مبرمجون و مهندسي شبكات وصيانه حاسبات مهاجرين الي كندا

[nasrfathy]

الصحف المصرية والعربية

اقتباس المشاركة الأصلية كتبت بواسطة حسام يوسف الأخ العزيز نصر فتحى مش عاوز أتقل عليك فى الأسئلة وأغير رأيك فى المشاركات وكثافتها ممكن بس أسأل على فرص مجال تطوير المواقع web development ياترى أخبار الشغل للناس دى اية؟ فية معادلة؟ اية الخبرات اللى بيحتاجوها؟ المرتبات كويسة ولا لأ؟ وربنايكرمك دايما

السلام عليكم استاذ حسام
تقل يا سيدي براحتك بس في نفس الوقت كنت اتمني المهندس ايهاب يشاركنا في الموضوع ده بس اكيد وقته مش بيسمح لانه هيفيدك اكتر مني لاني لسه في مصر ومعلوماتي علي قدها بس احب اطمنك احنا بتوع IT لاغني عنا في مكان وموضوع المعادلات اعتقد والله اعلم ان في شهادت دوليه تمنح من مايكروسوفت ليه مصداقيها عندهم وعلي فكره انا ان شاء الله قدمت في MCPD لسه بحضر لامتحانتها وبتكون في القريه الذكيه وده هيفيدك جدا لانها شهادت عالميه وليست مصريه يا حسام يا خويا الناس دي بتحب المميزين حاول تكون مميز في مجالك ملم بكل تفاصيله فرصة نجاحك هناك هتكون اكبر ان شاء الله اكيد اكيد المرتبات كويسه واعدك انها هترضيك واللي اعرفه والله اعلم ان مجال الشغل في ال IT البرتا ليها مكانه ممزه ليه.. وتحت امرك يا سحس وربنا يوفقنا جميعا
تحياتي لكم جميعا

 

 

[Karim]

كان عندي سؤال محيرني واسف اني هخرج عن الموضوع . لية كندا بالذات الكل بيتكلم عنها وعايز يروحها . لية مش امريكا مثلا او استراليا او انجلترا او اي دول تانية . مع احترامي لكندا طبعا . بس سؤال محيرني لان الكل بيتكلم عن كندا وبس .

 

 

[حسام]

اقتباس المشاركة الأصلية كتبت بواسطة nasrfathy السلام عليكم استاذ حسام تقل يا سيدي براحتك بس في نفس الوقت كنت اتمني المهندس ايهاب يشاركنا في الموضوع ده بس اكيد وقته مش بيسمح لانه هيفيدك اكتر مني لاني لسه في مصر ومعلوماتي علي قدها بس احب اطمنك احنا بتوع it لاغني عنا في مكان وموضوع المعادلات اعتقد والله اعلم ان في شهادت دوليه تمنح من مايكروسوفت ليه مصداقيها عندهم وعلي فكره انا ان شاء الله قدمت في mcpd لسه بحضر لامتحانتها وبتكون في القريه الذكيه وده هيفيدك جدا لانها شهادت عالميه وليست مصريه يا حسام يا خويا الناس دي بتحب المميزين حاول تكون مميز في مجالك ملم بكل تفاصيله فرصة نجاحك هناك هتكون اكبر ان شاء الله اكيد اكيد المرتبات كويسه واعدك انها هترضيك واللي اعرفه والله اعلم ان مجال الشغل في ال it البرتا ليها مكانه ممزه ليه.. وتحت امرك يا سحس وربنا يوفقنا جميعا تحياتي لكم جميعا

