استشاره في عمليات النصب على النت ...استلمت فلوس فعلا

[ننوسه]

الصحف المصرية والعربية

اقتباس المشاركة الأصلية كتبت بواسطة Ehab Salem عشان يبقى زهيري المحلل..... ده حصل معايا قبل كده بس مش على شكل عقد عمل..... كنت عارض حاجه للبيع على الانترنت وواحد بعت لي ايميل وقال لي انه عايش بره كندا حاليا وعايز يشتري الحاجه دي وبالثمن اللي طلبته واللي كان مبالغ فيه مني عشان كنت متوقع الفصال وقالي مراتي في كندا هتاخد منك الحاجه وأنا هابعت لك الثمن بشيك تاني يوم لقيته بيقولي أنا هابعت الشيك بقيمة أكبر من الثمن اللي اتفقنا عليه عشان عايز احول فلوس لمراتي بالمره الفرق كان كبير..... كذا ألف على ما اتذكر.... وقال لي اصرف الشيك وابعت الفرق لمراتي اتصلت بمحاسب الضرايب المصري اللي أعرفه قال لي ده غسيل أموال ومتاخدش منه حاجه وقالي بتحصل مع ناس كتير ده اللي أعرفه ممكن يكون في حالة زهيري شغل فعلا الله اعلم Posted via Mobile Device

طب لوفرضنا ان الموضوع غسيل امال

الوضع القانونى ايه لحامل الشيك ؟

 

 

[Mzohairy]

الحلقه الثانيه
اتصلت بالشركه المصدره للشيك بتورونتو للسؤال على الشيك قبل الذهاب للبنك و بلغوني ان الشيك مزور او مش من عندهم و انهم واخدين الاجراءات القانونيه بالفعل (و ماحبوش يقولولي تفاصيل اكتر)

الى اللقاء في الحلقه الثالثه بعد الذهاب للبنك او بمجرد اتصال احد الاطراف (سواء صاحب الشركه او صاحب الشيك)

ده احنا هنلعب لعب

 

 

[حشيش]

اقتباس المشاركة الأصلية كتبت بواسطة Mzohairy الحلقه الثانيه اتصلت بالشركه المصدره للشيك بتورونتو للسؤال على الشيك قبل الذهاب للبنك و بلغوني ان الشيك مزور او مش من عندهم و انهم واخدين الاجراءات القانونيه بالفعل (و ماحبوش يقولولي تفاصيل اكتر) الى اللقاء في الحلقه الثالثه بعد الذهاب للبنك او بمجرد اتصال احد الاطراف (سواء صاحب الشركه او صاحب الشيك) ده احنا هنلعب لعب

شفت بقى إنها سهلة ومُصدر الشيك سواء كان بنك أو مؤسسة حيجيب لك من الآخر كأول خطوة ينبغى إتخاذها فى مثل هذه الأحوال بدل ما تقعد تضرب أخماس فى أسداس ... يعنى الموضوع طلع نصب وليس غسيل أموال لأن مفيش أموال من أساسه علشان تغسلها

 

 

[جرديز]

يا خــســـــــارة
ده انا قاعد اضحك من ساعتها
أصل شركة في الصين عايزة محاسب مصري عشان يلم فلوسها اللي في كندا !!!!!!!!!!!

 

 

[سامية]

اقتباس المشاركة الأصلية كتبت بواسطة حشيش يعنى الموضوع طلع نصب وليس غسيل أموال لأن مفيش أموال من أساسه علشان تغسلها

بالضبط

غسيل الاموال موضوع ملايين مفيش وقت يغسلوها منديل منديل.
والآن أصبحت تتغسل عينك يا تاجر في الدول التي لا تتعامل بالكروت ولا بحسابات البنوك بل وتفضل الكاش. فيشتروا فيها عقارات وأراض ويستثمروا في صناعات (دبي مثلا أو السودان والذي هو تحت طائلة عقوبات اقتصادية بسببها) والعقار يغسلها زي الفل لأنه ببيعها يكون لها مصدر محترم. وايضا يوفروا عمولة الغسال اللي عادة تكون حوالى 20% من المبلغ وربما يلهطه كله.

