متابعة الحاصلين على الـــ C.S.Q

[ReYYaN]

الصحف المصرية والعربية

اقتباس المشاركة الأصلية كتبت بواسطة phrma مش عارف يا جماعه ابداء كلامى من فين انا حاسس بشعور من الملل ممزوج بالفرح بالخوف الملل من الانتظار للميديكال العظيم انا ماشى فى الشهر العاشر (طبعا عمركم ما سمعتوا حد ماشى فى العاشر الطبيعى تسعه) انا حاسس نقطة الميديكال دى لغز ما اليها ملامح حاجة اصعب من امن الدولة كدا الله يرحمه لا عرفين امتى ولا ازاى ولا فين ؟؟؟؟ عاوز ابعت ايميل ليهم وحاسس انه زاى قلته مالهوش لازمة لانهم بيردوا بصيغة واحدة عاوز اذاكر فرنساوى اجهز عشان لما ربنا يكرمنى واسافر . ماليش نفس اسمع حتى بونجور مش عارف؟؟؟ الفرح مما حققته البلاد وكشف كل ما هو فاسد والامل فى حياة افضل لبلادى الخوف من المجهول فى كندا وعدم اعترافهم بتعليمنا معلش ممكن يكون فيه حالة يأس فى كلامى بس انا حبيت اشاركم الى جواى لانى كتير بعز الناس اللى هنا وبحس فيهم اخواتى

اقتباس المشاركة الأصلية كتبت بواسطة Morial لا بقي الله يخليك يا فارما بلاش كدة انا بقالي تسع شهور صابرة وكاتمة ف قلبي وخلاص جبت اخري وقررت اروح السعودية انا ماشية يوم الاربع اللي جاي خليهم براحتهم والنبي يا فارم اوعي تستعجلهم ارجوك خليهم علي اقل من مهلهم كل تأخيرة وفيها خيرة

ازيك يا فارما عامل ايه
معرفش انت عرفت ان اختى وزوجها خلاص جالهم المديكال وعملوه
تقريبا انت كنت مقدم معاهم فى نفس الوقت
ده غير انك نفس التخصص
انا متوقعلكم بأذن الله المديكال خلال الكام اليوم اللى جايين دول
هو جالهم بعد 11 شهر بالظبط
يعنى فات الكتييير
هانت

 

 

[mahmoud I.T]

اقتباس المشاركة الأصلية كتبت بواسطة ReYYaN ازيك يا فارما عامل ايه معرفش انت عرفت ان اختى وزوجها خلاص جالهم المديكال وعملوه تقريبا انت كنت مقدم معاهم فى نفس الوقت ده غير انك نفس التخصص انا متوقعلكم بأذن الله المديكال خلال الكام اليوم اللى جايين دول هو جالهم بعد 11 شهر بالظبط يعنى فات الكتييير هانت

هو سؤال بس ومحيرنى . هو المديكال ده بيتكلف كام ؟ علشان انا سمعت ارقام غريبة وعاليه قوى .. يعنى الفرد الناضج كام والأطفال بيتحاسبوا ازاى ؟

 

 

[الرحالة باشا]

يا عم فارم أهدا كده و أستعين بالله
مين قالك إن الميديكال مدته تسعة أشهر و إن عشرة أشهر حاجة غريبة
أخوك مازن مان جاله الميديكال بعد 10 أشهر ونفس الحكاية أخونا أستروفي و كمان الأخ ريان قالك أهوه إن أخته جالها بعد 11 شهر
أدعوا الله و توكل عليه و إن شاء الله هانسمع خبر الميديكال بتاعك قريب جداًاًاًاًاًاًاً

 

 

[Morial]

لا يا مازن

انا مسافرة عقد جديد
مصر دي عاوزة بير فلوس وانا خلاص اصبحت انضف من الصيني بعد غسيله

ولو قعدت تاني استني الميديكال هبيع الصيني
انا قلت اروح السعودية عقد سنة لان اعصابي باظت وربنا يسهل بقي في الميديكال
هنتعب اوي علشان نعمله
لاننا هنعمله في مصر وفي السعودية
يعني هنقسمه نصين

واللي فيه الخير يقدمه ربنا


دكتور حسام

شكرا يا باشا وربنا يقربلك البعيد ويوفقك

 

 

[سيف الدولة]

