انا حزين

[كنتاكى]

الصحف المصرية والعربية

انا حزين

انا حزين علشان انتوا اهلى انا حزين علشان انتو ناسى
انا حزين علشان عملتوا فينا كده انا حزين لاننا ولادكم
جبتونا فى زمن صعب ورمتوا المسئوليه على ربنا وهو برىء منكم
بهدلتونا و جوعتونا و يئستونا وكنتوا سبب شقائنا فى الدنيا
رميتوا المسئوليه على غيركم بس انتوا اللى صنعتوا ده
بتقولوا على نفسكم كبار و اباء لينا لكن انتوا عملتوا ايه لينا ؟؟؟
فاكرين نفسكم بتنحتوا فى الصخر علشانا لكن الواقع بيقول غير كده
انتوا من غير ما تحسوا بتقتلونا و بتدمرونا
بنحاول نعمل حاجه لحياتنا لأول مره قولنا لأ للفرعون اللى كان مستعبدكم كل النين اللى فاتت
وحتى كلمة شكرا مش قادرين تقولها و كأنها عيب بتحاولوا تحطمونا على اد ما تقدروا
نفسكم يحصل العكس بس علشان تثبتوا لنفسكم انكم كبار وبتفهوا عننا واحنا مستهترين ومتهورين
حاولوا تفهمونا حاولو تتكلموا معانا و تقربوا مننا حاولوا تحسوا بمشاكلنا و بالوضع اللى حطتونا فيه وكان بسببكم ليه كل يوم بتبعدوا اكتر من اليوم اللى قابله
احنا متفهمين خوفكم علينا وضعفكم لكن حاولوا تثقوا فينا
اتقتلنا على الحدود من شوية كلاب اسمهم اليهود
كل اللى شفناه منكم اهدوا و اصبروا الكلمتين دول بسمعهم من وانا عندى 10 سنين لغاية امتى حتفضلوا
محوطين علينا وخايفين علينا خوفكم قتلنا و لسه بيقتلنا قتلنا نفسيا ومعنويا وحتى بدنيا
المسافه اللى بينا بتبعد لغاية ما حتتقطع مفيش شاب فى مصر عايز يقعد فيها و السبب انتو ...انتوا اللى عملتوا فينا كده
مش قادر ادعى عليكم لانكم اهلى لكن ربنا موجود و شايف انتوا وصلتونا ل ايه
انا تعبان يا امى انا تعبان يا ابويا
انا تعبان

 

[AzzA]

طيب أنا بجد مش فاهمه ...

أيه علاقة الكلام اللي حضرتك كاتبه ده ...!!

بالموضوع ده ...!!

https://www.almatareed.org/vb/showthr...t=91429&page=3

بعدين ....

من غير زعل ....

حضرتك خلاص صادرت حقك في العتاب ...

لما رديت على الشتيمة بالشتيمة

خلاص ...كده سكت الكلام

مفيش عتاب ...

العتاب بيكون بين ... أصحاب وحبايب بيحافظوا على مشاعر بعض


وشكراً

 

 

[كنتاكى]

هو ملوش علاقه يا عزه بالموضوع السابق

 

 

[bond]

ليدوووووووووووووووووووو
منور المكان

 

 

[إكرام يوسف]

اقتباس المشاركة الأصلية كتبت بواسطة كنتاكى بنحاول نعمل حاجه لحياتنا لأول مره قولنا لأ للفرعون اللى كان مستعبدكم كل النين اللى فاتت وحتى كلمة شكرا مش قادرين تقولها و كأنها عيب بتحاولوا تحطمونا على اد ما تقدروا

إيه يابني اللي بتقوله ده؟ لو انت كنت من اللي قالوا للفرعون لأ فعلا ومن اللي قاموا بالثورة ما كنتش حتقول كده فعلا.. لأن الثوري الحقيقي عارف ان الثورة ما انطلقتش كده شيطاني لوحدها في الجيل ده.. اللي قاموا بالثورة همه اللي اتربوا على نضال الأجيال اللي قبلهم اللي دخلوا المعتقلات واتعذبوا واستشهدوا عشان قالوا لأ قوية للفرعون.. وعلموها لأولادهم وتلامذتهم.
لو انت كنت من اللي قاموا بالثورة فعلا.. كنت حتعرف ان أكتر الشعارات اللي كانت مرفوعة في الثورة .. شعارات وهتافات كانت بتتقال من تلاتين سنة وأكتر.. وأصحابها فيه منهم اللي ربنا افتكره من غير ما يشوف ثمرة جهده بعدما قام بدوره في توعية جيل جديد قام بالثورة.. وفيه منهم اللي شارك فعلا في الثورة من اليوم الأول.
اسأل يابني حد من اللي شاركوا في الثورة وهو يقول لك .. مافيش ثورة بتطلع م الهوا.. ده تراكم نضالات وخبرات من يوم وقفة عرابي لغاية النهارده. كل المناضلين المصريين اللي استشهدوا واللي اعتقلوا واللي اتعذبوا واللي اتشردوا واتقطعت لقمة عيشهم من يومها .. همه اللي رووا بذرة الثورة تضحيات ودماء لغاية ما اشتد عودها في جيلكم.. اللي منه شباب زي الورد حافظ على النبتة وووقف يدافع عنها ويكمل اللي عملوه أجداده.
أما عتابك على والدك ووالدتك فدي مسألة شخصية عائلية تخصك.. وانت الأدرى بيها..مش كل الآباء والأمهات بيحاولوا يحطموا ولادهم زي انت ما بتقول.. وفيه آباء وأمهات بيربوا ولادهم على الكفاح والجهاد، ومواجهة المصاعب وتحمل المشاق في سبيل تحقيق أهدافهم مهما كانت المصاعب.. وأولاد الآباء والأمهات دول همه اللي يقدروا يعملوا ثورة