خطوات الهجرة الى كندا - بدون محامي .!!!

[عمدة]

الصحف المصرية والعربية

اقتباس المشاركة الأصلية كتبت بواسطة monmedo اقتراح اقتراح للادارة اقتراح للمشرفين اقتراح للسادة الزوار بصراحة انا تعبت وزهقت من كتر البحث في المنتدي عن اشياء بديهية عن الهجرة وللاسف كل ما افتح موضوع اكون حاسس انة مهم بعد كام مداخلة الاحظ ان الموضوع ماكملش وممكن يروح في اي اتجاة شخصي اخر ( يعني لو الموضوع عن التقديم الفيدرال تلاقي واحد بيسال على كيبك او العكس او حتي واحد بيسال على معلومة شخصية خاصة جدا لية ووممكن ما تقابلش معظم الناس) بالمناسبة انا مش ضدد ان كل واحد يسال في حاجة شخصية او عقبة معينة بس انا كان رايي ان احنا نعمل موضوع يكون فية الخطوات الاساسية بالتفصيل الوافي غير الممل ........يا جماعة انا المداخلة بتاعتي عدت الالف دا معقول ادور على معلومة وسط الف مداخلة بالف راي لذلك اقترح الاتي 1- وضع مخطط لعملية الهجرة سواء لكيبك اوفيدرال يكون مخطط عام بة فقط الخطوات الطبيعية 2- بالنسبة للاستفسارات المختلفة(ترجمة ورق طريقة ارسال الاموال) دي ليها موضوع خاص وبردو يوضوع المخطط الطبيعي لمعظم الاعضاء المتقدمين من قبل وبعد كدة اللي عندة حاجة مختلفة يبعتها وتحاول الاعضاء الاكثر خبرة الرد علية من واقع عملي وليس افتاء فيما لا يعلمون 3-ارجو من الادارة رفع المداخلات القديمة او على الاقل اعطاء اشارة على انا العلومات قديمة فمثلا هناك ابواب فتحت سنة 2008 ولكن الان اللوائح تغيرت فمن يقراء الموضوع الان لو لم يكن قوي الملاحظة ليعرف تاريخ المداخلة ويعلم ان اللوائح تغيرت قد يقع فيما لا تحمد عقباة اخيرا ارجو الافادة في ذلك المخطط لتقديم لكيبك وخاصة من العمدة حيث اظن انة من اكثر الناس مساعدة ربنا يعوض تعبة 1-بعد حساب النقط والتاكد من المجموع فوق 49 للفردي و57 للعائلي يتم تجميع الورق المطلوب كالاتي ا-شهادات الميلاد مترجم من مركز ترجمة معتمد ب- شهادات التخرج بالانجليزية ج- شهادات الدرجات يالانجليزى د- شهادة الزواج(في حالة الاسرة) مترجمة من مركز معتمد هـ ارسال صور معتمدة فقط للمستندات لو في حاجة تاني ياريت حد يقلي 2- ننزل الـ Application من الموقع الكندي (طازة بطازة) 3- والسؤال المهم هنا بالبحث في المنتدي وجدت ان معظم الاراء تذهب الي كتابة مستوي 6 او 7 في الفرنسي للنجاح ولكني عندما دخلت للموقع وعملتAssessement لقيت نفسي ناجح حتي بمستوي 2 او 4 (لذلك ارجو الافادة) 4 بعد تمام الورق ما هو حجم وعدد وشروط الصور؟؟؟؟؟؟؟؟؟؟؟؟؟؟؟؟؟؟؟؟؟؟؟ 5-عنوان ارسال الورق والشيك والمبلغ المطلوب 6 -وقت الانتظار من بداية الارسال ثم الرد وطرق استقبال الرد 7- الوقت من فتح الملف حتي المقابلة وهل هناك عوامل تسريع المقابلة؟؟ او هل يمكن ان يتغاضو عن المقابلة؟؟ وايضا هل لو لاحظت السفارة ان هناك ضعف في اللغة ان تطلب تاجيل المقابلة 8- الميديكال وظروف 9 - المساعدة في اختيار المدينة التي يمكن ان تكون مكان الاقامة في كندا سؤال مهم لي هل لو هاجرت كيبك ما ينفعش اطلع منها واقعد في مكان تاني علشان اللغة وما هي مميزات كيبك عن باقي كندا اسف للاطالة ولكني اجد ان هذة الاسئلة هي كل الموضوع وهي خلاصة اكثر من 3000 مداخة في اكثر من 5 مواضيع واعلم ان الاجابات ليست بالسهلة ولكن اظن انكم معي ان هذا التلخيص مفيد جدا وارجو من العمدة الرد عليا حتي لو بالميل الشخصي في استفساراتي شكراااااااا