الحقيقة انا لسة بتعلم يا عزيزى نصر فتحى
وفكرت فى موضوع التعليم لاكتر من سبب
اولا المهنة بتاعتى فى مصر ما فيهاش جديد
فقلت هية موجودة وادينى بتعلم مهنة تانية أو مجال جديد
لكن سؤالى يا عم نصر
اعمل اية عشان اخلى الموضوع مش تعليم وبس
وأقدر بعدة اشتغل فى كندا كويب ديفيلوبر
لحد مانشوف المعادلة للصيدلة هتنفع ولا لأ
معادلة الصيدلة الكندية نار وطحن الطحن ربنامايوريك
وكمان حبيت مجال التطوير دة جدا
على قد ما شفت منة لحد دلوقتى
شكر يا عم نصر على مساعدتك
وربنا يقدرنا ونرد جمايلك
وياريت لو انت أو أى حد م الاخوة لو عندة رد يساعدنى بية
شكرا يا أحلى مطاريد

 

 

[nasrfathy]

اقتباس المشاركة الأصلية كتبت بواسطة حسام يوسف الحقيقة انا لسة بتعلم يا عزيزى نصر فتحى وفكرت فى موضوع التعليم لاكتر من سبب اولا المهنة بتاعتى فى مصر ما فيهاش جديد فقلت هية موجودة وادينى بتعلم مهنة تانية أو مجال جديد لكن سؤالى يا عم نصر اعمل اية عشان اخلى الموضوع مش تعليم وبس وأقدر بعدة اشتغل فى كندا كويب ديفيلوبر لحد مانشوف المعادلة للصيدلة هتنفع ولا لأ معادلة الصيدلة الكندية نار وطحن الطحن ربنامايوريك وكمان حبيت مجال التطوير دة جدا على قد ما شفت منة لحد دلوقتى شكر يا عم نصر على مساعدتك وربنا يقدرنا ونرد جمايلك وياريت لو انت أو أى حد م الاخوة لو عندة رد يساعدنى بية شكرا يا أحلى مطاريد

السلام عليكم دكتور حسام انا بشجعك علي تفكيرك العملي ده انت كده ان شاء الله في طريقك للتميز ربنا يوفقك.. فيما يخص ازاي تبدا صح في موضوع web development اولا عليك بمركز تدريب محترم والاهم study self وبعد ما تتشبع بالمهارت اللازمه عليك انك تقبل انك تشتغل في شركه حتي لو training من غير مرتب يعني عشان تاخد اهم حاجه في الموضوع ده الا وهي شهاده خبره تؤهلك للعمل في اي مكان وكمان ترفع نقطك في الهجره الموضوع هياخد وقت معلش الصبر جميل
تحت امرك يا سحس واهلا بيك وبكل اهلا اسوان
وان شاء الله نتقابل هناك في مغاره البرتا وهعزمك علي حسابي يا عم انت وكل المطاريد
وتحياتي لكم جميعا

 

 

[nasrfathy]

اقتباس المشاركة الأصلية كتبت بواسطة Karim كان عندي سؤال محيرني واسف اني هخرج عن الموضوع . لية كندا بالذات الكل بيتكلم عنها وعايز يروحها . لية مش امريكا مثلا او استراليا او انجلترا او اي دول تانية . مع احترامي لكندا طبعا . بس سؤال محيرني لان الكل بيتكلم عن كندا وبس .

السلام عليكم
ا/كريم اخرج يا سيدي براحتك المهم نستفيد ورد علي سؤالك يا بيه ليه كندا اولا دي مساله راحات شخصيه يعين يا سيدي لو اختلاف الاذواق لبارات الدول بهزر معاك يا كرم اوعي تزعل هقولك ليه يا كريم من وجهة نظري ليه كندا بلد مفيش فيها عنصريه زي انجلترا وامريكا يعني في اي لحظه ممكن ياخدوك بتهمة الارهاب احنا رايحين نشتغل وله رايحين نعمل مشاكل المهم امريكا اقتصادها بيوقع يعني ميلزمش انجلترا سمعت ان هما هيقفلوا باب الهجره ثانيا بلد غاليه جدااااا عايزه ملياردير يعيش فيه يعني مليونير زي مينفعش استراليا حلوه وجميله وزي الفل بس عشان تهاجر هناك اسمع ان لازم يكون معاك عقد عمل وده صعب حبتين لو عندك يا كرم اي اقتراحات تانيه شايف ان كلامي مش صحيح ارجوك تنور بصيرتي وعلي العموم احنا يا كرم بناخد بالاسباب وبنتركها للربنا مسبب الاسباب
تحياتي لكم جميعا