عزيزي فارما ماتستعجلش..زي ما بتقلك الاخت موريال ..كل تأخيرة وفيها الف خيرة ..بعدين كل مبتتاخر اكتر بنكون احنا اتعلمنا اكتر وتيجي انت تستفيد من اخطائنا..صدقني مافيش حاجة يتزعل عليها ..واهو صحابك كلهم وصلوا ..اسألهم ..الظاهر انت حتييجي بالصيف ..طبعا بالصيف احسن بكتير ..واسال باشمهندس حازم وهو يقلك

 

 

[Basem]

صباح الخير علييكو.. إسمحوولى اشترك معاكو فى الهم اللى كانا شايليينة اللى هو انتظار الميديكال :)))
انا أخدت ال سي اس كيو بعد معاناة يوم 5/9/2010 .. , نزلت on process يوم 4/10/2010..
و من شهر كدة كنت باشوف الويب سيت لقيت الصفحة شكلها اتغير شوية ونزلوولى العنوان بتاعى (مكانش موجود ) ..
حد فاهم حاجة ؟؟؟

 

 

[الرحالة باشا]

اقتباس المشاركة الأصلية كتبت بواسطة Basem صباح الخير علييكو.. إسمحوولى اشترك معاكو فى الهم اللى كانا شايليينة اللى هو انتظار الميديكال :))) انا أخدت ال سي اس كيو بعد معاناة يوم 5/9/2010 .. , نزلت on process يوم 4/10/2010.. و من شهر كدة كنت باشوف الويب سيت لقيت الصفحة شكلها اتغير شوية ونزلوولى العنوان بتاعى (مكانش موجود ) .. حد فاهم حاجة ؟؟؟

اهلاً وسهلاً بيك معانا في طابور الميديكال
ماتشغلش بالك بحكاية ظهور عنوانك علي صفحة حالة ملفك المفروض كانت تكتب من الأول يعني تأخير ليس إلا
علي العموم هما دلوقتي بيرسلوا الميديكال لبتوع شهر 4
ربنا معانا جميعاً

 

 

[الرحالة باشا]

اقتباس المشاركة الأصلية كتبت بواسطة Morial لا يا مازن انا مسافرة عقد جديد مصر دي عاوزة بير فلوس وانا خلاص اصبحت انضف من الصيني بعد غسيله ولو قعدت تاني استني الميديكال هبيع الصيني انا قلت اروح السعودية عقد سنة لان اعصابي باظت وربنا يسهل بقي في الميديكال هنتعب اوي علشان نعمله لاننا هنعمله في مصر وفي السعودية يعني هنقسمه نصين واللي فيه الخير يقدمه ربنا دكتور حسام شكرا يا باشا وربنا يقربلك البعيد ويوفقك

تأنسي و تنوري السعودية يا موريال و عوداً أحمد

 

 

[phrma]

والله يا جماعه انا ما اتكلمت الا لما حسيت انى بجد محتاج اتكلم مع حد وبجد ربنا يخليكم ليا انا ربنا هو اللى عالم بمعزة الناس .

والله يا موريال انا صابر بس للصبر حدود على راى الست . ولا مستعجلهم ولا حاجة بس هما بس يعبرونى
وربنا يوفقك فى السعودية وفعلا المشوار محتاج جبل فلوس ربنا يساعدنا جميعا

ازيك يا رايان عامل ايه يارب تكون بخير والف مبروك للجماعه هما كانوا ان بروسيس قبل منى وشكل حوار المهن المطلوبة وتسريع الاجراءات دا اشتغاله اهو قاعدين وكمان الجماعه عندك اهم شوف كام شهر منتظرين

رحالة باشا ازيك عامل ايه يارب تكون بخير والله اهو صابر ربنا يكرمنى ويسمع منك ربنا ويجى الميديكال بقا لينا ولكل الناس المنتظرة

مازن باشا والله ما بنساك انا كمان عاوز ابعتلك الصور اللى تصورناها ادعيلى انت بس ربنا يكرمنا وان كان على الصيف ان شاء يسمع منك ربنا قالهالى مسيو نصار قبل ما يسافر كنبؤة
والله الواحد ما زعلان غير انى حاسس انى متعلقة مش عارف اخد اى خطوة فى حياتى بس ربنا بيسهل وفرجه يكون قريب . واكيد راح اتعلم منك كتير مثل ما اتعلمت من قبل
وان شاء بالصيف بكون عندك وكله بأمر الله

يارب انت المعين ولا معين سوالك

 

 

[Basem]

اهلا بيك رحالة باشا ..
تقريبا الواحد هيستنى اد اية فى الموضوع دة ..
على فكرة انا اعرف 2 الميديكال بتاعهم وصل بعد اقل من 6 شهور .. وخلصوا كل حاجة .
وشايف هنا ناس بتقول 11 شهر ..