الإسلام فى كندا

[doctor farouk]

الصحف المصرية والعربية

السلام عليكم

وديه نسخه كتاب (القران المذهل ) التي ألفها جيري ميلر

https://www.thetruecall.com/downloads/AmazingQuran.pdf

بجد تحفه
ياريت ننشرها

 

 

[doctor farouk]

اقتباس المشاركة الأصلية كتبت بواسطة GSoleiman الفاضل إيهاب وجهة نظري الشخصية إن بدايتك للموضوع غير موفقة وإن كان طبعاً مهم جداً لكل اخوتي المسلمين. ممكن كنت حضرتك حطيت أماكن الأكل الحلال والمدارس وكل إلي شايفه مهم من غير التطرق لأديان أخرى. المقال إلي حضرتك نشرته وبدون الشك في نواياك طبعاً قد يكون مؤلف وغير صحيح... أنا ممكن ببساطة اني أألف قصة جميلة وادعي أي شئ على مدونتي. وأنا بحكم اني في كندا حاليا أقدر أقول لك مثلما تفضل الأخ زهيري إن لا يوجد إستدراج أبداً من أي نوع لأنه ببساطة جريمة ويعاقب عليه القانون كنوع من الخداع. أرجو من حضرتك توصيل وجهات نظرك بصورة مباشرة من دون المساس بأديان أخرى لأن الدين أسمى من كل ما نناقش في منتدى أو سرد قصص وخبرات شخصية أو موثقة لتحري الدقة مثلما يفعل الفاضل إيهاب سالم الذي يوضح الحقائق موثقة ومن واقع معايشة يومية. تقبل تحياتي

واضح ان حضرتك اشتركت مخصوص عشان تكتب الرد ده علي الدكتور ايهاب
للدرجه ديه الموضوع كبير ومهم

انا عاوز اعلق علي موضوع يعاقب عليها القانون ديه لانها مش صح وحتي مش مطلوبه لان كل واحد حر واعتقد فعليا ان الدعوه للمسيحيه نشطه في كندا وده مش ممنوع وكل واحد حر

والدكتور ايهاب كتب الكلام ده من باب ان الناس اللي بتقرأ الباب ده الخاص بكندا في يوم هتكون بعيده عن التجمعات الاسلاميه اللي بتساعد علي تقويه الالتزام وبالتالي هتكون عرضه لاسئله او دعوه لديانات اخري وبالتالي لازم يكون في اجابات منطقيه عن الاسئله او النقض للاسلام
ولا يجوز ان نتعرض لاي مسيحي او للديانه المسيحيه بالتجريح لان ذلك ببساطه من صميم الدين

لقول الرسول صلي الله عليه وسلم
من آذى ذميًّا فأنا خصيمه يوم القيامة".

 

 

[Tornado]

اقتباس المشاركة الأصلية كتبت بواسطة doctor farouk السلام عليكم وديه نسخه كتاب (القران المذهل ) التي ألفها جيري ميلر https://www.thetruecall.com/downloads/AmazingQuran.pdf بجد تحفه ياريت ننشرها

يعني ايه الفها جيري ميلر؟؟؟؟؟؟

 

 

[Tornado]

تسلم يا دكتور ايهاب على الموضوع الرائع بجد موضوع مهم جدا جدا وبنا يجزيك كل خير
ومين اللي قال ان حملات التنصير مش بتزن على ودن المسلمين او غيرهم؟؟؟ دول مش بييأسو وبيلجؤو لكافة الطرق للاقناع وكل شيء مباح عندهم حتى لو هغيروك بالفلوس واللي راحو له مرة هيرحولو تاني بس لما يضعو خطة لاقناعه هما في الاول بيجسو النبض الاول بس مش بييأسو ربنا يكفينا شرهم

استمر في طريقك يا دكتور ايهاب وربنا يعينك وسيبك من المشاركات السلبية

 

 

[GSoleiman]

الفاضل دكتور فاروق

حضرتك لاحظ أنا مشترك من امتى... أكيد مش عشان الموضوع دة فقط... أنا بس بتابع في صمت هنا وفي المحاورات بردو...

