محتاجه حد يكون في نيوفاوندلاند

[امل في الغد]

الصحف المصرية والعربية

السلام عليكم ورحمة الله وبركاته
من فضلكم يا جماعة أنا محتاجه حد يكون مقيم في نيوفاوندلاند عشان استفسر منه على كزا حاجه ويارب يكون باب امل جديد الاخوة الاعضاء هنا واللي مش لائيين فرصه في حته تانيه:
صديق لزوجي بيعمل هناك بس مش مقيم،قال ان المقاطعة دي ليها نظام مختلف في موضوع البي ار لأنهم عايزين يعمروها فبيقدموا تسهيلات،وكمان في موضوع الدراسة فيه معاهد هناك بيتغاضوا عن اثباتات اللغه وبيوافقوا على الناس ولما يروحوا هناك بيعملولهم امتحان وبناءا عليه يا بيدخلوا يدرسوا على طول او بيبدأ كورسات لغه الاول ،فالمفروض ان زوجي هيدخل على السايت بتاع المقاطعه دي وهيشوف ايه المطلوب وانا ان شاء الله لما نوصل لطلبات او شروط معينه هقولكم عليها وياريت كل اللي يقدر يدخل يدخل ونجمع اللي فهمناه في الموضوع ده لعلها تكون طاقة امل ،بس دلوقت عايزه حد مقيم هناك اسأله عالجو والمعيشه ووجود عرب ومسلمين ،لأن اللي اعرفه انها جزيره ومن الرفوف العليا في فريزر كندا،وكمان صديق زوجي قال ان العرب والمسلمين حوالي 500 شخص بس،فهل حد عنده معلومات توضح الصوره أكتر؟
وربنا ييسرلنا كلنا الخير يارب

 

[Eng Hesham]

عقد عمل ثم عقد عمل ثم عقد عمل ثم اى حاجه تانيه .. حسب كلام الموقع الرسمى للهجره للمقاطعات
https://www.nlpnp.ca/skilledworker.html

 

 

[amrsoudy]

وعقد العمل دي حاجه مستحيله للاسف خالص دلووقتي

 

 

[هحقق حلمي]

ياريت لو في معلومات عن الموضوع ده اعتقد لو كده هيبقى فرصه كويسه لناس كتير

 

 

[paolo]

لازم بحث أكتر علشان لو على سايت الهجرة هيبقى كل حاجه فى منهى الصعوبه - هل ممكن رحلى استكشافيه مثلا؟؟؟؟

 

 

[امل في الغد]

اقتباس المشاركة الأصلية كتبت بواسطة paolo لازم بحث أكتر علشان لو على سايت الهجرة هيبقى كل حاجه فى منهى الصعوبه - هل ممكن رحلى استكشافيه مثلا؟؟؟؟

مهوه ده اللي انا عايزه اوصله حضرتك،موضوع لو فيه رحله استكشافيه،هيفرق جامد خصوصا انها تكاد تكون مقاطعه معليهاش اقبال خالص رغم انها تعتبر غنيه لأن فيها بترول،عموما اللي يوصل لحاجه يقول وميكتمش عليها الله يكرمكوا احنا بنحاول كلنا نساعد بعض

 

 

[امل في الغد]

حالا لسه واصلنا معلومه وموثوقه ان اللي بياخد فيزا دراسه بسنه مثلا في نيوفاوندلاند بياخد فيزا بسنه كمان شغل،يعني مثلا لو طلعت فيزا بسنه ادرس فيها بيمدولي هما سنه اشتغل،ولو سنتين دراسه بيدوك سنتين شغل وطبعا دي حاجه ممتازه جدا،معلومه حلوة
يالا بئه انطلقوا

 

 

[shawi]

اقتباس المشاركة الأصلية كتبت بواسطة امل في الغد حالا لسه واصلنا معلومه وموثوقه ان اللي بياخد فيزا دراسه بسنه مثلا في نيوفاوندلاند بياخد فيزا بسنه كمان شغل،يعني مثلا لو طلعت فيزا بسنه ادرس فيها بيمدولي هما سنه اشتغل،ولو سنتين دراسه بيدوك سنتين شغل وطبعا دي حاجه ممتازه جدا،معلومه حلوة يالا بئه انطلقوا

سبق وكتبت ان القانون الجديد من اول السنه
ترخيص العمل للطالب سيمنح من اول السنه مع الفيزا

 

 

[امل في الغد]

اقتباس المشاركة الأصلية كتبت بواسطة shawi سبق وكتبت ان القانون الجديد من اول السنه ترخيص العمل للطالب سيمنح من اول السنه مع الفيزا

تقصد حضرتك ان المعلومه غلط وان تصريح العمل مشروط بعدد سنوات الدراسه بس؟

 

 

[paolo]

اقتباس المشاركة الأصلية كتبت بواسطة امل في الغد تقصد حضرتك ان المعلومه غلط وان تصريح العمل مشروط بعدد سنوات الدراسه بس؟

ممكن تحاولى تعملى حضرتك فيزا سياحه ممكن تكون الخطوة الأولى