تحياتي من مسيساجا

[3omda To]

الصحف المصرية والعربية

اقتباس المشاركة الأصلية كتبت بواسطة somayasaleh اخبار عطيات ايه يا أبو عطيات

الله يسلمك يا باشمهندسه
اليوم عملتلها الباسبور المصري
فاضل اعملها الباسبور الكندي وبكده اكون اديت مهمتي في الحياه

االلي فهمته هو ان حضرتك عايزه تحددي موقف من الناس اللي رايحه تاخد باسبور وكم قرض وتخلع
وهل دووووووووول يصلحوا يكونوا ضمن نتوورك مصري ولا لا?

ولو عايزة اجابتي ما يصلحوش لانهم مجرد زوار وماشيين
وهذا هو رأيي في القضية
بس خلاص

 

 

[somayasaleh]

اقتباس المشاركة الأصلية كتبت بواسطة 3omda To الله يسلمك يا باشمهندسه اليوم عملتلها الباسبور المصري فاضل اعملها الباسبور الكندي وبكده اكون اديت مهمتي في الحياه االلي فهمته هو ان حضرتك عايزه تحددي موقف من الناس اللي رايحه تاخد باسبور وكم قرض وتخلع وهل دووووووووول يصلحوا يكونوا ضمن نتوورك مصري ولا لا? ولو عايزة اجابتي ما يصلحوش لانهم مجرد زوار وماشيين وهذا هو رأيي في القضية بس خلاص

الله ينور عليك يا عمدة باشا

هم دووووووووووول اللي احنا مش عايزين نعرفهم اصلا.....ولا يدخلوا معنا في النتورك

مبرووووووووووووك للصغيرة علي البسبور المصري....وعقبال الكندي قريبا جدا ان شاء الله

تحياتي لحضرتك

 

 

[coming soon]

للاسف امثال الناس دووووووووووووول تحكمهم ثقافة معينة يصعب علينا تغييرها بالنصيحة، مع العلم انها واجبة علينا و لكن المؤكد انهم لن يستجيبوا جميعا للنصائح و كل قاعدة و لها استثناء.

لكن من وجهة نظري إن أمثال هؤلاء (الناس دوووووول) من اصحاب المصالح الضيقة يخسرون معنى المواطنة والمشاركة والجماعة و دفئ العلاقات الانسانية المشتركة سواء بينهم وبين الدولة او بينهم و بين الافراد و هي مشاعر فطر الانسان عليها و لقد ارتضوا ان يعيشوا غرباء طوال العمر ،يصعب عليهم مساعدة الاخرين لانهم دائما ينتظرون بماذا سينتفعون من الاخريين و عليه سأنصحهم لان النصيحة واجب على كل مسلم ولكن لن اضيع و قتي معهم ولن أصر على وجودهم في النتوورك او بمعنى أخر في دائرة معارفي ،بل بالعكس سيصبحوا من المنبوذين ويكون التركيز على توعية الاخريين بمثل هذه الافعال الغير لائقة .

تحياتي و أسفة على الاطالة

تحياتي

 

 

[ehabtaher]

اقتباس المشاركة الأصلية كتبت بواسطة Moe @بالنسبة للاوسابـ والناس الي مش عايزاه ترجعه ...أنت ليك ليميت 6 سنوات..لو ماابتدش تدفع أو علي الاقل ترسلهم ..حيودك ال Court ..و مش حتفرق أنت في كندا أو زنجبار ..يوم ماحتحط رجلك في المطار حتلاقيهم حجزوك ..لو رجعت البلد بعد سنة اتنين ولا عشرين ..دي في السيستم للابد..مهندس سوداني اعرفه حصله كده بالظبط لما اطر يرجع كندا تاني بعد ماسابها للابد @الصاق التهمة بالعرب بس انهم الوحيدين الي Abuse the system غير صحيح تماما..بنوا الابيض فيهم ناس اخطر من الخطر وبيعرفوا يستغلو السيستم صح ..بس احنا المبهورين ..محتاج تقعد فترة وتحتك مثلا انتم عارفين أن كل عربية هنا ليها تأمين..يعني لو حصلها حادثة شركة التأمين بتدفعلك تمن عربية جديدة أو تصلح علي حسبها ال Damage ...بشرط طبعا أنك ماتكونش غلطان زي حد خبط العربية من الخلف..في ناس تخصص تشوف الناس زي New immigrants ألي لسة confused في السواقه وحتلايه هده وحيخليك تخبطه من الخلف ..هو يستفيد و انت تغرم أكيد ..شفتها في البرتا...وحاجات كتير ..مش العرب بس @أسوء شيء في البلد دي أنك تكون Red Flagged..يعني اسمك يدخل في ال legal system .. حتيجي يوم Croess the border لامريكا ولا رايح المكسيك ولا اي شيء حتتعب..طبعا لو حد اتحط في Police computer for any reason ..مشكلة..أحسن لك تسيب البلد ...حتتعب في كل خطوة هنا سهل ال Fraud هنا ..بس عواقبه مش لذيذة خالص علي المستو البعيد

