المقيمين الراغبين بمقابلة ومساعدة أشقائهم القادمين ف الطريق بس مش بدفع فلوس

[أهرامات الجيزة]

الصحف المصرية والعربية

بسم الله الرحمن الرحيم

أولا أحب أقول ديه ممكن تكون جرأة زيادة مني إني أفتح موضوع زي ده ،، لكن قولت أجرب مين عارف ؟؟ يمكن النتيجة تكون إيجابية ،، رغم إني مش ههاجر قبل 3 سنين كمان

قال رسول الله صلى الله عليه وسلم :
( المؤمن للمؤمن كالبنيان يشد بعضه بعضاً )
أخرجه الشيخان من حديث أبي موسى رضي الله عنه

لما بشوف الباكستانيين والهنود والبنجلاديش والنيباليين والسودانيين ،، بحس بغيرة شديدة ،، وأقول لنفسي : ليه المصريين مبيعبروش بعض ف الغربة ويتكتلوا مع بعض زي الناس ديه ما بتعمل ؟؟ على فكرة أنا عمري ما سافرت بره مصر ، لكن كنت شغال في أكتوبر في مصنع ملابس عالمي أيام ما كنت طالب ف تجارة ،، الناس دول كانوا مع بعض ف كل حاجة ، المصايب قبل الأفراح ،، ويساعدوا بعض بطريقة لا توصف وممكن يقسموا الساندوتش الواحد مع بعض لو وقت الغداء قرب يخلص وواحد مالحقش يجيب أكل من مصروف اليوم والشغل هيبدأ تاني
أما أنا كنت مراقب سير يعني زي مراقب حركة كدة ومخازن مع بعض ،، الشباب اللي من الجيزة يكره لله كدة شباب الفيوم والاتنين يكرهوا شباب المنيا وكل دوول يكرهوا العبد لله اللي من الدقي
ويبصوا لي على إني شاب خواجة رغم إن كلهم كانوا طلبة جامعة زيي وكانوا بيوقعوا بيني وبين العمال الأسيويين ،، خد بالك دا أنا بتكلم عن مصر هنا جوه ؟؟؟؟،، على فكرة المصنع ده بتاع مستثمر إيطالي أصله برازيلي إسمه فرناندو

نتكلم بقى عن برة ،، اللي أقصده خلينا برة نعاون بعض وبلاش جوة وخلاص ،، والمساعدة اللي أقصدها هنا لو حد في كندا ولا إستراليا ولات نيوزيلندا ولا أمريكا يساعد بالإرشاد والتوجيه وبس مقولتش يتقابل المصريين ويسلفوا بعض ،، أبداً والله ،، عارف إن معظم الناس بتكون على فيض الكريم ،، لكن أنا هديكوا مثال ،، واحد راح نيوزيلندا ولا كندا ولا غيرهم ياكل عيش في أي مجال (طب ، هندسة ، صيدلة ، زراعة ، علاج طبيعي ، محاسبة ومراجعة حسابات ، ترجمة ، برمجة ، دعاية وإعلان ، ..... إلخ)
وبيكون معاه فلوس ف الأول ،، اللي فيه النصيب ،، بس ميعرفش مثلاً : فين مكان السكن المناسب والأرخص ؟؟ ، فين مكان الجامع ؟؟ ، فين بياع الأكل الحلال ؟؟ ، فين المكان اللي بيتباع فيه شطاف التواليت التقليدي مش الطبي ؟؟ ، فين أماكن مراكز مساعدة المهاجرين اللي بتقدم فرص عمل ، وأحسن المراكز فين ؟؟ ، فين أماكن شركات التوظيف ؟؟ ،، فين الأماكن بتاع محطات الأتوبيس العام ؟ ،، فين المتاجر اللي بتعمل عروض وبتبيع بضاعة بخصم كبير ؟؟ فين مكان أقرب مستشفى مجاني حكومي ؟؟ فين المكان اللي ياخد منه معونه لأطفاله لو معاه أطفال ؟ وفين مكان المدارس وأحسنهم إيه ؟ فين أماكن بيع الملابس التقيله بسعر رخيص ؟ لإيه المناطق أو الشوارع اللي المفروض مادخلهاش عشان متسرقش أو ماتقتلش ؟ أسلوب الكلام مع الأجانب إزاي ؟؟ ، لو واحد بيدرس معادلة لمؤهله ومفيش ليه شغل بمؤهله إلا لما يخلص المعادلة ،، وهايشتغل غصب عنه كاجوال لفترة لحد ما تخلص المعادلة يروح فين ويدور ،، وهل في شغل كاجوال عند ناس مصريين معرفة أو كنديين لو حد يعرف في مطعم أو سواقة أو أمن؟