 

 

[حسام]

اقتباس المشاركة الأصلية كتبت بواسطة nasrfathy السلام عليكم استاذ حسام تقل يا سيدي براحتك بس في نفس الوقت كنت اتمني المهندس ايهاب يشاركنا في الموضوع ده بس اكيد وقته مش بيسمح لانه هيفيدك اكتر مني لاني لسه في مصر ومعلوماتي علي قدها بس احب اطمنك احنا بتوع it لاغني عنا في مكان وموضوع المعادلات اعتقد والله اعلم ان في شهادت دوليه تمنح من مايكروسوفت ليه مصداقيها عندهم وعلي فكره انا ان شاء الله قدمت في mcpd لسه بحضر لامتحانتها وبتكون في القريه الذكيه وده هيفيدك جدا لانها شهادت عالميه وليست مصريه يا حسام يا خويا الناس دي بتحب المميزين حاول تكون مميز في مجالك ملم بكل تفاصيله فرصة نجاحك هناك هتكون اكبر ان شاء الله اكيد اكيد المرتبات كويسه واعدك انها هترضيك واللي اعرفه والله اعلم ان مجال الشغل في ال it البرتا ليها مكانه ممزه ليه.. وتحت امرك يا سحس وربنا يوفقنا جميعا تحياتي لكم جميعا

السلام عليكم عزيزى نصر
الف شكر لمساعدتك
ونصيحتك
وأنا بالفعل فى السيلف ستدى بس فى الأول
عايز اسأل فرص العمل بالمهنة دى فى مصر لو حضرتك عندك فكرة يعنى؟
الحاجة التانية لو هاجرت كندا
اقدر اشتغلها بمجرد شهادة الخبرة ومستوايا فيها
ومش كطلوب معادلة؟
وشكرا

 

 

[nasrfathy]

اقتباس المشاركة الأصلية كتبت بواسطة حسام يوسف السلام عليكم عزيزى نصر الف شكر لمساعدتك ونصيحتك وأنا بالفعل فى السيلف ستدى بس فى الأول عايز اسأل فرص العمل بالمهنة دى فى مصر لو حضرتك عندك فكرة يعنى؟ الحاجة التانية لو هاجرت كندا اقدر اشتغلها بمجرد شهادة الخبرة ومستوايا فيها ومش كطلوب معادلة؟ وشكرا

السلام عليكم
الدكتور الفاضل اخ حسام لا شكر علي واجب احنا اكتر من الاخوات وربنا يديم الموده .. ياريت يا دكتور تدعم السيلف ستدي بكورس يثقل مهاراتك في مركز تدريب محترم .. الوظائف موجوده في كل مكان علي سبيل المثال افتح جريد الوسيط وشوف الظائف حتما ولا بد هتلاقي انهم عايز ويب ديفلبور وديزاينر وكده يعني الكلام ده في مصر اكيد انما في كندا اعتقد والله اعلم انه كمان في طلب علي المهنه دي وطلب كبير كمان لان الناس حياتها كلها تكنلوجيا مش تكنولوبيا زينا موضوع المعادله للاسف لم املك ادني فكره عنه ربما احد الاخوه يقدر يفيدك .. بس ليه حضرتك مفكرتش في البرمجه دي مجال جميل وممتع ومنتشر جداااا فكر طالما انت لسه في الاول وعلي العموم بالتوفيق لن شاء الله هو حضرتك قدمت طلب الهجره وله لسه منتظر زي حالتي وظائف نوفمبر
تحياتي لكم جميعا

 

 

[حسام]

