عن مونتريال وضواحيها

[Agaza]

اعزاءئ
انا فتحت التوبيك ده عشان لو حد عنده سؤال عن مونتريال و ضواحيها ممكن يكتبه وان شاء الله احاول اجاوب على قد معرفتى او اديله الموقع اللى ممكن يلاقى فيه المعلومات
بما انى بقالى 22 سنه عايشه فى مونتريال مش حقدر افيدكم فى اى سؤال عن الهجره لكن اى حاجه غير كده ربنا يقدرنى و اجاوب
تحياتى

 

[HAMOUDI]

اقتباس المشاركة الأصلية كتبت بواسطة Agaza اعزاءئ انا فتحت التوبيك ده عشان لو حد عنده سؤال عن مونتريال و ضواحيها ممكن يكتبه وان شاء الله احاول اجاوب على قد معرفتى او اديله الموقع اللى ممكن يلاقى فيه المعلومات بما انى بقالى 22 سنه عايشه فى مونتريال مش حقدر افيدكم فى اى سؤال عن الهجره لكن اى حاجه غير كده ربنا يقدرنى و اجاوب تحياتى

اهلا وسهلا بمدام / agaza
باب كندا منور

 

 

[HAMOUDI]

كثيرون ممن يسافرون الى كندا يتركون الجانب الفرنسي ويتجهون الى الجانب الانجليزي ؟
وتكون اسبابهم على حد قولهم احد هذه المفردات عنصريه , بطاله , لغه ؟ فماتقييمك لاسبابهم؟
وهل فعلا الجزء الكيبكاوي من كندا عنصري ناحية المهاجرين او غير ناطقي الفرنسيه ؟ وفعلا هل مستوى الطاله مرتفع فى الجزء الفرنسي عنه في الانجليزي

 

 

[Agaza]

اهلا بيك يا استاذ حمودى
باب كندا منور بنشاطكم
كده برضه تخبطنى بسؤال عويص كده على طول

زى ماانت عارف كيبيك هى المقاطعه الفرنسيه الوحيده فى كندا يعنى تعتبر اقليه
وبرغم ان على الورق كندا لها 2 لغات رسميه انجليزى وفرنساوى لكن فى الحقيقه كل المقاطعات التانيه شغاله انجليزى وكيبيك شغاله فرنساوى وبعض انجليزى
الشعب فى كيبيك له ثقافه مختلفه عن باقى كندا يعنى مابين الثقافه الاوروبيه والثقافه الامريكيه لكن باقى كندا الثقافه فيها قريبه اكتر من امريكا
كل المقدمه دى عشان اقول ان الناس فى كيبيك حاسين انهم اقليه بالنسبه لباقى امريكا الشماليه (باقى كندا و امريكا) وخايفين موت لتضيع هويتهم مع الوقت وعشان كده مهم جدا بالنسبه لهم انهم يحافظوا على لغتهم وده مش سهل وعشان كده الواحد صعب يعيش فى كيبيك لو مش بيتكلم فرنساوى حتى لو كان نص نص ماعدا احياء معينه ووظايف معينه اللى محتاجين فيها متخصصين
بالنسبه للشغل فممكن نقارن كيبيك باسكندريه واونتاريو بالقاهره يعنى فرص الشغل اكتر فى اونتاريو والمرتبات اكبر لكن الحياه اغلى
بالنسبه للعنصريه فانا اعتقد ان مافيش عنصريه حقيقيه فى اى مكان فى كندا ولكن فيه نظام (انا واخويا على ابن خالتى وانا وابن خالتى عالغريب)
يعنى لو مهاجر لسه واصل ومابيعرفش يتكلم فرنساوى اوى اتقدم لوظيفه هو وواحد تانى مهاجر او من اهل البلد وبيتكلم احسن تفتكر صاحب العمل حياخد مين ؟
دلوقتى معظم المهاجرين من مصر لكندا بيروحوا مقاطعات انجليزى بسبب اللغه مع ان الحكومه فى كيبيك بتشجع القادمين على تعلم الفرنساوى وعملالهم كورسات وتسهيلات كتير
يعنى زمان ايام الخمسينات والستينات (قبل وقتى على فكره انا عندى 41 سنه بسسسسس)الفرنساوى كان شاءع فى مصر جدا وتلاقى مليان مصريين من الجيل ده هنا وناجحين جدا
مش كل واحد يقدر يتعلم فرنساوى بسهوله لكن لو الشخص اللى عايز يهاجر عنده استعداد يتعلم يبقى لازم يخلى كيبيك فى قاءمه اختيار المقاطعات
انا شخصيا بحب كيبيك وافضلها عن اى مقاطعه تانيه

 

 

[nassarlink]

اقتباس المشاركة الأصلية كتبت بواسطة Agaza مش كل واحد يقدر يتعلم فرنساوى بسهوله لكن لو الشخص اللى عايز يهاجر عنده استعداد يتعلم يبقى لازم يخلى كيبيك فى قاءمه اختيار المقاطعات انا شخصيا بحب كيبيك وافضلها عن اى مقاطعه تانيه

