حد بيفهم فى العربيات الصينى :-((

[Farida]

الصحف المصرية والعربية

عربيتى زى الحلوة دى


الله يجازى اللى كان السبب و خلانى جبتها ......المهم هى حلوة و كويسه و اتوماتيك و كل حاجه لكن الشركة بتاعة الصيانه بتاعتها شركة بنت ***** و اللى فيها كلهم ****** ماعلينا ......من حوالى شهرين الفرامل بتاعتها سابت خالص وانا مشاويرى طويله ...سحبت هوا عند الميكانيكى الى تحت البيت ومافيش فايده ولما شافها قالى الماستر العمومى لازم يتغير ولأن قطع غيارها مش موجوده الا فى الشركه ال***** بتاعتها .....سألت قالوا لى تعالى سافرت لهم _لأنهم فى طريق مصر اسماعيليه و حاجه *****- المهم روحت قالوا لى لأ الماستر مافيهوش حاجه و غيروا لى الطنابير و التيل الخلفى غيرتهم وقعدت يومين و رجعت العربيه زى الأول .......
البروبلم فين ........
البروبلم ان الميكانيكى اللى تحت البيت قالى بصى انا حأغيرلك الماستر و السيرفو -اقطع دراعى ان كنت فاهمه حاجه - و ابدلهم لك ببتوع العربية MATIZ لأنها متوفرة وانا بافهم فيها و نخلص ..... و طبعا اتصلت بالشركه قالوا اعى تلعبى فيها ولازم تجيبهالنا ..........
انا دلوقتى فى حيرة ....................حد ممكن يساعدنى ................
(ياترى انت فين يا تامر عندى ياما قلتى لى بلاها الصينى بس دى اللى كانت على قد الفلوس وقتها )

 

[shawi]

سؤال عن الموديل والطراز
لو الشركه حددت السبب والمشكله ان القطعه مش موجوده
رقبتنا سدداده
ابعتي اسم القطعه ورقمها وصوره عنها
وحنقلب الدنيا لغايه ما نجيبها
انا شفت الشكل بتاع عربيتك في الامارات
اول ما نعرف الموديل والبيانات حاسالك عتها
=========
الفهلوه مش معقوله
دي فرامل مش فانوس!!!!

 

 

[Farida]

ربنا يخليك هى chery qq EZdrive ATM يعنى رأيك بلاش موضوع طقم الماتيز ده ده انا كنت اتفقت خلاص

 

 

[Eng Hesham]

دكتوره فريده

العربيات الشيرى من اسوء العربيات فى العالم كله

و واخده تانى اقل معامل امان فى العالم

حاولى تتخلصى منها بأى طريقه يكون افضل

تحياتى لحضرتك

 

 

[O.S.A.M.A]

اقتباس المشاركة الأصلية كتبت بواسطة Farida

يا خرابي يا فريدة انتى العربية دى لقيتيها فين ؟

اوعى تكون طلعتلك فى اللبان وانتى مخبية

لأ بصى يا فريدة العربيات الحقيقة مافيهاش حاجة اسمها على قد فلوسي اشترى عربية وده طبعاً رأيي ولا ألزم به أحد لكنه من باب النصيحة يعنى

العربية من الحاجات اللى لما بتفتح بوقها ما بتعرفيش تقفليه فتخيلى بوقها ده وتبقى عربية زى المحروسة
هاتصرفى عليها تمن عربية محترمة كان ممكن تجيبيها حتى نص عمر

 

 

[O.S.A.M.A]

تعقيب لابد منه أنا للأسف ماليش خالص فى مشوار الصينى ده

 

 

[Farida]

ماشى ماشى ....... مانا عارفه انا اللى جبته لنفسى .....بس بجد انا اخدت بنصيحة shawi رحت التوكيل تم المراد من رب العباد .......و حأفكر فى موضع العربيه .....هى الفكرة انى كنت باروح من البيت للنادى و من النادى للبيت ......لكن بعد ما اتشجعت و بقيت اروح بيها 6 اكتوبر و ضواحيها بقت خطيره شويه وانا عارفه .......بس لو تشفوا على الطريق عربيات مرسيدس و بى ام متدشدشين .....تعرفوا ان الموضوع مش بكده لا بكده

 

 

[O.S.A.M.A]

واضح انك فاهمة سواقة العربيات غلط يا فريدة

بوصى يا ستى .. بصيتى ؟ طب بوصى كمان

أولاً يعنى ايه عربية ؟ ويعنى ايه سواقة عربية ؟

شوفتى بقى ها بتدى معاكى من أول كيف تهبط الطائرة .

