المعادلة الكندية للممرضات .. Nursing board of Canada

[Badroora]

الصحف المصرية والعربية

عزيزتى الممرضة \ عزيزى الممرض .. عاوز تهاجر
طب عاوز تشتغل... طب عاوز تعادل الشهادة بتاعتك طب تعالى تابعنا هنا

انا هتكلم عن كندا فى هذا الموضوع والمعادلة الامريكية هتكون up on request

هاشرح خطوة خطوة ..من الاول التسجيل والاوراق المطلوبة واسامي الجامعات والفيز وكل شيء ..
تابعونا وستجدوا ما يسركم ان شاء الله
اختكم وزميلة كاركم
بدرورة
يُتبع

 

[drbeso]

تحيه طيبه ليكي يا بدوور انتى مواضيعك دايما بتثير اهتمامنا في كل مكان
وانا بتمنا ان التوبيك ده يجمع عدد كبير من اخوانا واخواتنا الممرضين ربنا يوفقهم
وانتى يا بدور قائده عظيمه وانا بتمنا انك تكوني بالف خير خاصه من البرد الي حنا فيه هنا
دايما يا بدريه من نجاح لنجاح و الف مبرووك مره تانيه للتوبيك

 

 

[Dr Ayman Kamel]

طب انا علقت قبل كده على الموضوع ده بااختى يابدور يروح ممسوح التعليق انا زعلان

 

 

[Badroora]

اقتباس المشاركة الأصلية كتبت بواسطة Dr Ayman Kamel طب انا علقت قبل كده على الموضوع ده بااختى يابدور يروح ممسوح التعليق انا زعلان

لا يا فندم حضرتك علقت هناك مش هنا
بليز اوعى تزعل

 

 

[Badroora]

اقتباس المشاركة الأصلية كتبت بواسطة drbeso تحيه طيبه ليكي يا بدوور انتى مواضيعك دايما بتثير اهتمامنا في كل مكان وانا بتمنا ان التوبيك ده يجمع عدد كبير من اخوانا واخواتنا الممرضين ربنا يوفقهم وانتى يا بدور قائده عظيمه وانا بتمنا انك تكوني بالف خير خاصه من البرد الي حنا فيه هنا دايما يا بدريه من نجاح لنجاح و الف مبرووك مره تانيه للتوبيك

ميرسي جدا د.بيسو على اطرائك ودعواتك الحلوة
ان شاء الله نشوفك فى كندا قريبا . وتعيش وتشجعنا هناك بردوا ..
والله يبارك فيك

 

 

[Dr Ayman Kamel]

اختى العزيزة بدورة
ده الحول طلع من عندى انتى ا كلامك صح فعلا فيه موضوعين

 

 

[Badroora]

هاتكلم عن تجربتى فى 2 جامعة اللى سجلت فيهم ..
الاولى البرتا ودى كانت اختيارى انا لاسباب معينه..والتانية كانت جامعة اونتوريو ودى الشركة اللى سجلتلى فيها..

جامعة البرتا..
..تختارى من القائمة الرئيسية " tool bar" Applicant then International applicants

هنا الشرح للاوراق المطلوبة الرجاء قرائتها بعناية .

Application for assessment form
دا بتمليه بنفسك وراعى تكون كل البيانات واضحة وصحيحة اى غلطة هتعطل الورق شهور كتيرة وشغلانه كبيرة ..

Nursing experience

امليها بنفسك من اول يوم شغل بعد التخرج لغاية اليوم اللى بتملى فيه الفورمة..ولو لاى سبب من الاسباب لم تمارسي العمل لمدة معينه غير الاجازات يا ريت تبقي تشرحيها وتذكريها لانها بتفرق اوى فى التقييم .

education transcript
دا بقي عملتها عوشرميت مرة وطلعوا عينى لحد ماعملوها صح..
شوفى انت تروحى الكلية بتاعتك (كلية التمريض) والورقة دى تفهمى الكونتسية اللى فى شئون الطلبة الاتى ..
- اسمك يطابق اسمك فى الباسبورت بالظبط
- اكتبي الجزء الاول A المخصص لك بوضوح وفهميها ايه المطلوب فى الجزء B والورقة دي بتسلميها للكلية معاها ظرف مكتوب عليه اسم الجامعة وعنوانها صحيح فى كندا وهما لازم يرسلوها من الكلية للكلية انت ملكيش دخل نهائي وعشان تطمئنى انها هتوصل هاقولك فى الاخر تعملى ايه ..
مع الفورمة دي تطلبي عدد الساعات اللى درستيها خلال ال4 سنوات ومعاهم سنة الامتياز ..وشهادة مستخرج النجاح بالمرة ..والعملية دي تقريبا بتاخد من 15 الى 20 يوم ..
ممكن لو علاقتك بيهم كويسة تتفهمى معاهم يوم ما تخلص يتصلوا بيك او انت تتابعى معاهم ..وتروحى بنفسك معاكي الظرف وتتأكدى قبل متدخليهم ان كل شيء تمام
الاسم صحيح ومطابق لباسبورت.
التقدير صحيح وعدد الساعات كاملة
شهادة النجاح صحيحة وباللغة الانجليزية نبهى عليهم من البداية انك عاوزة كل شيء بالانجليزية ويا ريت تكتبي انت كل شيء بنفسك فى ورقة وهما ينقلوه تجنب للاخطاء .. بعد كدا حطيهم فى ظرف وخليهم يختموا على الظرف بختم الكلية ويكون على حافة غلق الظرف هو ليهم طريقة معينه وعرفينها.. لو انت فى جامعة القاهرة ابقي ارسلية من مكتب البريد االلى فى شارع القصر العينى لو عين شمس او اسكندرية او اى مكان تانى شوف ااقرب مكتب بريد وارسليه من هناك ..
درجات اللغة الانجليزية المطلوبة