والله لو نسيبنا من عقلية المماليك و الإنجليز اللي إطبعنا على طبعهم هنوصل كلنا وربنا هيوفقنا جميعاً ،، ولو كل واحد مصري ف كندا إتطوع للإرشاد والمساعدة غير المادية لمسادة واحد ولا إتنين ولا تلاتة من المهاجرين المصريين الجدد والله ربنا يكتبها ف ميزان حسناته لأن المهاجر الجديد ياخد نفس حكم إغاثة الملهوف ،، شوف حسناتك هتبقى قد إيه بقى ؟

ده ممكن يحصل من خلال منتدانا الجميل (المطاريد) وكل واحد مستعد يساعد بجزء من الوقت للمهاجرين الجدد يبقى كتر خيره وربنا يكتبها ف ميزان حسناته ،، يعني واحد عضو في المنتدى يقول أنا إسمي كذا و مقيم في بلاد المهجر الفلانية وعندي معلومات جيدة عن بلاد المهجر الفلانية ومستعد أساعد المهاجرين الجدد (مساعدة غير مالية ) من ساعة مايوصلوا المطار لحد ما تتوفق أوضاعهم ويستقروا شوية وهكذا ويقابلوا بعض كل ما أمكن للمساعدة في شتى الأمور ويتبادلوا أرقام التليفون كدة يعني

لكن تــحــذيـرررررررر : وأنا ماقصدش حد معين أنا كلامي عن فئة معينة و السادة أعضاء المنتدى ليسوا منهذه الفئة ،، إذا واحد في بلد بالمهجر وعامل إنه بيساعد لكن نيته سيئة عايز ينصب على الناس اللي جاية جديدة وياخد منهم فلوس لنفسه ،، يبقى ربنا هيوريه السوء والعذاب كله والناس الجديدة في المهجر تاخد بالها ومتتعاملش معاه تاني ،، أو العكس

أو العكس بالعكس ، لو واحد مهاجر جديد بس نيته سيئة وعايز يستقطع وينصب على الراجل المقيم المحترم اللي نوى نية خالصة لله إنه يساعده وياخد منه فلوس إستقطاع ،، يبقى ميستحقش المساعدة ويروح يبلغ عنه كمان وميعبروش تاني

لإمكانية حدوث الإحتمالين السابقين وجب التنويه ، والله ماقصدي أبداً الغلط أو تخويف الناس إنما أنا بدعو الكل يساعد الكل لكن مع الحذر
اللهم إجعلنا في عون بعضنا البعض يارب العالمين
حديث شريف (الله في عون العبد ما كان العبد في عون أخيه)

 

[أفندينا]

والله الفكره زي الفل من حيث المبدأ , بس هتلاقي مننا ناس كتير عندها تجارب سابقه سيئه سواء كانت شخصيه او عن طريق حد معرفه او سماعيه .
المهم ان احنا عندنا مبدأ التعميم , اما بالنسبه ليا انا فانا مريت بتجربه مماثله بس كانت من النوع الإيجابي , كنت في الإمارات وكنت لسه رايح جديد واستقبلني واحد مصري اسمه حماده من المنصوره بس والله العظيم كان ونعم الأخ , كان دايما يوجهني في الشغل ولو لقى اي سلبيه يوجهني على طول بيني وبينه ودايما كان بيساعدني ودخلني بيته وللأسف بعد فتره مش طويله اتنقل وراح اماره تانيه , وده كان مثل أعلى ليا وحاولت اعمل كده مع أي مصري جه بعد كده يشتغل معايا.
وعموما الاستراتيجيه العامه لهذا المنتدى تتفق مع اللي انت بتنادي بيه , بس المطلوب نطور اكتر واكتر , احسن واحسن , وزي ما قالوا زمان البحر بيحب الزياده ( تحيه لاخوانا
السواحليه ) .
وان شاء الله مع بعض للخير دائما