وفي الحقيقة أنا كنت موجه الكلام للستاذ إيهاب طاهر مش لحضرتك... ولكن طبعاً برحب بوجهة نظرك المحترمة...

أحب أصحح لك معلوماتك إن موضوع يعاقب عليه القانون دة حقيقي... في حالة الخداع والإستدراج... ممكن حضرتك ترجع لمداخلة الاستاذ زهيري ودة فعلاً إلي بيحصل حتى معايا أنا شخصياً وأنا مسيحي شرقي.. أو من طائفة أخرى يعني.

حاجة تانية أحب أوضحها وبرد من واقع تجربة شخصية ومن أصدقاء مسلمين أفاضل هنا في كالجاري... الدعوة أو التبشير بيكون بدون حتى معرفة دين حضرتك إيه... يعني ببساطة مفيش نقد للإسلام اللي أنا شخصياً بحترمه... الموضوع كله إن الناس دي بتعرفك على دينها... ولو رفضت هيعتزرو عن الإزعاج بمنتهى الإحترام.... إسأل أي حد تعرفو في كندا حصل معه موقف مشابه وشوف رده إيه..

أما عن: "ولا يجوز ان نتعرض لاي مسيحي او للديانه المسيحيه بالتجريح لان ذلك ببساطه من صميم الدين"... أشكرك على وجهة نظرك المعتدلة جداً... اتمنى كل الناس تجمع على الرأي دة

اعتذر عن أخطاء الكتابة لعدم وجود كيبورد عربي


تقبل تحياتي

 

 

[doctor farouk]

اقتباس المشاركة الأصلية كتبت بواسطة Tornado يعني ايه الفها جيري ميلر؟؟؟؟؟؟

مش فاهم السؤال
الكلمه واضحه
واضح ان حضرتك مدخلتش الرابط
طيب ممكن حضرتك تدخل الرابط ده

https://www.jannah.org/articles/amzquran.html

هيعجبك اوي

 

 

[doctor farouk]

اقتباس المشاركة الأصلية كتبت بواسطة GSoleiman الفاضل دكتور فاروق حضرتك لاحظ أنا مشترك من امتى... أكيد مش عشان الموضوع دة فقط... أنا بس بتابع في صمت هنا وفي المحاورات بردو... وفي الحقيقة أنا كنت موجه الكلام للستاذ إيهاب طاهر مش لحضرتك... ولكن طبعاً برحب بوجهة نظرك المحترمة... أحب أصحح لك معلوماتك إن موضوع يعاقب عليه القانون دة حقيقي... في حالة الخداع والإستدراج... ممكن حضرتك ترجع لمداخلة الاستاذ زهيري ودة فعلاً إلي بيحصل حتى معايا أنا شخصياً وأنا مسيحي شرقي.. أو من طائفة أخرى يعني. حاجة تانية أحب أوضحها وبرد من واقع تجربة شخصية ومن أصدقاء مسلمين أفاضل هنا في كالجاري... الدعوة أو التبشير بيكون بدون حتى معرفة دين حضرتك إيه... يعني ببساطة مفيش نقد للإسلام اللي أنا شخصياً بحترمه... الموضوع كله إن الناس دي بتعرفك على دينها... ولو رفضت هيعتزرو عن الإزعاج بمنتهى الإحترام.... إسأل أي حد تعرفو في كندا حصل معه موقف مشابه وشوف رده إيه.. أما عن: "ولا يجوز ان نتعرض لاي مسيحي او للديانه المسيحيه بالتجريح لان ذلك ببساطه من صميم الدين"... أشكرك على وجهة نظرك المعتدلة جداً... اتمنى كل الناس تجمع على الرأي دة اعتذر عن أخطاء الكتابة لعدم وجود كيبورد عربي تقبل تحياتي