اهلا بيك مالك بس يا سيدى مضايق نفسك لية على العموم يا باشا اول ماشفت رسالتك جيت اكتبلك الرد كلنا هنا اخوات هقولك على طريقة سهلة كل ما تلاقى ان موضوع يعجبك وتحط فية مشاركتك لما تيجى تدخل على النت تانى على الموقع تانى يعنى اضغط على لينك مشاركاتى هيجبلك المواضيع اللى انت تركت فيها تعليقك على العموم نورتنا بجد كلنا هنا اخوات
بصى يا سيدى المطلوب كالاتى دة لكيبك انا معرفش فى الفيدرال بس هو مش هتختلف كتير لو انت فيدرال :
لو اعزب او متجوز :
1 شهادات الميلاد بتاعتك او بتاعة الاسرة الزوج والزوجة والاطفال اذا وجد
2 شهاداتك الدراسية كلها اللى هى الثانوية العامة وشهادة الكلية او المعهد اللى توضح انك خريج وشهادة المدرسة الابتدائى والاعدادية بص معايا عشان ماتتلخبطش فى الابلكيشن بيبقى مكتوب ماتكتبش مرحلة التعليم الاعدادية بيقولك ماعدا الاعدادية اذكر كل المراحل ماعدا الاعدادية بس هتجيب الشهادة بردة وترفقها
3 شهادة الجيش بتاعتك طبعا
لو معاك شهادة بالانجلش هتبعتها نفس الموضوع للفرنسى لو مش معاك وعقبال المقابلة هيكونوا معاك يبقى مفيش مشكلة بس لازم تجيب اولا شهادة بالمستوى اللى هتكتبة لنفسك فى الابلكيشن يعنى لو كتبت انك السابع او التامن يبقى تجيب شهادة بالمستوى دة او اعلى لكن اقل لا طبعا دة اولا ثانيا ما تحطش مستوى عالى اوى زى التاسع وتبقى داخل وعارف ان مستواك مش هيعدى الخامس مثلا يعنى لو كتبت السابع او التامن يبقى لازم تكون السادس فعلى وبالنسبة انت بتقول انك عملت امتحان لنفسك على الموقع للهجرة الرسمى لاقيت نفسك ناجح ب 2 او 4 ليفل بس بس حتى لو مهنتك مطلوبة ماتقللش نفسك عن السادس يعنى لو انت كيميائى مثلا دى مهنة مطلوبة وعليها نقط كتير ماينفعش تحط الليفل الرابع بردة بلاش خصوصا حتى لو معاك خبرة فى نفس المجال .
الوقت من ارسال الابلكيشن لسوريا لغاية مايجيلك اول جواب بيكون متوسط 45 يوم لغاية 55 يوم فى بعض الاحيان وبيجيلك جواب بعد الفترة اللى ات بعتها بالمدة دة بيقولك ان احنا فتحنالك الملف بتاعك ورقمة هو دة وبياكدوا انة تم استلام الشيك البنكى المرفق اللى انت بعتة مع الابلكيشن
4 طبعا لو معاك اى شهادة تفوق فى حاجة معينة ارفقها
5 شهادات الخبرة بتاعتك فى اخر 5 سنين يعنى من 2005 لغاية 2010 شوف معاك خبرة باية وهات بيها شهادة على حسب
بعد مابيجيلك الرد الاول من السفارة اللى هو رقم ملفك بتستنى بقى تانى جواب المقابلة وبيبقى مش مطلوب منك اى رد ليهم لما يجيلك الجواب الاول اوعى بقى تسمع الكلام اللى يقولك ابعتلهم فاكس او ايميل الكلام دة بس لما يجيلك جواب الانترفيو بترد عليهم وتبعتلهم على الفاكس انك موافق على الميعاد فى سوريا كان او فى مصر تاكيد يعنى
بعد استلام الجواب الاول بتستنى حوالى من 5 شهور لغاية 7 شهور ولو مهنتك مطلوبة ممكن 3 شهور على حسب الضغط على السفارة كمان
فى اية تانى ياعمدة اة افتكرت انا عن نفسى بالنسبة للصور بعت صورة واحدة فقط لاغير تلاتة ونص فى اربعة ونص لانك لما هتيجى تلزق الصورة 4 فى 6 فى الابلكيشن فى المكان بتاع الصورة هتلاقيها كبيرة اوى علية دى الحتة اللى مش فاهماها الناس هنا عشان كدة تلاقى ناس تقولك 4 ونص فى 3ونص وفى ناس تلاقيها كاتبة 4 فى 6 على فكرة فى الابلكيشن هتلاقى مطلوب بيقولك مش بالمقاس بيقولك صور باسبور يعنى مش محدد وانا لما جالى رقم الملف ماجبوش اى سيرة عن انهم محتاجين صور تانى لانى كدة كدة هاخد صور كتير لما اروح المقابلة احتياطى معايا
6 الميديكال بعد النجاح فى سوريا او القاهرة بحوالى 10 شهور تقريبا ومنة على التاشيرة عدل على كندا رأسأ
7 مكان المدينة انت اللى بتحددة بس طبعا يكون تبع مقاطعة كيبك اوعى تقولهم رايح فانكوقرمثلا خلى بالك انت رايح مقاطعة فرنسية لما تروح من هناك اتصرف براحتك بس ساعة المقابلة كل الكلام على انك هتعيش فى مدينة تبع مقاطعة كيبك زى مونتريال اشهرهم او كيبك سيتى مين اللى قال ماينفعش تنع تسيب كيبك بس اللى اعرفة بتخسر التامين الصحى فى اول تلات شهور تقريبا مش متاكد من المعلومة دى
وربنا يوفقك هتلاقى معلومات كتير الموضوع عاوز صبر شوية وهتنجح لو اصريت هتنجح

