شوية معلومات عن شراء بيت فى كندا

[mohsen]

الصحف المصرية والعربية

ال mortgage هو المبلغ اللى الشخص بيقترضه من البنك لشراء عقار.

ال PIT إختصار ل principal, interest and taxes هو القسط ( سواء شهرى أو أسبوعى أو كل أسبوعين) اللى بيتدفع للبنك و بيشمل جزء من المبلغ المقترض principal و الفوائد interest بالإضافة لضريبة العقارات اللى البنك بيدفعها للحكومة المحلية. غالبا البنك بيشترط إنه هو اللى يدفع الضريبة و يضيفها للأقساط بس لو الشخص دفع 25% أو أكتر ك down payment (يعنى بيقترض أقل من 75% من قيمة العقار) يبقى ممكن هو يدفع الضرائب السنوية و يوفر الفوائد بتاعة البنك اللى بتتدفع على الضرائب.
لو المشترى بيدفع أقل من 25% down payment فالبنك بيطلب تأمين على المبلغ المقترض و اللى بيأمن عليه حاجة إسمها CMHC أو Canada Mortgage and Housing Corporation مقابل 2.5% من المبلغ المقترض و ده بيضاف إليه. يعنى لو واحد يبستلف 100 ألف دولار فالبنك بيسلفه 102.5 ألف و بيدى ال 2500 دولار ل CMHC عشان التأمين.

نيجى بقى لحساب الفوائد.

القانون بيقول لازم الفوائد تكون مركبة لأن ده فى صالح المشترى. يعنى لو واحد إستلف 1000 دولار بسعر الفائدة 5% لمدة سنة الفوائد اللى حيدفعها بحساب الربح البسيط حتكون 50 دولار و لكن بالربح المركب تبقى حوالى 27 دولار.
فيه طريقتين لحساب الربح المركب و بيفرقوا فى الأقساط (لنفس نسبة الفوائد):
الطريقة الأولى اللى بيستعملها ال Credit Unions إسمها monthly compounding
و الطريقة التانية بتستعملها البنوك إسمها semi-annual compounding (للmortgage فقط)

الطريقة التانية أفضل للمشترى.
لو واحد إستلف 1000 دولار بسعر فائدة 5% لمدة سنة من credit union حيدفع قسط شهرى 27.29 دولار فى الشهر
لو إستلفهم من بنك بنفس الفائدة و نفس المدة حيدفع 27.01 دولار فى الشهر (فرق 28 سنت فى الشهر على كل 1000 دولار)
الفرق ده بيبقى ملحوظ لو المبلغ كبير و المدة طويلة و نسبة الفوائد مرتفعة.

مدة القرض:
كل ما المدة قصرت الأقساط الشهرية بتزيد و الفوائد المدفوعة بتقل. الفرق فى الفوائد كبير بس الفرق فى الأقساط مش كبير لو نقارن مدة 30 سنة ب 25 أو 20 سنة.

نرجع للمثل بتاعنا: 1000 دولار – 5% فوائد لمدة 30 سنة: القسط الشهرى 5.34$ و الفوائد اللى حتكون إتدفعت فى ال 30 سنة 921.29$
لو المدة 25 سنة القسط الشهرى 5.82$ و الفوائد اللى حتكون إتدفعت فى ال 25 سنة 744.81$
لو المدة 20 سنة القسط الشهرى 6.57$ و الفوائد اللى حتكون إتدفعت فى ال 20 سنة 577.10$
يعنى لو دفعت 1.23$ زيادة كل شهر عن كل 1000$ حتوفر 344.19$ عن كل 1000$

خلاصة الكلام هو لما تشترى بيت:
1. إدفع أكبر مبلغ تقدر عليه ك down payment
2. إستلف من البنك بدل من credit union لو أمكن
3. خلى مدة القرض أقصر ما يمكن و إبعد عن مدة ال 30 سنة دى – خليها للى ما بيعرفوش يحسبوا لأنها فعلا سرقة! (ما كانتش موجودة فى كندا زمان- كانت أقصى مدة 25 سنة)

