الهـــجرة عـــــــــن طـــــــــريـــــــــــــق الدراســـــــــــــــــــــــة

[elmadysm]

الصحف المصرية والعربية

دعوه لموضوعي

CharlesSwide

بسم الله الرحمن الرحيم ة
الحمدلله والصلاة والسلام على رسول الله وعلى آله وصحبه أجمعين
الاخوة الكرام
انا شايف نبرة حزن فى باب كندا
مرة بسبب ملفات قبل فبراير 2008
ومره بسبب القانون الجديد
ومرة بسبب اللسته الجديدة
واسباب اخرى شخصيه
ومن خلال تواجدى فى كندا ومتابعتى لاخبار الهجرة ومتابعتى للمنتدى
حبيت افتح موضوع
قد يكون بارقة امل لبعض الاعضاء

ايه رايكم فى احد الابواب الجانبيه للهجرة
الدراسة
بتقول ايه ؟؟؟
الدراسة
ادخل فى الموضوع

الموضوع طويل شوية
بس اهى محاوله للهجرة الى كندا عن طريق الدراسة
ودى وسيله قد تكون مفيدة لبعض الاعضاء اللى مستعد يسافر على طول
فيه ناس كتير خاصة من السعودية ودول الخليج بتيجى هنا دراسة
ويعدى عليها اول سنه
وبعدها يروح لمحامى
يجيب له تصريح عمل لمدة 3 سنوات
واثناء هذه الفترة يقدم له على الاقامة PR
الحكاية دى بدات تنتشر
وغير مكلفه على الاطلاق
واصبح لها ناس محترفين يساعدوك ذى المحامين
بيجيب لك قبول فى جامعة او كليه او معهد حسب ظروفك
مع بعض الاوراق اللى بيرشدك اليها
وتبعتهم على السفارة
ومبروك الفيزا
على فكرة انت ممكن تعمل كل دا بنفسك
بالدخول على مواقع الكليات و التقديم اون لاين

وقابلت طلاب كتير من الهند وباكستان وسريلانكا وبنجلاديش
جايين بنفس الطريقه

مش عارف ليه محدش بيفكر فى الموضوع ده ؟
والسلام عليكم ورحمة الله وبركاته

 

[shawi]

كلامك في محله يا باشمهندس وفيه ناس محترفه في العمل ده

بس الفيزا من البلاد العربيه المتأثره برياح ما سمي بالربيع العربي واللي للاسف بان انه رياح خريف مع عواصف نأمل أن تأتي بمطر وينبث الزرع بعديها وتشرق شمس الامل

المهم الفيزا لناس معاها قبول ومنح دراسيه من حكوماتها واقف عاللغه
ومصرين في السفارات انك تاخد اللغه اولا في بلدك رغم انك قريب جدا من الوصول الى الرقم المطلوب مع العلم ان وجودك هنا سيسرع اكتسابك للغه
ولكنهم للاسف يرفضون اعطاء الفيزا

ورغم ان وزير الهجره صرح ان اللي بيعمل دكتوراه يقدر يقدم عالبي ار بعد سنه وانت ادري مني ان البي ار مقدمه للجنسيه

وسلامتك مع التحيه

 

 

[الموعلم]

انا زمان فكرت فى الطريقه دى وجهزت اوراقى وجبت موافقه من معهد فى فانكوفر بالايميل ودفعت سيمستر مقدم ورحت عشان اقدم ورقى لمكتب بيخلص الحاجات دى فالسفاره الكنديه بالرياض المكتب قالى هتترفض عشان انت مش سعودى
وان السفاره فى السعوديه متبرمجه ع السعوديين بس والباقى كنسل احبطنى خصوصا انه سورى وقالى انه قدم واترفض بس الحق يقال الفتره دى كمان كنت كندا بترخم حتى ع السعوديين وبتطول عليهم المده حتى 6 شهور
وبعد كده السفير الكندى عمل اعتذار هنا فى الجرايد عن التاخير ووعد ببروسينج اسرع والله حرام صعب عليه

 

 

[Dr.Samo]

فيه موضوع مثبت كامل متكامل للصديق العزيز م. طارق سلامة من ٣ سنين عن الهجرة دراسة وفيه كل التفاصيل
https://www.almatareed.org/vb/showthr...1#.Uab082Qayc0

 

 

[حنان مصطفى]

هو طبعا انت مشكور انك فتحت التوبيك ده
بس ملحوظة صغيرة
كل الناس فى مصر خصوصا اتجهت للاتجاه ده - مش بارداتها لكن غصب عنها بسبب تعنت السفارة الكندية
وعلى فكرة السفارة كده مع المصريين من زمااااااان - بيقولك توجهات سياسية ما علينا
المهم ان كل الناس فى مصر بتفكر تقريبا بنفس الاسلوب - والكل بياخد رفض وانا اولهم - دكتوراه واترفضت وماتقوليش ايه الاسباب؟؟ هى هى نفس التلالكيك حتى الورقة اللى مفروض يكون مكتوب فيها تفاصيل الرفض الموظفة ماتعبتش نفسها وكتب تفاصيل - كتب مرفوض وانت نقى بقى الاسباب براحتك
-----
ممكن التوبيك ده يكون له وظيفة مهمة جدا بجانب التوبيك المخصص للدراسات العليا الذى يختص بالتقديم للجاامعات والكليات ومتطلبات الدراسة
اما هذه التوبيك اقترح انه يكون حول فيزا الدراسة فقط - كده يبقى اوقع ويكون اضافة لباب كندا
بالتوفيق للجميع

