Arabic Discussion Forum with a Special Interest in Travel and Immigration

fatfouta · 31st August 2011, 06:19 AM

بيقولوا ده زحل كان طالع واحنا افتكرناه الهلال بالخطأ

Tornado · 31st August 2011, 06:42 AM

معلش يا فتفوتة مشوفتش موضوعك
على طول سبقاني

https://www.almatareed.org/vb/showthr...616#post738616

ده مضوع نقلت فيه روابط الخبر ده وكمان تعليقات من الفيس بوك
ارجو من الادارة دمج موضوعي مع موضوع فتفوتة

كل سنة وانتم طيبين النهاردة اول يوم العيد

هتدفعوا عيديات تاني

waleedelrefiey · 31st August 2011, 07:07 AM

الأكيد ان رمضان كان 30 يوم و الله أعلم

only you · 31st August 2011, 07:12 AM

محمد النجيمي
عضو مجمع الفقه اﻻسلامي. ‏السعوديه

صيامنا صحيح.
وﻻ وجود لما يتبادله العامة عبر وسائل اﻻتصال حول خطأ عى تحري هلال عيد الفطر

والجمعيه الفلكيه لم تجزم بل توقعت مشاهدة كوكب زحل بدل القمر وهذا اجتهاد منها وهي حرة بماتقوله
واكرر الجمعيه الفلكيه لم تجزم بكلامها ولكن توقعت

ونحن لم نعتمد على الرؤية المجردة بل استخدمنا مناظير وتلوسكوبات لرؤية هلال العيد

https://www.paldf.net/forum/showthread.php?t=871002

only you · 31st August 2011, 07:15 AM

اللى مستغرباله انهم اعلنو الرؤيه وقت المغرب ومفروض بعد العشا يعنى لما السما تضلم لحقو؟

waleedelrefiey · 31st August 2011, 07:18 AM

المشكلة الي بعض أولي الأمر مش وخدين بالهم منها

ان الخبر ده أتنشر علي العربية بتاريخ الخميس 25 رمضان 1432هـ - 25 أغسطس 2011م
جمعية بريطانية تتحدى المسلمين أن يروا هلال شوال في 29 أغسطس بالسعودية

وضعت جائزة قدرها 1000 جنيه إسترليني

دبي - أحمد السهيمي تحدت جمعية بريطانية أي مسلم أن يرى هلال شوال في يوم التاسع والعشرين من أغسطس، وهو اليوم الذي يتوقع أن يخرج المهتمون لرؤية هلال شهر شوال بالسعودية.

ودعت الجمعية الإسلامية لرؤية الأهلة في بريطانيا المهتمين إلى ترقب الهلال في السعودية، ووضعت جائزة قدرها 1000 جنيه إسترليني (1645 دولاراً)، لمن يستطيع أن يقدم تسجيلاً بالفيديو للهلال في تلك الليلة.

وقالت الجمعية في مسابقة أشهرتها في موقعها على الإنترنت "إذا استطاع أحد تقديم أدلة بالفيديو لرؤية يظهر فيها هلال شوال، فسيحق له الحصول على مكافأة قدرها 1000 جنيه إسترليني".

وجاء التحدي بسبب أن الجمعية ترى أن رؤية الهلال في يوم التاسع والعشرين مستحيلة في السعودية بعد غروب الشمس، حيث يؤكد خبراء الفلك الذين تعتمدهم "أن رؤية هلال شوال مستحيلة في أي جزء من السعودية حتى باستخدام "التلسكوب".

لكن مجلس القضاء الأعلى بالسعودية يدعو في كل عام لرؤية الهلال حتى لو كانت آراء الخبراء تقول باستحالة ظهوره.

ووضعت الجمعية البريطانية بريداً إلكترونياً خصصته لاستقبال المشاركات، وطلبت من كل من يتابع المسابقة أن ينشروها لأصدقائهم الذين سيزورون السعودية، وتركت باب التسجل مفتوحاً حتى يوم 27-8-2011.