شفت بقى يا باشمهندس ايهاب

هى صحيح عمار يا كندا والناس هناك حلويين ومصدقين انك كويس ومش حرامى وكل حاجه
وممكن كمان يسيبوك ( مش انت يعنى انا باتكلم بصيغه المخاطب بس للمجهول) تعمل اللى انت عايزه مره بس هى المره.... حاتتحط فى الكمبيوتر .. مصيرك تحتاج لهم تانى بعد كده وساعتها حيطلعو عليك القديم والجديد

اما اللى فاكر نفسه حا ينفد بالقرشين اللى خبطهم ويستفيد ... يوم ما يفكر يستعمل الشهاده الكنديه واحتاج يروح كندا تانى .. مش حا تنفعه الشهاده اللى اخدها لانه ساعتها ... مش حا يعرف يستعملها فى السجن

انت ابو الكمبيوتر وعارف ال بى ار فى الكمبيوتر واللى انت قلته فى المطار مكتوب واللسته اللى عايز تدخلها فى البلد مكتوبه و التامين الصحى وزياراته متسجله والرخصه وتامينها متسجل و كله كله واصل على نفس الرقم القومى ... فى النهايه قفا الشخص الحرامى غير بعيد عن يد الحكومه ...
علشان
كده
بقول
لك اطمأن
ادفع الضرائب وانت حاطط فى بطنك بطيخه صيفى
وراك رجاله
حيحطوها فى المكان الصح

بس المهم كندا ماتساعدش امريكا فى سيطرتها على العالم بالضرائب بتاعتك

 

 

[ehabtaher]

اقتباس المشاركة الأصلية كتبت بواسطة هنداوي الموضوع ده بقى مشكلة اساسا بنتكلم فيها دلوقتي عشان مفيش حد بيفكر يبلغ بعض الناس بتفهم البلاغ على انه انا حفاجىء الراجل ده وهو نايم بالليل بالشرطة جاية تاخده من قفاه مثلا !!! وانا اضحك بتشفي زي توفيق الدقن طبعا لا انت بتبدأ بنصيحته ....... آدي قول 20 اتكسفوا ورجعوا عن السلوك ده بعد كده بتخش على التخويف والتهديد بس بأسلوب حضاري يعني تقوله للأسف انا مش حقدر اسكت على الوضع ده , ارجوك ما تضطرنيش ابلغ ......... آدي 70 في المية كمان رجعوا مش حيفضل غير 10 في المية بالكتير ...... دول مجرمين مع الاصرار والترصد كل ده واحنا بنتكلم في حالة انت متأكد من انه هايص فعلا في دولة تانية فاللي خلا حاجة زي دي تبقى موجودة هو سكوت الناس اصلا وبعدين القانون مش ساكت عنهم مجدعة يعني , دي بتبقى ثغرات في القانون وانا في اعدادي كنت في مدرسة كويسة قوي وكان عندنا في الفصل مدرس محترم ما يقبلش الغش لكن كانت بتفوت عليه حركات العيال محترفي الغش وانا كنت متربي على ان الغش ده شيء حقير جدا ومكنتش احبه ولا احب اللي بيعمله واشوف انه بيضيع حقوق الناس ويكرهم في الاجتهاد ويعوّد التنابلة على التنبلة ومكنتش اسكت عليه ابدا وجه يوم كان عندنا امتحان تيرم وببص لقيت اتنين بيبدلوا الكراسات في لمح البصر طبعا فيه زمايلي كتير محترمين ومتفوقين امتعضوا لكن كملوا حل عادي جدا طبعا انا .............................. بلغت المدرس فورا وطبعا كنت عيل بقى ومش فاهم قوي فبلغت على الطريقة الفضائحية الحق يا سعادة الباشا .......... بيغشوا وجه المدرس سحب الورقتين طبعا بعد الامتحان انطحنت ضرب ... بس قاومت برده بشرف بعدها ولمدة 3 سنين بتوع المرحلة الاعدادية (نفس الفصل طبعا) مكانش فيه حد يجرؤ يغش كانوا عارفين ان المحصلة الاكيدة هي اني حبلغ بعديها بقى فهمت ان طالب واحد ممكن يمنع 35 من الغش

أما انت طلعت حته فتان.. هو انت ... طيب استنى عليا فى كندا

قلتلى بقى اسمك ايه

وانا اقول فى اعدادى مين الواد اللى كان مطلع روحنا وعامل حضره الناظر علينا

هو طلعت انت

 

 

[3omda To]

احنا ما صدقنا خلصنا من الحمبوزلي اللي فتن على التشكيل العصابي بتاع الابلكيشنز
يطلعلنا ناس بتفتن من الابتدائي
انا هاخد العصابة واشتغل في حته تانية
ورايا يارداله

 

 

[somayasaleh]

اقتباس المشاركة الأصلية كتبت بواسطة 3omda To احنا ما صدقنا خلصنا من الحمبوزلي اللي فتن على التشكيل العصابي بتاع الابلكيشنز يطلعلنا ناس بتفتن من الابتدائي انا هاخد العصابة واشتغل في حته تانية ورايا يارداله

معاك ياريس

 