 

 

[الصاعد]

الحمدلله أنى وجدت من خلال هذا الرابط من ينادى بالمبادئ التى ناديت بها وسط شراسة من الهجوم ضدى حمداً لله متنمنياً من الله أن يكون هذا التوبيك من أهم التوبيكات فى هذا المنتدى
ورجاءً منى لكل مهاجر عربى مسلم ومسيحى بالتفاعل العملى مع هذا التوبيك لما سيكون له من أجر عظيم لفاعله

بالتوفيق بعون الله

 

 

[ehabtaher]

https://videohat.masrawy.com/view_vid...bd1f7361b32ab4

مصرى ينجح فى انتخابات بريطانيا للمحليات

 

 

[elmadysm]

دعوه لموضوعي

CharlesSwide

اقتباس فين مكان السكن المناسب والأرخص ؟؟ ، فين مكان الجامع ؟؟ ، فين بياع الأكل الحلال ؟؟ ، فين المكان اللي بيتباع فيه شطاف التواليت التقليدي مش الطبي ؟؟ ، فين أماكن مراكز مساعدة المهاجرين اللي بتقدم فرص عمل ، وأحسن المراكز فين ؟؟ ، فين أماكن شركات التوظيف ؟؟ ،، فين الأماكن بتاع محطات الأتوبيس العام ؟ ،، فين المتاجر اللي بتعمل عروض وبتبيع بضاعة بخصم كبير ؟؟ فين مكان أقرب مستشفى مجاني حكومي ؟؟ فين المكان اللي ياخد منه معونه لأطفاله لو معاه أطفال ؟ وفين مكان المدارس وأحسنهم إيه ؟ فين أماكن بيع الملابس التقيله بسعر رخيص ؟ لإيه المناطق أو الشوارع اللي المفروض مادخلهاش عشان متسرقش أو ماتقتلش ؟ أسلوب الكلام مع الأجانب إزاي ؟؟

بص يا سيدى كل المعلومات دى وزيادة عليها كتير موجودة على الانترنت
و لو عندى وقت هاريحك و اجيب لك كل المواقع المطلوبة
ومستر جوجل الله يخليه ماخلاش حد فى نفسة حاجة

دا مش معناه ان الناس ماتقفش جنب بعض
لا لازم كلنا نقف مع بعض

بس فيه مرحلة موجودة من انعدام الثقة و احنا بطبعنا شعب شكاك
يعنى مثلا لو انا قلت لك على انى هاساعدك فى ايجاد السكن المناسب
المطلوب تبعتلى الفلوس ............هاتعمل ايه ؟
المفروض انك تبعتهم قبل ماتيجى
هاتفضل تفكر مليون مرة قبل ماتبعتهم
و هاتفضل قلقان كتييييييييييييييييير لغاية متوصل
ولو سالت واحد هايقولك هو ان اتجننت ولا بترمى فلوسك لناس ماتعرفهاش

و بعد ماتصل و تقطع الشك باليقين

هاتقول لنفسك هو عمل كدى ليه ؟
اكيد كسبان من ورا الحكاية دى ولا واخد عموله ولا ولا ولا ولا
يارب تكون فهمت قصدى صح


على العموم انا من ناحيتى بالنيابة عن الاخوة فى تورنتو على استعدام لخدمة اى مهاجر
دا مش كلامى دا كلام كل الناس اللى قابلتهم هنا

 

 

[أمل]