 

 

[elmadysm]

دعوه لموضوعي

CharlesSwide

اقتباس المشاركة الأصلية كتبت بواسطة shawi كلامك في محله يا باشمهندس وفيه ناس محترفه في العمل ده بس الفيزا من البلاد العربيه المتأثره برياح ما سمي بالربيع العربي واللي للاسف بان انه رياح خريف مع عواصف نأمل أن تأتي بمطر وينبث الزرع بعديها وتشرق شمس الامل المهم الفيزا لناس معاها قبول ومنح دراسيه من حكوماتها واقف عاللغه ومصرين في السفارات انك تاخد اللغه اولا في بلدك رغم انك قريب جدا من الوصول الى الرقم المطلوب مع العلم ان وجودك هنا سيسرع اكتسابك للغه ولكنهم للاسف يرفضون اعطاء الفيزا ورغم ان وزير الهجره صرح ان اللي بيعمل دكتوراه يقدر يقدم عالبي ار بعد سنه وانت ادري مني ان البي ار مقدمه للجنسيه وسلامتك مع التحيه

كلام سليم
بس انا حبيت الفت نظر الاعضاء لاحد الابواب المفتوحة لكندا
انا كنت باشوف الاعلانات عن الدراسة وماكنتش باهتم
بس لما سالت الناس اللى جايين دراسة
وجدت عندهم خطط لاستغلال الفيزا الدراسية
وسواء قبل او بعد وصولهم لكندا
وفيه منهم اللى جاى عن طريق مكاتب
ومنهم اللى عمل كل حاجة بنفسه

 

 

[elmadysm]

دعوه لموضوعي

CharlesSwide

اقتباس المشاركة الأصلية كتبت بواسطة الموعلم انا زمان فكرت فى الطريقه دى وجهزت اوراقى وجبت موافقه من معهد فى فانكوفر بالايميل ودفعت سيمستر مقدم ورحت عشان اقدم ورقى لمكتب بيخلص الحاجات دى فالسفاره الكنديه بالرياض المكتب قالى هتترفض عشان انت مش سعودى وان السفاره فى السعوديه متبرمجه ع السعوديين بس والباقى كنسل احبطنى خصوصا انه سورى وقالى انه قدم واترفض بس الحق يقال الفتره دى كمان كنت كندا بترخم حتى ع السعوديين وبتطول عليهم المده حتى 6 شهور وبعد كده السفير الكندى عمل اعتذار هنا فى الجرايد عن التاخير ووعد ببروسينج اسرع والله حرام صعب عليه

الف شكر على مرورك

اقتباس المشاركة الأصلية كتبت بواسطة حنان مصطفى هو طبعا انت مشكور انك فتحت التوبيك ده بس ملحوظة صغيرة كل الناس فى مصر خصوصا اتجهت للاتجاه ده - مش بارداتها لكن غصب عنها بسبب تعنت السفارة الكندية وعلى فكرة السفارة كده مع المصريين من زمااااااان - بيقولك توجهات سياسية ما علينا المهم ان كل الناس فى مصر بتفكر تقريبا بنفس الاسلوب - والكل بياخد رفض وانا اولهم - دكتوراه واترفضت وماتقوليش ايه الاسباب؟؟ هى هى نفس التلالكيك حتى الورقة اللى مفروض يكون مكتوب فيها تفاصيل الرفض الموظفة ماتعبتش نفسها وكتب تفاصيل - كتب مرفوض وانت نقى بقى الاسباب براحتك ----- ممكن التوبيك ده يكون له وظيفة مهمة جدا بجانب التوبيك المخصص للدراسات العليا الذى يختص بالتقديم للجاامعات والكليات ومتطلبات الدراسة اما هذه التوبيك اقترح انه يكون حول فيزا الدراسة فقط - كده يبقى اوقع ويكون اضافة لباب كندا بالتوفيق للجميع

الف شكر لحضرتك

 

 

[احب اولادي]

انا احبطت علي الآخرررررررررررررررر.

 

 

[Mafia]

ممكن ارقام محاميين مظبوطين
على الخاص لو سمحت

 

 

[poison]

السلام عليكم ورحمة الله وبركاته
اخي الكريم هل المقصود بالدراسة هو دراسات عليا فقط ، يعني لو حصلت على قبول من معهد لغة انجليزية للدراسة هل من الممكن تطبيق الكلام المذكور في الاعلى ، مع العلم انني درست في كندا سنة 1999 ، درست لمدة ستة اشهر لغة في منتريال ورجعت بعد ما اكملت الدراسة ، هل هذه النقطة تساعدني في الحصول على الفيزا وللعلم انا مقيم في فلسطين - غزة
وشكرا لك