و الموقع ده فيه معلومات تانية عن شراء البيوت:

https://www.cmhc-schl.gc.ca/odpub/pdf/66144.pdf?lang=en

 

[good mind]

شكرا علي المعلومات يا بشمهندس

 

 

[rania]

شكرا على المعلومات المفيدة استاذ محسن
جزاك الله كل خير

 

 

[elmadysm]

دعوه لموضوعي

CharlesSwide

عمرك اطول من عمرى
كنت مجهز موضوع عن شراء بيت فى اونتاريو
وكان فيه اسماء اشخاص كانو متطوعين للرد على كل الاسئلة
ولنكات لمواقع تهم البائع و المشترى
بس لسه ما حصلتش على تصريح من الادارة

 

 

[shawi]

باشمهندس محسن
معلومات مفيده ودقيقه

زي حقن النوفالجين الخافض للحراره زمان فيها الشفا ولا تعب القلب مع حبات الريفو .

أكيد اللي جاي البلد جديد وعاوز يشتري بيت حيستفيد من النوتس بتاعه حضرتك...لأنه عاده بيروح البنك وبيسمع كلام ما بيفهمش نصه وفي الآخر بيعتقد أنه كل ما طول المده احسن له بينما زي ما حضرتك وضحت العكس صحيح وهو ان يدفع زياده قليله في القسط ويقلل المده حيوفر كثير.

طب علشان الفايده توصل للناس اللي مش عارفه وحتيجي الصيف القادم يعني بدءا من يونيو اللي جاي

نفترض حد عاوز يشتري بيت صغير محندق يلمه هو وعيلته الصغيره
وسواء جاي من مصر او الخليج معاه شويه فلوس
المثل بيقول ما تحطش البيض كله في سله واحده
وبالتالي مش حيحط كل اللي معاه في قسط اولي للبيت ويقول عشانا عليك يارب.

ولأن شراء البيت حيأثر في موضوع المعونات او اي فائده من هنا او هناك
ياريت تسترسل حسب وقتك اللي انا عارف انه مضغوط....لكنها حسنه تكسبها في دنياتك ....بإفاده القادمين الجدد.

فهل تنورنا مشكورا مقدما حول الآتي

ما هي افضل طرق شراء بيت من وجهه نظرك
ما الذي يمكن ان يتأثر من قروض جامعيه او منح حكوميه او اعانات
ما هو الأثر الضريبي بعد عمليه الشراء
ما هي الالتزامات تجاه البلديه او مجلس المدينه او الحي
هل لشراء بيت أثر في عمل فيزا نومني للاقارب او المعارف ام يعتبر الشخص مديون ورصيده ماينص؟؟

على حسب وقتك....أفدنا مجتمع المطاريد بارك الله فيك كل نقطه على حدى.

 

 

[shawi]

اقتباس المشاركة الأصلية كتبت بواسطة elmadysm عمرك اطول من عمرى كنت مجهز موضوع عن شراء بيت فى اونتاريو وكان فيه اسماء اشخاص كانو متطوعين للرد على كل الاسئلة ولنكات لمواقع تهم البائع و المشترى بس لسه ما حصلتش على تصريح من الادارة

من الممكن اعاده صياغه الموضوع لاخراج الاسماء منه لتبقى حين الطلب على الخاص وانزل والحديده حاميه علشان الفايده للجميع والتفاعل يزيد

واهالي اونتاريو اللي داخله على شيئ يعلم بيه ربنا بناء على التقرير اللي منشور عنه في باب عمار يا كندا متعرفش يمكن نلاقيهم بيبيعوا بيوتهم اللي هي اعلى سعرا عن مانيتوبا وجايين مشرفينا في مانيتوبا
خاصه بعد التقارير اللي بتقول اننا حنكون من أهالي البترول

أنا شخصيا باحضر الجلابيه البيضه ومعاها حطه وعقال...وحاكون كفيل لاهالي اونتاريو اللي حيشرفونا وحاعملهم زياره استكشافيه للاستثمار عندنا.