اقتباس المشاركة الأصلية كتبت بواسطة elmadysm بص يا سيدى كل المعلومات دى وزيادة عليها كتير موجودة على الانترنت و لو عندى وقت هاريحك و اجيب لك كل المواقع المطلوبة ومستر جوجل الله يخليه ماخلاش حد فى نفسة حاجة دا مش معناه ان الناس ماتقفش جنب بعض لا لازم كلنا نقف مع بعض بس فيه مرحلة موجودة من انعدام الثقة و احنا بطبعنا شعب شكاك يعنى مثلا لو انا قلت لك على انى هاساعدك فى ايجاد السكن المناسب المطلوب تبعتلى الفلوس ............هاتعمل ايه ؟ المفروض انك تبعتهم قبل ماتيجى هاتفضل تفكر مليون مرة قبل ماتبعتهم و هاتفضل قلقان كتييييييييييييييييير لغاية متوصل ولو سالت واحد هايقولك هو ان اتجننت ولا بترمى فلوسك لناس ماتعرفهاش و بعد ماتصل و تقطع الشك باليقين هاتقول لنفسك هو عمل كدى ليه ؟ اكيد كسبان من ورا الحكاية دى ولا واخد عموله ولا ولا ولا ولا يارب تكون فهمت قصدى صح على العموم انا من ناحيتى بالنيابة عن الاخوة فى تورنتو على استعدام لخدمة اى مهاجر دا مش كلامى دا كلام كل الناس اللى قابلتهم هنا

اعتقد ان موضوع بعت الفلوس ده مبقاش مشكلة
يعنى حضرتك لو تكرمت وحجزت لحد بتقوله على الشركة والكونتاكت بيرسون والواحد كل اللى يعمله انه يديه رقم الكريدت كارت او الكارت المدفوع مقدما ويمكن السحب منه من النت وصاحب الشقة يصرف الفلوس يبقى كده حضرتك اديت خدمة كويسة بتوفير السكن بمكان او منطقة امنه ومناسبه من غير ما تدخل فى معاملات مادية وكل الاطراف تبقى مطمنه
لان ده الطبيعى ان الواحد لو عاوز يحجز فندق او شقة مفروشة من النت وهو فى مصر بس الفرق انه بدل ما يحجز عميانى يبقى فى عين امينه بداله فى المكان
ومبدئيا جزاك الله خيرا

 

 

[أهرامات الجيزة]

اقتباس المشاركة الأصلية كتبت بواسطة قمر اعتقد ان موضوع بعت الفلوس ده مبقاش مشكلة يعنى حضرتك لو تكرمت وحجزت لحد بتقوله على الشركة والكونتاكت بيرسون والواحد كل اللى يعمله انه يديه رقم الكريدت كارت او الكارت المدفوع مقدما ويمكن السحب منه من النت وصاحب الشقة يصرف الفلوس يبقى كده حضرتك اديت خدمة كويسة بتوفير السكن بمكان او منطقة امنه ومناسبه من غير ما تدخل فى معاملات مادية وكل الاطراف تبقى مطمنه لان ده الطبيعى ان الواحد لو عاوز يحجز فندق او شقة مفروشة من النت وهو فى مصر بس الفرق انه بدل ما يحجز عميانى يبقى فى عين امينه بداله فى المكان ومبدئيا جزاك الله خيرا

يا سادة يا محترمين بلاش كل الخطوات دي خالص
يعني واحد جديد نزل من الطيارة أهه ،، يقابل السيد المحترم اللي هيساعده وياخده ع المكان اللي ممكن يسكن فيه أو يلففه على كذا مكان ويختاار اللي يناسبه ، مش لازم يبعت فلوس وبتاع والكلام دة ،، أو ممكن لو ينفع الحجز من ع النت والدفع كمان ، ماشي بس يديلوا الكونتاكت لاين،، وبالنسبة للشخص اللي بيتكلم ع الفنادق أو الشقق المفروشة:w acko.: ٌأقول له أغلبنا يادوب معاه قرشين ولو مش معاه مش هيفكر في هجرة أصلااااا
هو بالكتير أوضة وهيطول فيها كمان ،، واللي معاه بقى ،، ...يبقى ينقط بطاقيته

 

 

[elmadysm]

دعوه لموضوعي

CharlesSwide

ارسال الفلوس باى طريقة ليس هو ما اقصدة
كل قصدى اننا بنقدم الشك .................. و الشك الزايد عن اللزوم على تصرفاتنا
يعنى منين عرفت ان الشخص الموجود بالخارج مش نصاب وحرامى و ابن ..............

