حد هنا عنده هواية؟

[حلم]

اقتباس المشاركة الأصلية كتبت بواسطة نانا من هواياتي غير القراءة والنت

اقتباس المشاركة الأصلية كتبت بواسطة نانا إني أصور أي منظر يعجبني ( ولكن أحيانا بيعرضني دا لمواقف محرجة لما أكون لوحدي في وسط ناس غريبة ) واني اعزف على البيانو ( ولكن بقالي زمان ما عملتش كدة للأسف ) بحب بردو ادندن مع نفسي بأي أغنية بحب أدون أي كلمة تعجبني وفي أي مكان بداية من كتاب لأي حاجة بعدها ( ممكن لو حتى في ميكروباص اطلع موبايلي وأكتب مثَل حد قاله وعجبني أو أي شيء من هذا القبيل ) بحب أعمل داون لوود لكتب وروايات وأشعار على الاب توب ( وفي الآخر بزهق من قراءتها عليه وما اكملهاش لأني بيحصلي ملل وبفضل الكتاب يكون في ايدي عن الكتاب الإلكتروني بس بردو مازلت بعمل داون لوود وما بحرمش لحد ما غرقت الجهاز كتب وروايات )

موضوع التصوير دا فكرنى بموقف من سنة بسببه دخلت التخشيبة وقعدت هناك طول الليل
ههههههههههههههه

جميلة جدا هواية العزف على البيانو والكتابة...ما أظنش ان اي حد يعرف يعزف بيانو
انا شخصيا ماشفتهوش غير فى الافلام بس

وبما اننا احنا الاتنين بنحب التصوير اتشرف بأخذ رأيك...ورأي الأخوة أبناء الجبل فى الصورة دي...تصويري

 

[نانا]

اقتباس المشاركة الأصلية كتبت بواسطة حلم وبما اننا احنا الاتنين بنحب التصوير اتشرف بأخذ رأيك...ورأي الأخوة أبناء الجبل فى الصورة دي...تصويري [/CENTER]

يا مامي ايه دي

دي صورة مرعبة أوي يا حلم

بس بصراحة حضرتك أثبت براعتك في إلتقاط النظرة المرعبة اللي في عيون القطة

بجد مرعبة اوي

بس ليا سؤال
هي القطة مالها كانت شرسة كدة ليه

انا حاسة انها تقريبا كانت بتهجم على حضرتك في أثناء إلتقاطك للصورة

 

 

[حلم]

أيوه يا نانا ممكن نعمل إن شاء الله دورى شطرنج
نجمع بس مطاريد, ونحفر لهم مغارة ونحطهم كلهم فيها
وبعد كده.....


ونجيبك تتفرجى إن شاء الله

اقتباس المشاركة الأصلية كتبت بواسطة نانا يا مامي ايه دي دي صورة مرعبة أوي يا حلم بس بصراحة حضرتك أثبت براعتك في إلتقاط النظرة المرعبة اللي في عيون القطة بجد مرعبة اوي بس ليا سؤال هي القطة مالها كانت شرسة كدة ليه انا حاسة انها تقريبا كانت بتهجم على حضرتك في أثناء إلتقاطك للصورة

لا خالص ماكنتش شرسة زي ما يبان ليكي فى الصورة
انا كنت ماشى فى الشارع عادى جدا ولقيتها طلعت لى من شباك ونونوت
بصيت لها لقيتها أخدت الوقفة دي...مجرد ما صورتها لقيتها نونوت تانى ودخلت البيت

 

 

[toota]

اقتباس المشاركة الأصلية كتبت بواسطة حلم أيوه يا نانا ممكن نعمل إن شاء الله دورى شطرنج نجمع بس مطاريد, ونحفر لهم مغارة ونحطهم كلهم فيها وبعد كده..... ونجيبك تتفرجى إن شاء الله لا خالص ماكنتش شرسة زي ما يبان ليكي فى الصورة انا كنت ماشى فى الشارع عادى جدا ولقيتها طلعت لى من شباك ونونوت بصيت لها لقيتها أخدت الوقفة دي...مجرد ما صورتها لقيتها نونوت تانى ودخلت البيت

نظرة عين القطة الي انت لقطتها دي فضول مش شراسة... بس نانا مش تخصص قطط عشان كده قرت النظرة غلط...خصوصا انك لونت العين

 

 

[قائد مدفعيه المطاريد]

زمان كنت مدمن قراءاه كان هى هوايتى الوحيده .. لكن دلوقتى معنديش هويات .. باكل و بشرب و بنام و بقعد على النت بس

 

 

[حلم]

اقتباس المشاركة الأصلية كتبت بواسطة قائد مدفعيه المطاريد زمان كنت مدمن قراءاه كان هى هوايتى الوحيده .. لكن دلوقتى معنديش هويات .. باكل و بشرب و بنام و بقعد على النت بس

ماهو النت برضه هواية يا قائد