نقول اهلا بيكي يا مدام Agaza بين المطارييد

الجبل منور

ولا نقول اجازه سعيده وعودا حميدا

ندخل في الموضوع علي طول

كلام حضرتك ان الي عنده استعداد يتعلم تقصدي يعمل المعادله الخاصه بمؤهله


علشان يمارس مهنته الاصليه صيدلي او مهندس او محاسب

لان بدون المعادله مش هيعرف يشتغل

ولانه مغرم بكيبيك يعمل لها الي هي عاوزاه

ولا تقصدي انه لو عنده طموح دراسي ويرغب انه يكمل دراسات عليا

يعني يعتبر كيبيك محطه مؤقته للدراسه وبعد كده ياخد ديله في سنانه وطيران علي فانكوفر او ادمنتون

نصّار

 

 

[Agaza]

اقتباس المشاركة الأصلية كتبت بواسطة nassarlink نقول اهلا بيكي يا مدام Agaza بين المطارييد الجبل منور ولا نقول اجازه سعيده وعودا حميدا ندخل في الموضوع علي طول كلام حضرتك ان الي عنده استعداد يتعلم تقصدي يعمل المعادله الخاصه بمؤهله علشان يمارس مهنته الاصليه صيدلي او مهندس او محاسب لان بدون المعادله مش هيعرف يشتغل ولانه مغرم بكيبيك يعمل لها الي هي عاوزاه ولا تقصدي انه لو عنده طموح دراسي ويرغب انه يكمل دراسات عليا يعني يعتبر كيبيك محطه مؤقته للدراسه وبعد كده ياخد ديله في سنانه وطيران علي فانكوفر او ادمنتون نصّار

اهلا بيك يا استاذ نصار
انا ماخلصتش الاجازه دانا لسه واخده مغاره عالبحر وناويه ااجز فيها

مالك بس زعلان من كيبيك ليه

اختيار المقاطعه اللى حتعيش فيها وتربى فيها اولادك بيتوقف على عوامل كتير من ضمنها فرصه الشغل و لكن فيه حاجات تانيه كمان

اللى بيعرف فرنساوى او عنده استعداد يتعلمه وشايف ان فيه فرصه عمل له فى كيبيك بمعادله فى مجاله او بخبرته يبقى عنده فرصه حياه كويسه هنا لكن اللى مقرر يعيش فى مقاطعه تانيه يبقى احسن يروح عليها على طول ومايضيعش وقت فى كيبك
على حسب معلوماتى كيبيك مش المقاطعه الوحيده اللى بتطلب معادله شهادات الجامعات المصريه

عموما مافيش اجابه واحده صح لسؤال ماهى احسن مقاطعه اعيش فيها فى كندا
كل انسان بظروفه وقدراته ومستواه واولوياته له وضع خاص بيه والمكان اللى يكون جنه لواحد ممكن يكون نار لواحد تانى

تحياتى

 

 

[HAMOUDI]

اقتباس المشاركة الأصلية كتبت بواسطة Agaza اهلا بيك يا استاذ نصار انا ماخلصتش الاجازه دانا لسه واخده مغاره عالبحر وناويه ااجز فيها مالك بس زعلان من كيبيك ليه اختيار المقاطعه اللى حتعيش فيها وتربى فيها اولادك بيتوقف على عوامل كتير من ضمنها فرصه الشغل و لكن فيه حاجات تانيه كمان اللى بيعرف فرنساوى او عنده استعداد يتعلمه وشايف ان فيه فرصه عمل له فى كيبيك بمعادله فى مجاله او بخبرته يبقى عنده فرصه حياه كويسه هنا لكن اللى مقرر يعيش فى مقاطعه تانيه يبقى احسن يروح عليها على طول ومايضيعش وقت فى كيبك على حسب معلوماتى كيبيك مش المقاطعه الوحيده اللى بتطلب معادله شهادات الجامعات المصريه عموما مافيش اجابه واحده صح لسؤال ماهى احسن مقاطعه اعيش فيها فى كندا كل انسان بظروفه وقدراته ومستواه واولوياته له وضع خاص بيه والمكان اللى يكون جنه لواحد ممكن يكون نار لواحد تانى تحياتى

احذري يامدام نصار وا / سيد منير كيبكاويين اكتر من الكيبكاوين انفسهم

 

 

[محمود قنديل]

هل فرص العمل متوفرة في تورنتو وهل ممكن ان اسجل في الدراسات العليا

 

 

[ahmedgoood]

والله العنصريه دى موجوده فى كل مكان بس المهم نتعايش معاها

 

 

[نفسى اهاجر]

طيب حضرتك مونتريال احسن ولا كيبك سيتى طبعا من حيث الاسعار عدد المسلمين فيها والسكن واسعار الايجار واول الواحد مايوصل هناك ازاى يلاقى سكن ووظيفة بسهولة