Arabic Discussion Forum with a Special Interest in Travel and Immigration

بنت شعنونة · 6th April 2010, 12:38 AM

معظم الفراخ اللي بجيبها بتبقى كوكي
عشان بلاقي الوزن اللي عاوزاه فيها وسعرها ماشي حاله
ارخص الموجودين من الاخر
وكالعادة بجيبه خزنه في الفريزر لحد ما يجيله الافراج
بعد يوم او اسبوع او اسبوعين هوا ورزقه

امبارح بقى وانا بشتري كوكي الطبق اللي فيه الوراك دا
شيء الهى خلاني ابص على الورقة
لقيت مكتوب
الصلاحية.. 6 ايام من تاريخ الانتاج في درجة -4 مئوية!!!!!!!!

6 ايام بس!!!!!!!!
ازاي الكلام دا
طب واللي بيخزنوهم زي بالاسبوعين في الفريزر؟

حد يعرف حاجا عن الموضوع دا يفهمني؟

Prof · 6th April 2010, 12:44 AM

أيوة دي فراخ يتكون نفسيتها تعبانة.

بنت شعنونة · 6th April 2010, 12:46 AM

تفتكر يا بروف تكون هيا السبب في الحالة اللي عندي

Prof · 6th April 2010, 12:59 AM

إيه ده!
لأ أنا باهزر أصلاً.. بس غريبة فعلا 6 ايام دي.. أنا سألت "الجماعة" فقالت لي الفيليه بتكون في حدود عشر أيام عشان بتكون مش مجمدة ومحطوطة في تلاجة عادية وحاجات كده..
والفراخ اللي على بعضها "ساديا" بتكون كذا شهر عشان بتكون مجمدة وحاجات كده برضه..

بنت شعنونة · 6th April 2010, 01:05 AM

شكل المدام مذاكرة كويس
طب ما تكسب فيا ثواب وتسألهالي الله يكرمك
عشان اللي عندي وراك وهوا كاتب 6 ايام في درجة التجمد سعدتك يعني مالوش دعوة بالتلاجة من اصله
اسألهالي " فضلا وليس امرا طبعا" لو عندها طبق صدور مكتوب عليه 10 ايام في درجة -4 برضه!!!!!!!!!
اصل كدا ها يبقى مشكلة بجد

Prof · 6th April 2010, 01:11 AM

بتسلم عليكي وبتقولك نفس الوضع ولقت مكتوب على طبق الصدور الصلاحية 6 أيام من تاريخ الإنتاج عشان هم بيبقوا حاطينها في تلاجات العرض مش في الفريزر. نوعه تشيكن فريش.

بنت شعنونة · 6th April 2010, 01:13 AM

اشكرهالي جدا يابروف
وسلملي عليها كتير
على ما اولع في الكوكي اللي عندي وارجع

oskasan · 6th April 2010, 04:56 AM

شوفى يا كوكى .. قصدى يا شعنونه
انتى مش بتشوفى فراخ طازه فى طازة موجودة فى تلاجات العرض اللحوم المبرده مش المجمده بتبقى معروضه زى الأجبان والحاجات الساقعه
دى صلاحيتها غالبا لا تزيد عن 3 او 4 ايام
قبل ماتنتهى الصلاحية بيوم .. ودى اوامر الصحة والبلدية
تتلم وترجع الشركة
تفتكرى الشركة هايودها لقطط توتا يعنى مثلا
يروحو مجمدينها فى ساعتها ويتغير تاريخ الصلاحية لمدة اطول
تروحى انتى الجمعية مشترياها وشايلاها فى الفريزر
وتتشعننى أكتر

يا جماعه مفيش أضمن من لبن الأم
اشترى فراخ حيه وخلى الراجل يدبحها قدام عينك
ماهو بيشتريها من مزارع نفس الشركات اللى بتبيع مبرد ومجمد
وابقى رشى عليها دقيق ذره وكورن فليكس هاتبقى كوكى برده

toota · 6th April 2010, 05:34 AM

اقتباس

المشاركة الأصلية كتبت بواسطة oskasan


	تفتكرى الشركة هايودها لقطط توتا يعنى مثلا

يا ربنا ع القر

بنت شعنونة · 6th April 2010, 10:35 AM

الله ينور عليك يا اوسكا
ما انا فهمت كدا من بروف
بس انا تعجبي انه مكتوب
انه مدة الصلاحية 6 ايام في درجة حرارة -4 ؟؟؟؟؟؟؟

مش دي درجة التجمد برضه والا ايه!

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
حازم صلاح ابو اسماعيل..عيب على شيبتك!	شؤون مصر الداخلية	د. يحي الشاعر	409	31748	3rd April 2012 09:34 PM
حشيش..مش نافع كدا على فكرة وانا ابتديت اتنرفز..!!	إقتراحات ... مشاكل تقنية	Rapt	27	3823	31st March 2012 04:25 AM
"حظ سعيد" خدت قفا على سهوة..!	صحافة ... إعلام ... سينما ومسرح	بنت شعنونة	0	1458	29th March 2012 09:05 PM
اضحك..كركر..او..الطم مع مرشحين الرئاسة!!	موضوعات عامة ... موضوعات خفيفة ... منوعات	rgydaa	83	14048	10th March 2012 07:21 PM
عايزة مساعدة عااااجلة :))	موضوعات عامة ... موضوعات خفيفة ... منوعات	بنت شعنونة	8	5473	2nd March 2012 01:13 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حداد --- على أرواح الشهداء	السيد ميدو	معرض الصور والفنون الجميلة	6	12th October 2011 02:44 PM
دجاج مشوي بالليمون والزعتر	haya	شؤون المطبخ	15	26th February 2010 07:14 PM
حل مسابقة مع حجاج بيت الله الحرام	جدة حبيبه	شؤون إسلامية	1	11th December 2009 07:16 AM
مشوي دجاج تقى الخاص ((بالصور))	تقى	شؤون المطبخ	25	2nd February 2009 08:17 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

موضوعات عامة ... موضوعات خفيفة ... منوعات

دجاج كوكي!!