قصد كلامى لازم نزرع الثقة فى الاول مكان الشك

انا عن نفسى وثقت فى اسرة مصرية فى استلام ال sin كارت رغم اهميته الكبيرة جدا
وكنت كلمتهم قبلها مرتين فقط بالعدد
الاولى اعرفهم بنفسى و استاذنهم فى استلام الكارت
و الثانية لاخذ العنوان بالظبط
و الحمد لله الثقة كانت فى محلها

فهل كل الناس بتعمل كده ؟


عاوزين نغير الفكرة بتاعت الاغنيه لخالد عجاج ناس و ناس
اللى عاوز حاجة منك .......................بتلاقيه انسان ملاك
ولما ياخد دم قلبك ...........................تلاقيه بركان هلاك

 

 

[أهرامات الجيزة]

الأخ elmady sm شكراً ليك على إستعدادك للتعاون وربنا يجازيك خيرررر

إلا صحيح ممكن يا elmady تكتب الروابط اللي إنت لقيتها على جوجل بخصوص الحاجات اللي أنا قلت عليها ؟؟
وياريت كمان روابط مواقع الشقق والأوض الرخيصة بالذات عشان الغلابة

وصحيح أخبار المحاسبين في كندا إيه ؟؟

 

 

[elmadysm]

دعوه لموضوعي

CharlesSwide

معلش لسه شايف السؤال دلوقتى
و هارد باللى عندى

فين مكان السكن المناسب والأرخص ؟؟
اذهب الى احد هذه الروابط لاستأجار الشقه
https://www.rentedmonton.com/Default.aspx
https://www.offcampushousing101.com/
https://www.extension.ualberta.ca/faculty/index.aspx
https://www.homestayfinder.com/Default.aspx
https://www.gotransglobe.com/
https://www.viewit.ca/vwOntario.aspx

البحث عن سكن
https://www.torontorentals.net/

بيوت شباب و hostels
https://www.hostels.com/ca.on.to.html
https://www.hihostels.ca/
البحث عن سكن
https://www.torontorentals.net/

بيوت شباب و hostels
https://www.hostels.com/ca.on.to.html
https://www.hihostels.ca


، فين مكان الجامع ؟؟
https://www.torontomuslims.com/Direct...0/Default.aspx

، فين بياع الأكل الحلال ؟؟
https://www.zabihah.com/b/Greater-Toronto-Area+5
، فين المكان اللي بيتباع فيه شطاف التواليت التقليدي مش الطبي ؟؟
دى بقى مش على الانترنت دى لقيتها فى اعلان فى الصحف المجانية العربية
، فين أماكن مراكز مساعدة المهاجرين اللي بتقدم فرص عمل ، وأحسن المراكز فين ؟؟
https://www.settlement.org

، فين أماكن شركات التوظيف ؟؟
https://www.torontojobs.ca/en/html/agencies.php?

،، فين الأماكن بتاع محطات الأتوبيس العام ؟
www.ttc.ca

،، فين المتاجر اللي بتعمل عروض وبتبيع بضاعة بخصم كبير ؟؟

كل المتاجر بتعمل عروض اسبوعية بس كل مرة مجموعة اصناف باستثناء يوم 26/12 دا فية عروض تصل الى 75 %

فين مكان أقرب مستشفى مجاني حكومي ؟؟
https://www.211toronto.ca/index.jsp

فين المكان اللي ياخد منه معونه لأطفاله لو معاه أطفال ؟
https://www.cra-arc.gc.ca/benefits/
وفين مكان المدارس وأحسنهم إيه ؟
https://www.settlement.org/site/ED/elementary.asp
فين أماكن بيع الملابس التقيله بسعر رخيص ؟

لإيه المناطق أو الشوارع اللي المفروض مادخلهاش عشان متسرقش أو ماتقتلش ؟
https://www.toronto.ca/demographics/priorityareas.htm



أسلوب الكلام مع الأجانب إزاي ؟؟