 

 

[جرديز]

اقتباس المشاركة الأصلية كتبت بواسطة حشيش لأن مفيش أموال من أساسه علشان تغسلها

وهو الغسيل ايه غير كده !!!
عشان ما تعرفش تجيب أصل الفلوس جه منين .
هو لو انت شفت المبلغ ملايين او مليارات ... يبقى فين الغسيل في الموضوع !!!!!!!!!!!!!!!!!!!!!!!!!!!!!!!!
المبلغ المغسول بيكون كبير لكن انت ما بتشوفوش كبير والا تبقى الحكاية اتفقست خلاص , عملية الغسيل هي بعثرة المال الكبير وتجزئته زي خط الماء الواحد المتدفق في دش الاستحمام ولا مؤاخذة الى خطوط أصغر .
ويرجعوا يجمّعوا الخطوط دي تاني في خط كبير نضيف واكثر بياضا . يخش بقى الخط ده في استثمارات اخرى غالبا هامش الربح فيها تعبان على حساب امتيازات اكبر يحصل عليها الطرف الآخر ( المستثمـَر عنده ) مقابل انه يتجاهل وساوسه في مصدر هذه الاموال ويعمل نفسه مش واخد باله .
اللي بيغسل امواله مش مهتم انه يكسب , هو اساسا حرامي او مرتشي او تاجر مخدرات او سفاح .

 

 

[Ashaa]

اقتباس المشاركة الأصلية كتبت بواسطة جرديز وهو الغسيل ايه غير كده !!! عشان ما تعرفش تجيب أصل الفلوس جه منين . هو لو انت شفت المبلغ ملايين او مليارات ... يبقى فين الغسيل في الموضوع !!!!!!!!!!!!!!!!!!!!!!!!!!!!!!!! المبلغ المغسول بيكون كبير لكن انت ما بتشوفوش كبير والا تبقى الحكاية اتفقست خلاص , عملية الغسيل هي بعثرة المال الكبير وتجزئته زي خط الماء الواحد المتدفق في دش الاستحمام ولا مؤاخذة الى خطوط أصغر . ويرجعوا يجمّعوا الخطوط دي تاني في خط كبير نضيف واكثر بياضا . يخش بقى الخط ده في استثمارات اخرى غالبا هامش الربح فيها تعبان على حساب امتيازات اكبر يحصل عليها الطرف الآخر ( المستثمـَر عنده ) مقابل انه يتجاهل وساوسه في مصدر هذه الاموال ويعمل نفسه مش واخد باله . اللي بيغسل امواله مش مهتم انه يكسب , هو اساسا حرامي او مرتشي او تاجر مخدرات او سفاح .

يعني في الحالة دي النضافة مش من الإيمان

 

 

[Ehab Salem]

اقتباس المشاركة الأصلية كتبت بواسطة حشيش يعنى الموضوع طلع نصب وليس غسيل أموال لأن مفيش أموال من أساسه علشان تغسلها :

غسيل يا شيشو..... غسيل و مكواه كمان..... أو لا مؤاخذة مكواه عشان لو حد هنا عايش في الخليج

وبالمناسبة دي أحب أقول لزوهيري...... مثلما قال الشاعر

إن السماء لا تمطر ذهبا ولا فضة

وكما قال الشاعر الأخر
There is no such thing as free lunch

وقوموا إلى صلاتكم يرحمكم الله
Posted via Mobile Device

 

 

[Mzohairy]

غسيل إيه يا إيهاب اذا كانت الشركه بيقولوا الشيك مزور و وراه مشكله قضائية ؟
يبقى الطبيعي الشيك مش هيكون فيه رصيد
يبقى غسيل ازاي بس ؟؟؟؟؟

 

 

[حسام]

ده رد السماء على آخرة اشتغالاتك ليه يا دو زوهيري