مدونة عضو حزين

[Eng Hesham]

الصحف المصرية والعربية

يااااااااااااااه

بقالى سنين ممسكتش قلم

انشغالى بين الحياه و الدراسه نسونى الالم

اتخرجت لقيت اهل بلادى مسكوا العلم

قلت خلاص اترفعت الهمم

لقيتنا خلاص لبسنا العمم

ايام و سنين عدت و راحت

من حزن لحزن و من قسوه لقسوه

نسيت الفرحه نسيت الغنوه

قالوا البيئه سر الشخصيه

هانجيبها منين البيئه النقيه

يا بيئه فاضيه من غير ناس

زى الجنه اللى ما تنداس

يا بيئه فيها ناس عجيبه

نظره حزينه و نظره كئيبه

هى دى الدنيا ولا احنا

بنعمل كده و بنؤذى روحنا

تعالوا معانا فى مدونتنا

نشوف صفات الناس

ايه حلو وايه وحش و ايه اللى يتداس

و نقول يتبع

 

[Eng Hesham]

نبتديها بالعصبى

نشأ فى بيئه خناق

زعيق و صويت و ضرب

ياما اتجرح و ياما اتأذى

ومجتمع بيمنع صرخات الالم

كانه سجن عازل للصوت

و كلمه مستفزه ملهاش اى معنى

خليك راجل

ولا انت مش راجل

مش فاهم ايه علاقه الرجوله بالالم

ولا هاتحول من مجرد صرخه الم

و يكبر و يدخل فى المجتمع حواليه

ضغوطات دراسه و كليه و شغل

ولا الجواز و بلاويه

اكتر بلاد بتحب المنظره عالفاضى

وبدون اى سبب عقلانى

نشوفهم بره الجواز بدبله و خاتم و خلصت

لا قايمه ولا مهر و لا شبكه ولا فرح بنص مليون

ولاالشقه ولا العفش بأتنين تلاته مليون

ليه ياخوانا هو احنا بنعمل معرض

ولا بنأسس لحياه بين روحين

و بين ضغط الحاضر و معاناه الماضى

يتولد الشخص العصبى

ابسط حاجه عنده الانفعال

فقط السيطره من المعاناه و الضغط

بيحاول يخلى اللى قدامه يعانى زى ما هو بيعانى

وللاسف المجتمع بيسميه راجل

لانه عصبى و شتم و ضرب خلاص بقى اسمه راجل

عمرها ما كانت دى الرجوله

بس للاسف دا فايرس عندنا

حاجه ماشيه فى الجينات

من ايام الفراعنه و العصبيه فينا فينا

حاسين اننا بلا هويه و بنصرخ ندور عليها

مش عارفين احنا فراعنه ولا رومان ولا اسلاميين

جايز اتراك و جايز انجليز وجايز فرنسيين

مبقيناش عارفين احنا مين ولا مين ولا مين

ضغوط ضغوط ضغوط

و الضغط يولد الانفجار

بس للاسف بنخليه يروح فى الاتجاه الغلط

و نرجع نقول للعصبى

انت راجل

 

 

[Sweet Heart]

ألف مبروك يا باشمهندس على مدونتك، موفق بإذن الله.
تسجيل متابعة وأديني أهو قاعدة أول صف.

 

 

[بنت الشاطئ]

دعوه لموضوعي

مدونه بنت الشـــــــــاطئ

ربنا يبعد عنك الحزن

مبروك المدونه

تسجيل متابعه

 

 

[Lee Lee]

رائع يا م/هشام

بس ما كناش عاوزين احزان

عاوزين امل فى بكره




تسجيل متابعة

 

 

[أم محمد إيهاب]

دعوه لموضوعي

مش موضوعي لكنه مهم جدا جدا... بداية النهاية هل اقتربت ؟؟؟ د. مصرية جزاها الله خيرا

مبروك المدونة يا باشمهندس

 

 

[Eng Hesham]

الله يبارك فيكوا كلكوا يا جماعه كلٍ بأسمه و القابه

بس بصراحه انا شايف الحزن اسمى المشاعر الانسانيه

فبدونها لن نرى الفرح ولا السعاده ولا الالم ولا الحب ولا الكراهيه

فهى مضاد لكل هؤلاء

و الضدُ بالضدِ يبرز

تحياتى للجميع

 

 

[Rapt]

 

 

[مودة]

دعوه لموضوعي

مدونة مودتي بلا حدود

مبروك مدونة قلم حزين
ننتظر الابداع مع الحزن يصنع المعجزات

 

 

[لولا]

اقتباس المشاركة الأصلية كتبت بواسطة Eng Hesham الله يبارك فيكوا كلكوا يا جماعه كلٍ بأسمه و القابه بس بصراحه انا شايف الحزن اسمى المشاعر الانسانيه فبدونها لن نرى الفرح ولا السعاده ولا الالم ولا الحب ولا الكراهيه فهى مضاد لكل هؤلاء و الضدُ بالضدِ يبرز تحياتى للجميع

احيانا نتناول أقراص الفرح لنبدأ فرحة كاذبه !! .. ربما لأننا بحاجه لصباحات مذاقها "حلو " !!

نعم
الحزن من اسمى المشاعر لأننا عندما نستكين اليه فى اى محطة نميز جيدا من بعده مئات المحطات الاخرى
لطالما آمنت ان الحزن صفااااااااااء وارتقاء حالة وجدانيه راقيه نمد ايدينا من خلالها فنلمس القااااع ..
الحزن رديف الإبداع .


بس على فكره :
الدنيا ريشه فى هوااااااااااااااااااااا !!!!!!!!!!!

ورغم كده

مش كل شئ بيفوت في عمرنا بيجرح
قلب الحياة مليان..حاجات وبتفرح"


هشام .. مبروك المدونة .
حتما متابعه .


لولا