يُذكر أن جمهور المسلمين يعتقدون بأن دخول شهر رمضان وخروجه لا يكون إلا برؤية الهلال، فيما ينقسم هؤلاء في مسألة رؤيته بالعين المجردة أو الأجهزة الحديثة، وهذا يرفع احتمالاً كبيراً بأن كثيراً من المهتمين قد يخرجون لرؤية هلال رمضان في يوم التاسع والعشرين من أغسطس.

ومن المتوقع أن يدعو مجلس القضاء الأعلى بالسعودية إلى رؤية الهلال في نفس اليوم الذي تحدت فيه الجمعية البريطانية، وترى الجمعية البريطانية أن البحث في ذلك اليوم غير ممكن لتعارضه مع المعلومات العلمية التطبي

----------

و بالرغم من كده لا فيه حد بيقري و لا يسمع
و بعد المصيبة ما تحصل يبتدوا يتناقشوا
طب ما الكلام فيه ناس قياله قبل الهنا ب4 أيام

https://www.alarabiya.net/articles/20...25/164031.html
و طالما أستحالة رؤية الهلال يبق رمضان المفروض يكمل ل 30 يوم

moka · 31st August 2011, 07:22 AM

.
.

احنا دلوقتي ضعنا في الطوشة .. بين المجمع الفقهي والجمعية الفلكية .. نصدق مين ولا مين ؟؟

waleedelrefiey · 31st August 2011, 07:30 AM

اقتباس

المشاركة الأصلية كتبت بواسطة moka


	. . احنا دلوقتي ضعنا في الطوشة .. بين المجمع الفقهي والجمعية الفلكية .. نصدق مين ولا مين ؟؟

أنت تاخد الأحوط
و
تطلع الكفارة و تحولها ليه علي حسابي في البنك

و أهو تخلع من الطوشة و تريح قلبك

هبعتلك حسابي علي الخاص
مليار و نصف مسلم تقريبا
يعن لو أخدت من كل واحد جنيه بس
و قول هناخد من نص مليار بس
تبق

تبق
تبق
عدت معايه

بنت البلد · 31st August 2011, 08:16 AM

دعوه لموضوعي

عدسة بنت البلد

ليا وحده صحبتى على مذهب الشيعه أمس كانت صايمه وقالت ليا على فكره من كام سنه وأنتو بتفطروا غلط قلت لها إحنا فى رقبة اللى قال أنه العيد لكن أعتقد لازم نطلع كفارة اليوم دا

مودة · 31st August 2011, 08:20 AM

دعوه لموضوعي

مدونة مودتي بلا حدود

صومكم يوم تصومون وفطركم يوم تفطرون
يعني رمضان يبتدي بالنسبة للفرد الواحد بإعلان دخول رمضان في البلد اللي هوا فيها..
وعيده.. بإعلان العيد في البلد اللي هوا فيها..

وإحنا صمنا 29 يوم
اللي هوا أقل عدد أيام في الشهر العربي.. وبعدها شهد ناس ثقات في المحكمة إنهم شافوا الهلال.. وأعلنت البلد العيد..

يبقى كدة كل واحد فينا ما عليهوش حاجة..
لأن شرعاً إحنا خدنا كل الخطوات اللي تثبت دخول الشهر..

رمضان مناسبة دينية.. والعيد بردو مناسبة دينية..
بيثبت دخولها وخروجها بالطريقة اللي حددها الدين..

وبعد كل الخلافات اللي بتحصل كل سنة..
عندنا الحديث: إن صومكم يوم تصومون وفطركم يوم تفطرون
يعني حتى لو فلكياً قالوا مستحيل.. بس عندنا شهادة ناس إنهم شافوه والبلد أعلنت.. يبقى هوا ده عيدنا.. وخلاص..

يعني الرسول طلعنا من الخلاف ده..

إمتى تبقى مشكلة وعلينا قضاء (مش كفارة.. لأن قضاء رمضان مافيهوش كفارة مالية غير على اللي كل سنة حامل.. أو العيان اللي مش هيخف)
يبقى علينا قضاء لو صمنا 28 يوم.. وبعدين الهلال ظهر.. ساعتها يكون الشهر دخل غلط.. لكن لازم نعيد مع ظهور الهلال.. ونقضي يوم بعد كدة..

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ترحيبات ... مناسبات ... علاقات عامة

السعودية تخطئ للمرة العشرين في تحديد هلال العيد