العربية يعنى مشاوير ومشى وبغض النظر عن كتير قليل العربية بتحتاج تكلفة إضافية ليها وتعتبر تكلفة أساسية بغض النظر عن كون العربية بنلطش بيها ولا بنمشى زى الناس

بتحتاج تكلفة صيانة دورية على حسب عدد الكيلوات اللى أشك الحقيقة ان العربية دى تستحمل خمس تلاف كيلو وبعدها صيانة

وبعدين .. العربية كل فترة زمنية بتدخل فى شوية تغييرات جذرية زى تغيير المساعدين على سبيل المثال وهنا التكلفة بتزيد شوية ويمكن شويتين
طبعاً لا قدر الله لو العربية كنتى بتعملى بيها إفتكاسات زى إفتكاسات خالدة الذكر بدرية بدرورة يبقى صيانة إضافية يعنى فلوس زيادة

كل بقى الفلوس دى يا إما تندفع فى عربية عليها القيمة يا إما بلاها لأنك هاتلاقى نفسك بتدفعى فلوس على مافيش

العربية البراند المحترمة بتلاقى تمن الصيانة فيها يعنى لما تيجى تعملى صيانة عادية تحسى إن العربية فيها تغيير وبقت أحسن وكل طبعاً ما تعملى الصيانات دى فى وقتها كل ما العربية تعيش معاكى حتى أكتر من عمرها الإفتراضى

نيجى بقى لسواقة العربية طبعاً مصر بمطاباتها بقت شوية تحتاج عربية معقولة تستحمل المرمطة وبرضه مش عربية كبيرة زى اللى موجود فى الخليج لأ عربية سيدان صالون تمشى الحال بس تكون فى نفس الوقت تستحمل هلكة الطريق واللى أهمها بعدها عن الأرض أن العربية تكون عالية شوية وماعتقدش أن المحروسة دى عالية خالص



من الآخر روحى بيعي العربية يا فريدة

 

 

[shawi]

اقتباس المشاركة الأصلية كتبت بواسطة Farida ماشى ماشى ....... مانا عارفه انا اللى جبته لنفسى .....بس بجد انا اخدت بنصيحة shawi رحت التوكيل تم المراد من رب العباد .......و حأفكر فى موضع العربيه .....هى الفكرة انى كنت باروح من البيت للنادى و من النادى للبيت ......لكن بعد ما اتشجعت و بقيت اروح بيها 6 اكتوبر و ضواحيها بقت خطيره شويه وانا عارفه .......بس لو تشفوا على الطريق عربيات مرسيدس و بى ام متدشدشين .....تعرفوا ان الموضوع مش بكده لا بكده

اختي فريده
لم اجد معلومات
[SIZE=×4]ربنا يخليك هى chery qq EZdrive ATM يعنى رأيك بلاش موضوع طقم الماتيز ده ده انا كنت اتفقت خلاص

ده فقط اسم موديل العربيه
القطعه المعطله ايه رقمها ولباناتها ولو فيه صوره ليها
هنا رغم كل شيئ بيقولك سيم نمونه يعني نفس التوع

المهم انتي رحتى التوكيل والنتيجه فين سنه الموديل الخ
هل سنتبحث عن القطعه....ام انك ستقومي بالتغيير بما يمكن للميكانيكي عندك ان بقوم به

انا عارف ان فيهم فهمانين وفيهم فهلويه

المهم النتيجه وصلنا لايه

العربيه لازم تتصلح علشان تتباع

[/SIZE]

 

 

[oskasan]

حلوه البتاعه دي
مالها يعني
بتتريقوا عليها ليه


على الاقل لما تحبي تغسليها

ممكن تاخديها على الحوض تشطفيها وتبدريها وتنشفيها
مش هاتاخد منك غير 2 منديل كلينكس ممكن تستخدميهم بعد كده في تنظيف النظاره

ولا حوجه لمغسله ولا دراي كلين


ايييييييييييييييييه ... فين أيام العربيه الرمسيس اللى كانت تصحي أبو الهول وهي في أسيوط


شكلك ما علقتيش خرزه زرقا عليها
ولا كتبتي على الشنطه .. حصوه في عين اللى ما يصلي على النبي

صحيح هي فيها شنطه ولا بتعلقى شنطة فرح على الزجاج الخلفي

زمان كنا ندلع العربيه ونتكسف من اسمها ونقول عليها عزيزه
دلوقت البجاحه في شهادة الميلاد على المفتشر ويسموها شيري

عندي ليها هاف لوري ابن بلد صحيح ... اسبوع واحد وتلاقيها عنايات أبو سنه