شكرا للرد المهذب والاخلاق الرفيعه
انت بتفكرني بالمهذب الاستاذ رؤوف
ربنا يوفقك
ياريت نتعرف بحضرتك وتنضم لاسره المطاريد
وتكتب مشاركات بصوره منتظمه عن كندا في اي موضوع تختاره
مثلا
في موضوع :عايز تهاجر ليه
https://www.almatareed.org/vb/showthr...=31472&page=13

وتحكي تفاصيل رحلتك

او حتي تعمل موضوع تكلمنا فيه عن كندا والايجابيات والسلبيات من وجهه نظرك (بس لازم عدد مشاركات معين لفتح موضوع خاص ) وتحاول تثري المطاريد زي ما البشمهندس ايهاب بيعمل

 

 

[GSoleiman]

دكتور فاروق

أنا بردو بشكرك على ردك المحترم إللي أكيد بيعكس شخصية محترمة ومعتدلة..

ربنا يسهل وأقدر أضيف ولو حاجة بسيطة عن تجربتي الصغيرة في كندا.... بس طبعاً صعب أوي أوي يعني أوصل للمستوى بتاع باشمهندس إيهاب سالم...

وحيث انك طلبت نتعرف.... أنا مهندس ميكانيكا أصلاً وبشتغل في مجال البترول ... ال-Oilfield... كنت شغال في السودان ومصر وسوريا والسعودية وجيت كالجاري والحمدلله بشتغل في مجالي هنا في شركة كبيرة و-multinational...

أنا طبعاً متجوز وعند ولد سنتين ونص...


أشكرك مرة تانية...

 

 

[Mzohairy]

عايز الكل يفهم ان الدين مش واخد في كندا و في المجتمع الكندي نفس حيز الإهتمام اللي واخده في الدول العربيه

و دي مايحسهاش الا العربي المسلم او المسيحي اللي راح و عاش هناك

صحيح فيه كنايس و فيه مساجد

بس مفيش مظاهر اكتر من كده

بالضبط زي اللي عايش في بيت ابوه و امه و اخواته متعصبين كوره و بيشجعوا الأهلي بجنون و يوم ماتش الأهلي يبقى البيت في حالة ترقب و قلق و لا صوت فوق صوت المباراه

تضطره ظروفه يسافر على بلد تانيه و يقيم في بيت تاني فيه اسره لا تهتم بكرة القدم اطلاقا و لا بتشوفها اصلا

حيستغرب في الأول طبعا ازاي ماتش الأهلي يبقى على الهوا و العائله كلها نايمه مثلا

و بعد كده حيتعود و يتفرج لوحده

و ممكن يبقى زيهم لو عايز و دي بترجعله بالطبع

انما بكل تأكيد لا يوجد استدراج و لا ارغام و لا احتقار نتيجة اتباعك معتقد آخر

انت حر ما لم تضر

 

 

[Tornado]

اقتباس المشاركة الأصلية كتبت بواسطة GSoleiman دكتور فاروق أنا بردو بشكرك على ردك المحترم إللي أكيد بيعكس شخصية محترمة ومعتدلة.. ربنا يسهل وأقدر أضيف ولو حاجة بسيطة عن تجربتي الصغيرة في كندا.... بس طبعاً صعب أوي أوي يعني أوصل للمستوى بتاع باشمهندس إيهاب سالم... وحيث انك طلبت نتعرف.... أنا مهندس ميكانيكا أصلاً وبشتغل في مجال البترول ... ال-Oilfield... كنت شغال في السودان ومصر وسوريا والسعودية وجيت كالجاري والحمدلله بشتغل في مجالي هنا في شركة كبيرة و-multinational... أنا طبعاً متجوز وعند ولد سنتين ونص... أشكرك مرة تانية...

اهلا وسهلا بحضرتك ويا ريت تفيدنا بتجربتك وتوجه العون للناس على قد ما تقدر
من الواضح ان حضرتك عندك خبرات كتيرة واسلوب محترم

اهلا بيك