الهــجـرة إلى الـسـويـد

[ozoozo]

الصحف المصرية والعربية

اقتباس المشاركة الأصلية كتبت بواسطة Eng Hesham انا زيك استاذى العزيز دورت على اللى الهجره للدول الاسكندنافيه بس الامور بالنسبالها غامضه جدا بس حسب ما سمعت مؤخرا لابد من وجود فيزا شنجن للحصول على الاقامه فى اى دوله اوروبيه مش عارف قدر صحه المعلومه دى - يا رب تطلع غلط - بس نتمنى نحصل على توكيد لها بالاثبات او النفى باقى المعلومات زى ما حضرتك اشرت ليها لا اكثر ولا اقل

ازيك يازميل

هاه لقيت شغل ولا لسه ؟؟

اللي انا فهمته ان الشينجن ده لو انت هاتعمل لجوء سياسي زي اخوانا العراقيين بيروح هناك وبعدين يطلب اللجوء وفي ناس بتروح تهريب من تركيا واكتر ناس ماشيين في الحوارات دي العراقيين والصوماليين

لكن بالنسبه لموضوع المشروع اللي انا فاهمه انك بتقدمه في السفاره وهما بيبعتوه لمكتب الهجره في استكهولم عشان يدرسوه وزي مانت شايف احنا بنتكلم في بتاع 50 الف جنيه

ولو فعلا موضوع العقارات ده صحيح يبقي لعبت يامعلم

وهما هناك كلهم 9 مليون نفر -يعني قد سكان الزاويه الحمراء وضواحيها-علي نص مليون كم ونسبه العواجيز كبيره فمحتاجين شباب

لو تعرف حاجه ياريت تضيفها وايد علي ايد تساعد

 

 

[اونست]

أنا اعرف أن فيه سوريين كتير بيهاجروا للسويد
بس الحقيقة معرفش طبيعة الهجرة دي أزاي

 

 

[Remooo]

اعملوا حسابى معاكوا
شكلها هاتبقى سويد

 

 

[Eng Hesham]

اللينك دا فيه كل الفورم المطلوبه لكل انواع الفيزا للسويد

طلبه وعمل و كله كله

https://www.migrationsverket.se/info/1242_en.html

 

 

[ozoozo]

يامرحب بالزباين

طبعا مادام في ناس بتروح هناك يبقي اكيد الموضوع مش صعب ونحاول كلنا واللي يوصل لحاجه يحطها

المشكله ان المعلومات اللي انا وصلتلها بتقول الامور سهله جدا بس طبعا خايف من الخوازيق اللي ممكن تطلعلنا

وتذكروا دوما لو لم اكن مصريا لوددت ان اكون سويديا

ده ويكيبيديا عن السويد لتحميس الناسhttps://ar.wikipedia.org/wiki/%D8%A7%...84.D9.8A.D8.A9

والجو هناك معتدل مفيش برد قارس زي كندا يعني في عز البرد-بعيدا عن الشمال هاتلاقي -3

 

 

[ozoozo]

اقتباس المشاركة الأصلية كتبت بواسطة Eng Hesham اللينك دا فيه كل الفورم المطلوبه لكل انواع الفيزا للسويد طلبه وعمل و كله كله https://www.migrationsverket.se/info/1242_en.html

تسلم ياهندسه

ايوه كدا خلينا نحمس بعض

طبعا احنا من حيث المبدأ هاندور في

Application by self-employed persons

وده النك بتاع الفورمه بتاعته
https://www.migrationsverket.se/downl..._124011_en.pdf

 

 

[Eng Hesham]

الملفات دى الترجمه العربيه لحاجات كتير اوى على موقع الهجره

هتلاقوها فى اللينك دا

https://www.mediafire.com/?05lttt3jvf3wp5j

 

 

[ramyfathalla]

اقتباس المشاركة الأصلية كتبت بواسطة Remooo اعملوا حسابى معاكوا شكلها هاتبقى سويد

والله ضحكتينى يا ريم

طيب اللغة ايه يا جماعة سويدى بردو

بأتكلم بجد اللغة ايه هناك

أنا معلوماتى صفر فى موضوع السويد و النرويج و الجماعة دول

 

 

[Eng Hesham]

اقتباس المشاركة الأصلية كتبت بواسطة ramyfathalla والله ضحكتينى يا ريم طيب اللغة ايه يا جماعة سويدى بردو بأتكلم بجد اللغة ايه هناك أنا معلوماتى صفر فى موضوع السويد و النرويج و الجماعة دول

اللغه فى السويد السويديه كلغه اولى و الالمانيه كلغه تانيه و الانجليزيه موجوده برضه بنسبه كبيره بس مش زى اللى فاتوا دول

الكلام دا مش من مصدر مؤكد بس هو انا قريته فى يوم ما ومش فاكر المصدر الصراحه

 

 

[ozoozo]

دي الحاجات اللي طالبنها في الابليكشن عشان بدايه المشروع ممكن حد من التجاريين يساعدنا فيها

Operational plan
Market survey

Contracts with customers/suppliers

Contract for premises

Investment budget, liquidity budget, budget of profit and loss

Budgeted balance sheet

اعتقد انك بتحتاج تعمل تاسيس للشركه من خلال موقعهم او تفتح ملف ليها يعني قبل ماتقدم ......ولا انا فاهم غلط؟