وأكيد اللي جايين من الخليج عندهم حساسيه او ما يسمعوا كلمه بترول في مانيتوبا حتلاقيهم وراها وحيتركوا اونتاريو... واذا العرض ما عجبهمش البيرتا مش بعيده عنهم ....انا باهزر بس؟؟؟

شد حيلك وادخل برجلك اليمين .

 

 

[أمل]

شراء البيت او ان الشخص يكون معاه مبلغ فى البنك
اكيد هياثر على المنح او القروض له ولزوجته بشكل ما
السؤال هنا
هل ده ممكن ياثر على الابن انه ياخذ منحه من الجامعه
يعنى بصيغه اخرى
هل الابن بيعتبر شخص منفصل ماليا عن الوالدين
خاصه انه عند دخول الجامعه هيكون اكثر من ١٨سنه يعنى ملوش منحه اطفال
وساعتها هل هيقدم هو راخر اقرار ضريبى لوحده

 

 

[أمل]

ممكن ولو نبذه مبسطه عن انواع القروض
Open. Closed
Fixed variables
وانهى واحد افضل
وازاى الواحد يوازن بينهم
بصراحه بشمهندس ايهاب سالم شاكرا كان اتكلم عنهم سريعا وباختصار من اكثر من. سنه ويمكن اكثر
بس اعتقد مكانهم هنا هيكون مركز اكثر

 

 

[shawi]

اقتباس المشاركة الأصلية كتبت بواسطة أمل شراء البيت او ان الشخص يكون معاه مبلغ فى البنك اكيد هياثر على المنح او القروض له ولزوجته بشكل ما السؤال هنا هل ده ممكن ياثر على الابن انه ياخذ منحه من الجامعه يعنى بصيغه اخرى هل الابن بيعتبر شخص منفصل ماليا عن الوالدين

رد سريع على ما الباشمهندس محسن يرد عليكي اختي امل

لقد تصادف ان تحاورت معه حول هذا الموضوع وذكر لي ان طالبا اراد ان يحصل على قرض وكان يسكن مع عائلته فلم يمنح القرض لانه اعتبر مستطيع او مدعوم من قبل العائله.
فانفصل في سكن مستقل ليتمكن من تحقيق الشرط بانه محتاج للقرض ومستحق....والى ان يوافينا المهندس محسن بالنشره المفصله كان هذا الموجز قرأه على مسامعكم ....الوينيبيجاوي.

 

 

[mohsen]

اقتباس المشاركة الأصلية كتبت بواسطة أمل شراء البيت او ان الشخص يكون معاه مبلغ فى البنك اكيد هياثر على المنح او القروض له ولزوجته بشكل ما السؤال هنا هل ده ممكن ياثر على الابن انه ياخذ منحه من الجامعه يعنى بصيغه اخرى هل الابن بيعتبر شخص منفصل ماليا عن الوالدين خاصه انه عند دخول الجامعه هيكون اكثر من ١٨سنه يعنى ملوش منحه اطفال وساعتها هل هيقدم هو راخر اقرار ضريبى لوحده

هو فعلا زى ما المهندس سمير قال:

الشخص يعتبر منفصل عن الأهل عند بلوغ سن ال 18 سنة و وقتها لو قال إن أهله "متوحشين" و طردوه من البيت فيحاخد قرض و ممكن منحة كمان بشرط إنه ما يكونش عنده عربية أو أى ممتلكات تانية. بس لو عايش مع أهله فسيطلب منه معلومات عن دخلهم و مدخراتهم و بناء على المعلومات دى سيحدد لو كان يستحق القرض و المنحة أم لا. لا أعتقد إن ملكية الأهل للبيت سيؤثر لأنهم مش مطلوب منهم إنهم يبيعوا بيتهم عشان يعلموا أولادهم بس من الأفضل التأكد من الموضوع ده.

https://www.hrsdc.gc.ca/eng/learning/...an/index.shtml