الاخ العزيز نصر
مش عارف اشكرك قد اية
انا بتعلم تطوير مواقع دلوقتى
web development
وفى أول وأسهل كورس
HTML
يعنى فى كى جى ون
ودة بيسموة تطوير مواقع أو برمجة مواقع
ممكن بس تشرحلى تقصد اية بجملة (لية مفكرتش فى البرمجة)؟
ممكن توضحلى أكتر لأن كلمة برمجة دى واسعة وبتلخبط العبد لله
هل أطمع فى شرح مستفيض أكتر؟
وشكرا
وربنايقدرنا ونرد جمايلك يا عزيزى نصر

 

 

[nasrfathy]

اقتباس المشاركة الأصلية كتبت بواسطة حسام يوسف الاخ العزيز نصر مش عارف اشكرك قد اية انا بتعلم تطوير مواقع دلوقتى web development وفى أول وأسهل كورس HTML يعنى فى كى جى ون ودة بيسموة تطوير مواقع أو برمجة مواقع ممكن بس تشرحلى تقصد اية بجملة (لية مفكرتش فى البرمجة)؟ ممكن توضحلى أكتر لأن كلمة برمجة دى واسعة وبتلخبط العبد لله هل أطمع فى شرح مستفيض أكتر؟ وشكرا وربنايقدرنا ونرد جمايلك يا عزيزى نصر

السلام عليكم
حسام اخويا العزيز
انا اسف عن التاخر في الرد نظرا لاني مطحون في الشغل بس هشرحلك ان شاء الله البرمجه اللي اقصدها
اولا سيدي الفاضل المجال اللي حضرتك فيه كويس جدا وربنا يوفقك بس انا ليا وجهة نظر اولا عندك البرمجه تنقسم الي لغات برمجه من خلالها تقدر تصنع سوفت وير في مجالات شتي وده يعطيك مجال اوسع
في الشغل بمعني نبدا مثلا بالفيجوال بيسك ودي لغه برمجه بتاع شركه ما ياكروسوفت وده الاوسع انتشار نظرا لانتشار انظمة التشغيل الخاصه بها طيب سؤال بديهي ايه البرامج اللي ممكن اعملها وتشتغل علي ويندوز ما يكروسوفت اولا يا سيدي عندك نوعيه مهمه اسمها البيزنس ابليكشن ودي بتكون عباره عن برنامج مكون من برمجه بالفيجوال بيسك وقاعدة بيانات بالاكسيس او الاوراكل الخ ... المهم البرنامج ده بيكون عباره عن اداره لشركه او لمصنع لمخزن لمدرسه كده يعني وده سوق شغال في مصر والدول العربيه ومعنديش فكره الموضوع ماشي ازاي في كندا بس لوجياكل اكيد موجود المهم تصنيع البرنامج مش بالشئ المعضل يكفيك احتراف لغة الفيجوال بيسك ومش هندخل في تفاصيل الفيجوال بيسك عشان ده عايز توبيك لوحد ولو تحب يا سحس انا اعمل دوره عن كده في المنتدي ده ممكن نظبطها انا وانت وربنا لا يجعلنا من الذين يكتمون العلم
ده مجال ومجال اخر اللي حضرتك شغال فيه وكمان في حاجه اسمها PLC ودي اكيد مطلوبه في كل مكان دي برمجة الاجهزه الكهربائيه بواسطه الكمبيوتر بس دي محتاج مجهود مضاعف لانها مش عايزه حس برمجي بس لا دي كمان عايزه حس هندسي وفني بالماكينه المراد تشغيلها اتمني اني اكون قدرت اوضح ولو بشئ بسيط اي حاجه تفيدك او تفيد اي عضو بالمناسبه يا سحس انت قدمت وله لسه لو لسه ممكن نظبطها مع بعض يا خويا لو قدمت يبقي ربنا يوفقك ويوفق كل المسلمين يا رب
وتحياتي لكم جميعا

 

 

[حسام]

انا لية الشرف ونقدم سوا باذن الله
لكن شغل تطوير المواقع فى مصر أخبارة اية؟
وهل تنصح بتعلم الفيجوال بيزيك اسهل وأربح سواء هنا أو برة؟
وياترى الفيجوال بيزك بيوصل للأوراكل؟
معلش تقلت عليك
تحياتى