 

 

[monmedo]

لا اظن ان كلمات الشكر سوف تصف ما شعرت بة عندما شاهدت الرد السريع ولكن اظن ان ذلك ليس بغريب عن العمدة فمن خلال مشاهداتي للمنتدي وجدت انك من اكثر الناس ردودا وسرعة استجابة
فشكرا شكراااااااااااااااااااااااااااااااا:flowe r1:

 

 

[bassem]

فعلا الكلام مظبوط مفيش موضوع بيخلص,المداخلات بتشتته ,,والله انا لا أقلل من مجهوداتكم اللى انا نفسى مش عارف كنت هعمل ايه من غيرها,ولكن لى مجرد إقتراحات واقدمها على خجل من مجهودكم , وشأنى و شئنكم كشأن الهدهد من سليمان ليس الا , لانكم اهل الخبرة والجود,
,يا ريت يتعمل ارشيف قابل للتعديل حسب تعديل قوانين الهجرة بالنسبة للفيدرالى او كيبيك , يبدأمن أول تجميع الاوراق وامتحانات اللغة حتى الانترفيو و الميديكال وترتيب تقديم الاوراق وهكذا, وأنا شخصيا سألت كتيرعن الانترفيو للفيدرالى بيبقى عامل ازاى وبيتكلموا عن ايه ومحدش رد,,,

ويا ريت يبقى فيه وسيلة للاتصال الشخصى بين الاعضاء لان في مواضيع مهمة مينفعش الكلام فيها عن طريق التكست , والله انى أكن لكم كل حب وتقدير لما رأيت فى هذا المنتدى الجميل من تعاون وعدم بخل بالمعلومة,,
وكما قلت سابقا إنما شأنى و شئنكم كشأن الهدهد من سليمان
وطبعا مينفش امشى من غير ما اضرب عيارين لاهل الجبل كلهم عامة واهل هذه المغارة خاصة اللى هتوفر عليا انا شخصيا حوالى 18000 جنيه اتعاب المكتب

 

 

[bassem]

لى سؤال بس يا ريت حد يتواصل معايا من الناس اللى عندهم خبرة فى الليسته: 7265Welders & Related Machine Operators

انا لما قرأت واجبات المسمى الوظيفى ده ( وانا من اهل اللحامات) لقيت حاجة عايز اسأل عنها,, لما خلص شرح الواجبات لقيته كاتب ده:
Classified elsewhere

• Supervisors of welders in this unit group (in 7214 Contractors and Supervisors, ****l Forming, Shaping and Erecting Trades )
• Underwater welders (in 7382 Commercial Divers )
• Wave soldering machine operators (in 9483 Electronics Assemblers, Fabricators, Inspectors and Testers )
• Welding inspectors (in 2261 Non-Destructive Testers and Inspectors )
• Welding technologists (in 2212 Geological and Mineral Technologists and Technicians )

عايز اعرف اذا كان اللى بالخط الاحمر ده مطلوب برضه ولا لأ ؟؟؟؟؟؟؟؟ لانى مش فاهمها بجد , مش كمعنى وانما كمضمون,, ومنتظر الرد ولكم منى كل التحية

 

 

[bassem]

[SIZE=×4]أأأأأأأسف جدا على اللخبطة ونعيد من جديد لان السؤال ده مهم جدا بالنسبة لى:لى سؤال بس يا ريت حد يتواصل معايا من الناس اللى عندهم خبر فى الليسته: 7265Welders & Related Machine Operators

