادم
لي استفسار عند حضرتك
انا اخويا قدم الفايل بتاعة بالبريد من غير مايرفق شهادة الثانوية و لا C.V
و دة عشان كنا مستعجلين نقدم قبل اكتوبر خوفا من تغيير القوانين اللي حصل قبل كدة و اللي متوقع اليومين دول يحصل
انا صراحة مش عارف ابعتهم فاكس ازاي و هو ملهوش فايل نمبر و انا عارف الدنيا زحمة عندهم
شكراا

 

 

[TeTo IT]

السلام عليكم ورحمة الله وبركاته

لو سمحتوا يا جماعة ممكن حد يقولي ايه الي اتغير في القوانين بالنسبة ل كيبك
مع الشكر

 

 

[kodo]

دعوه لموضوعي

Canada way أخبار يومية مباشرة

د/ روك اهلا وسهلا بحضرتك وباخو حضرتك بالنسبة لارفاق اوراق ناقصة للملف الموضوع سهل جدا مادام هما ورقه او ورقتين
اولا طبعا افضل ان حضرتك تنتظر انهم يرسلوا لحضرتك الفايل نمبر عشان ده هيكون المرجع اللي ممكن بيه تضيف اي ورق ناقص للملف
وعلي العموم انا بعت من غير شهادة الثانوية العامة لانها كانت لسه في مصر محتاجة ترجمه وارسالي لي هنا وبعدين ارسالها لسوريا وده طبعا كان هياخد وقت طويل
وان شاء الله هحاول ابعتها الاسبوع الجاي يعني نقصها ملهوش اي تاثير علي حصول اخو حضرتك علي الفايل نمبر
وان شاء الله تسمع اخبار حلوة عنه قريب وتفرحنا معاك

أ / تيتو بصراحة معنديش اي معلومات عن تغير القوانين اللي الاشاعات اللي دائما بتتردد في مكاتب محامين الهجرة
وده عادي لانهم دايما بيلعبوا علي حتت القلق والخوف من التغير عند اللي عايز يهاجر ( ده اكل عيشهم )

اخي الفاضل أ/ علاء فرنش طبعا يشرفني جدا مشاركة حضرتك ونورت المغارة والف شكر علي ذوقك العالي
بصراحة انا معرفش موضوع أ/ نوبدي اسمه ايه لكن انا ملقيتش اي موضوع فيه متابعة من اسمه للي مقدمين يمكن يكون الجدول موجود جو موضوع
بس طبعا انا ما شوفتوش لان مواضيع كوبيك محتاجة شهور للبحث بداخلها

يا ريت أ/ علاء تكون حضرتك اول واحد يشرفني بمشاركته في الجدول
ولو ممكن حضرتك تقولي الجدول موجود في اي موضوع
وانا احاول انقله هنا بعد اذن أ/ نوبدي

في رعاية الله

 

 

[VERDI]

اقتباس المشاركة الأصلية كتبت بواسطة kodo وعلي العموم انا بعت من غير شهادة الثانوية العامة لانها كانت لسه في مصر محتاجة ترجمه وارسالي لي هنا وبعدين ارسالها لسوريا وده طبعا كان هياخد وقت طويل وان شاء الله هحاول ابعتها الاسبوع الجاي يعني نقصها ملهوش اي تاثير علي حصول اخو حضرتك علي الفايل نمبر وان شاء الله تسمع اخبار حلوة عنه قريب وتفرحنا معاك

انا كنت هالغي الفكرة بسبب شهادة الثانوية دي
كده كويس

عايز اسئل على نظام الدفع, نفس نظام الفيدرال , شيك او فيزا كارت
مافيش طريقة اسهل بتحويل مباشر على حساب عندهم ولا حاجة.

 

 

[kodo]

دعوه لموضوعي

Canada way أخبار يومية مباشرة

هي نفس طريقة الدفع بتاعت الفيدرالي يا فيردي انا عملت بنك درافت زي الفيدرالي باسم وزير مالية كوبيك 0

ربنا يوفقك شد حيلك بس لازم تعمل شهادة الثانوية لان هتطلب منك في المقابلة ضروري

في رعاية الله

 

 

[Rock]

ميرسي كتير مدام كودو

 

 

[kodo]

دعوه لموضوعي

Canada way أخبار يومية مباشرة

ده ملف حساب الدرجات باللغة العربية يا رب يكون مفيد للي لسه في اول المشوار


https://www.4shared.com/document/DguS5wTO/_____14__2010.html


بالتوفيق للجميع

في رعاية الله

 

 

[سيف الدولة]

اتمنالكم التوفيق بمشواركم الى كيبك ..بس محدش يقلق من التأخير..والله ياجماعة كل تأخيرة وفيها خيرة ..وكل ما الواحد كان مستعد اكتر كل ما كان أحسن .وبالنسبة ليكي مدام كودوالايلتس حيفيدكم حتى هنا بمونتريال ..اصلكم لو عاوزين تدرسوا انكليزي ..ممكن هنا طبعا في جامعتين ..مكغيل وكونكورديا والتنين عاوزين يا توفل يا ايلتس...منتظرينك بمونتريال...مدينة الجمال ...