Verification of Nurse Registration Form

دى بقي من وزارة الصحة مكتب استخراج التراخيص ودى جبتلى حول وشلل وكرهتنى فى عيشتى عشان كدا هاجلها للمرة الجاية لان الكلام فيها كتير وتبقي محظوظة لو عدتيها 3 مرات فقط وكل مرة 150 جنية مع انهم السبب فى عدم قبول الورقة فى كندا...
استراحة قصيرة ونعود نكمل

 

 

[Batman]

مجهود رائع يا بدرورة هانم
تسجيل متابعة وأر

 

 

[Badroora]

اقتباس المشاركة الأصلية كتبت بواسطة batman مجهود رائع يا بدرورة هانم تسجيل متابعة وأر

يعنى الوحيد اللى يشجعنى هو نفسه اللى يؤر على
شكرا بات على ارك وتشجيعك

 

 

[Badroora]

وزارة الصحة..مكتب التراخيص ..

Verification of Nurse Registration Form

الفورمة دى يتعمل منها كذا نسخه على حسب البلاد اللى معاكى ترخيص منها..
مثلا انا معايا ترخيص مزاولة مهنة من مصر والبحرين يبقي نسخه من الفورمة دى لمصر ونسخه للبحرين ...
طبعا الفورمة دى على الرغم انها بتخلص فى مصر فى يوم واحد الا انها مشكلة كبيرة ..وهاقول لكم على الاخطاء الشائعة اللى واجتها عشان تتجنبوها وتوفرا ال150 جنية بتاع الاعادة فى كل مرة لحاجة تانية
طبعا الفورمة او كل الفورمات فيها 2 جزء A&B اول جزء مسئوليتك وتانى جزء مسئولية الجهة اللى هتعملى منها الورقة وبردوا طالما انت فى مصر تبقي الجزئين مسئوليتك
املى الجزء الخاص بك والجزء التانى ممكن تكتبيه فى ورقه وتتفقى معاهم ينقلوه لك فى الورقة ولو رفضوا فهميهم براحة اهمية عدم وجود اى اخطاء املائية او بينات غير صحيحه
ومهم جدا الختم والامضاء يكون واضح ولو عندهم حتم انجلزيى يبقي يا ريت ..
بالمرة قدمى طلب على ترخيص مزاولة مهنة انجليزي وهيطلع هو كمان فى نفس اليوم ..وبعد ما تخلصى كل دا اديهم ظرف مكتوب عليه العنوان وراجعى الورق كويس واتأكدى من صحة كل البيانات وخليهم يختموا الظرف بعد غلقه وارسليه من مكتب البريد المقابل للوزارة عشان يبان انه الوزارة هى اللى بعتاه مش انت..
الاخطاء الشائعة اللى حصلت معى ..
- مرة الورقة من غير امضاء ومن غير ختم
- الورقة بختم باللغة العربية وبدون امضاء والبيانات مش كاملة
- سنه التخرج غير سنه التخرج الاصلية
- اخر مرة كتبتها بنفسي وكنت معاهم خطوة بخطوة ومسبتهومش واللى محتاج مساعدة بخصوص هذه الورقة تحديدا يا ريت يبقي يراسلنى ع الخاص لوكنت لسه عايشة وانا اقولكم تروحوا لمين بالظبط وتقولوا انكم من طرفى ويصير كل خير ان شاء الله
وعلى فكرة الكلام دا مش لترخيص التمريض بس لا لان المأساه واحدة للجميع اى حد هيعمل الورقة دى من وزارة الصحة يقولى وانا ادلكم على اللى هيخلصها بسرعه وبدون مشاكل ان شاء الله

كدا خلاص اللى هيتبعت من الكلية واللى هيتبعت من وزراة الصحة
باقى بقي الورق اللى ملناه وركناه
كل الورق الباقى معاهم شيك بفيز التسجيل يتلموا فى ظرف ويتبعتوا على عنوان الجامعة .. وبعدين ترسلى لهم اميل بان باقى الورق فى الطريق اليهم من وزارة الصحة والكلية وتابعى معاهم كويس بالاميل لحد ما تتأكدى ان الورق وصل لديهم وغالبا هياخد 8 اسابيع للرد عليكي بان الورق كامل ام لا او فى اى مشكلة ..
لعمل شيك
من الويب سايت تشوفى المبلغ كام بالظبط وتروحى البنك او اى مكتب صرافة وتحررى شيك بالمبلغ او لو فى فيزا كارد افضل بكثير بتملى البيانات الخاصة بها وترسليها مع الورق ..
اى سؤال لو كنت لسه عايشة ان شاء الله حاضرين
وبالتوفيق للجميع