انا لما قرأت واجبات المسمى الوظيفى ده ( وانا من اهل اللحامات) لقيت حاجة عايز اسأل عنها,, لما خلص شرح الواجبات لقيته كاتب ده:
Classified elsewhere

• Welding inspectors (in 2261 Non-Destructive Testers and Inspectors )

وشوية عناوين تانية, المهم:
عايز اعرف اذا كان اللى بالخط الاحمر ده مطلوب برضه ولا لأ ؟؟؟؟؟؟؟؟ لانى مش فاهمها بجد , مش كمعنى وانما كمضمون,, ومنتظر الرد ولكم منى كل التحية

[/SIZE]

 

 

[bassem]

ندااااء إستغاثة للاخوة الافاضل بالاخص الاخ احمد سيف والاخ قناوى
يا ريت التواصل مع اخوكم المسكين المحتاس حتى عن طريق الايمال بارك الله فيكم إبعتولى اى وصيلة اتصال
على الخاص
انا حاسس ان انا اه والله فبالله عليكم ردوا عليا برسالة خاصة,, بارك الله فيكم حتى لو هتكلفنى غدوة معتبرة انا موافق أهو احسن ما ادفع 3000 دولار لمكتب ,
انا فى انتظار الرد

 

 

[يوبي]

دعوه لموضوعي

ضنك.....بعد ثورة الأستحمار

اقتباس المشاركة الأصلية كتبت بواسطة bassem ندااااء إستغاثة للاخوة الافاضل بالاخص الاخ احمد سيف والاخ قناوى يا ريت التواصل مع اخوكم المسكين المحتاس حتى عن طريق الايمال بارك الله فيكم إبعتولى اى وصيلة اتصال على الخاص انا حاسس ان انا اه والله فبالله عليكم ردوا عليا برسالة خاصة,, بارك الله فيكم حتى لو هتكلفنى غدوة معتبرة انا موافق أهو احسن ما ادفع 3000 دولار لمكتب , انا فى انتظار الرد

يا جماعه حد يشوف الراجل ده عاوز ايه

ياعمي انا مستعد اشرحلك اللي انتا عاوزه لو أعرفه
و حتي لو مش حاعرفه حافتيلك مادام في الاخر فيه غدوه محترمه

 

 

[يوبي]

دعوه لموضوعي

ضنك.....بعد ثورة الأستحمار

اخواني في المغاره
بشرا ساره
انا استلمت الفيش السعوووووووووودي
بعد ما كنت اظن انه شيء مستحييييييييييييييل و خصوصا و انا سايب السعوديه من 5 سنين
و شكرا لتوجيهات الاستاذ ميدوفارما

الفيش السعودي وصل يا جدعان
و حايترجم و يبقي تمام

 

 

[le prince]

السلام عليكم
انا عايز احييكم اول حاجه عشان انا عمرى ما كنت اتخيل ان فى ناس بتساعد بعض على النت كده
دى اول مره اشارك فى منتدى
اسمى مصطفى صيدلى دفعة 2008 وبشتغل فى السعوديه وعايز اقدم فيدرال بس النقط مش مكمله
يعنى لو جبت 7 فى الايليتس يبقى معايا 63 نقطه بس عشان انا مش متجوز ولا عندى 4 سنين خبره ولا بعرف فرنساوى
انا وصلت ان انى بدور على اى واحده اتجوزها علي الورق يكون معاها بكالريوس عشان اترحم من الفرنساوى
عارف انى طولت عليكو بس كنت عايز اسال لو هعمل ايلتس و تيف فى نفس الوقت الحق اخلصهم واقدم قبل مالسنه تكون عدت على اللسته الجديده
مع العلم ان الانجليزى كويس وممكن الايليتس ياخد تلت اربع شهور بس و الفرنساوى معلوماتى عنه زى معلوماتى عن طائر السنونو
يا ريت تيفيدونى عشان الوقت بيجرى والمستقبل بيضيع

 

 

[ابو كريم]

حبيبنا المطاريد

لي كام سؤال كدا على السريع

ال proof of bank statement
على النظام الجديد الي هو بعد 26 يونيو ممكن اجيب وره من البنك بالمبلغ المطلوب طبعا في حالاتي 90 الف جنيه (افراد 3) من غير ما يكونو بقلهم 6 اشهور
يعني ممكن ابيع شقتي على سبيل المثال واحوط 90 الف في البنك وبعد كدا اخود ورقة بكدا ولا لازم يعودوا في البنك شوية