 

[الحو استراليا]

[QUOTE
يعني ممكن جدا الموظف اللي بيدي الناس القرض يبقى عارف ان الناس دي في نيتها ما ترجعش القرض لكن هناك مافيش حاجة بالنية كل حاجة بالقوانين وطالما مافيش حاجة ضدي تمنع اني اخد حقي يبقى لازم اخده
مثال بسيط واحنا بنستخرج فيزا من البنك الموظفه اللي اديتنا الميعاد والموظف اللي عملنا الحساب كانوا عارفين مننا ان احنا جايين شهر ومسافرين تاني ومع ذلك طلعولنا فيزا رغم اني ممكن اخدها واشتري كل اللي نفسي فيه واهرب لكن حقي اني احصل على الفيزايبقى لازم اخده وفعلا طلعولنا فيزا
زي ما قال الاساتذة الافاضل انت صادق حتى يثبت عكس ذلك ولو ثبت بقى يبقى ما تلومش الا نفسك
هي بس في نقطة بتضايقني اني في دايما ناس فاكرة نفسها شاطرة وذكية بالحيل اللي ممكن تستخدمها لمصلحتها ولو كانت غلط
المشكلة ان الناس دي بتتسبب بعد كده في منع مزايا كان ممكن ناس تانيةكتير كويسة تستفيد بيها زي موضوع البنك اللي حكى عليه استاذ هيما
ربنا يرحمنا من الناس دي [/QUOTE]
تحياتى يا فندم لحضرتك والعائلة الموضوع غاية فى البساطة الموظفة اعطت لحضرتك فيزا كارد بالرغم من انك عارفتيها انك مسافرة بعد شهر لعدة اسباب اول البنك لما بيسمح لاى فرد بكردت كارد الكارد نفسة بيكون علية تامين يعنى فى حالة عدم الدفع البنك بياخذ فلوسة من شركة التامين فنتفق ان البنك حيحصل فلوسة ثانيا مش متخيل ان الفرد الا هو اصبح pr يضحى بكل حاجة عشان مجرد باسبور يشتغل بة فى مكان تانى ففى المكان الاخر هم هم نفس الناس ونفس المعاملة الموضوع مادى لا اكثر ولا اقل صدقينى فى المستقبل القريب الا كندا بالنسبة لة باسبور فى الغالب معادلة خاسرة لعدة اسباب ماذا بعد الباسبور زيادة مادية فى مكان ما لا يربط بة الا المادة فقط حتى لو فكرت بعد فترة من الزمن ارجع اعيش فى كند حيبقى فى منتهى الصعوبة حتكون تقدم بيك العمر صعب التاقلم لك بعد مستوى مادى معين الاولاد حيكون كبرو صعب تاقلمهم فى مجتمع مختلف نهائيا عما هم موجودين بة لغة وعادات وطباع ونظام مختلف عما هو موجود فى الخليج على سبيل المثال ممكن حتقول انا معايا فلوس كفاية عملتها ممكن اعيش فى كندا واتمتع بالمعاملة الانسانية والجو وحقوقى وما الى ذالك معدلة خاسرة ايضا لان الفوس سرعان ما تخلص وبالذات فى فى البلد دى من غير دخل الحياة حتكون صعب جدا فى النهاية كل انسان مسول عن قرارة ولكن فى اخر الحديث انا تعبت عشان اخذ اقامة فى كندا وفية ناس بتنتظر سنين عشان تحصل على الفيزا معتقدش بعد التعب والمصاريف والارهاق الفكرى والنفسى ان الموضوع مجرد باسبور تحياتى واسف على الاطالة

 

 

[Kingstone]

اقتباس المشاركة الأصلية كتبت بواسطة ahmedali أنا كنت بعت السؤال ده من 5 أيام في توبيك تاني و محدش رد عليا لغاية ما ولاد الحلال ( عمدة ) دلوني و نصحوني إني أسأل هنا: لو واحد خلص كل حاجه و أخد التأشيرة علي الجوازات .. بس هو هيسبق زوجته و الأولاد .. في الحالة دي هياخد ال CSQ بتاعته هو بس و الا هياخد بتوع العيلة كلها علشان اللاندنج.. و هيقدم علي ال PR لنفسه فقط و الا برضه للأسرة مع العلم انهم هيحصلوه بعد شهر. و شكرا مقدما

الـــــ CSQ شخصى ولصاحبه فقط ولا يلزمك أن تاخده شهادات باقى الأسرة معاك ولكن ممكن تاخد معاك صورها عادى ولو انك مش هاتحتاجها. همة لما يحصلوك بعد شهر هاتجرى معاهم نفس الحوارات اللى هاتتم معاك فى المطار ببساطة انت مقيم دائم وهمة كمان مقيمين دايمين وتوجد استقلالية فى كل الاجراءات سواء ما يتطلب منها الــ CSQ أو التقديم على ال PR انت س ابقى فهمهم الوضع هايبقى ازاى فى المطار من واقع تجربتك بحكم انك هاتسبقهم بشهر
خالص تحياتى وتمنياتى لك بالتوفيق واحب انبهك لضرورة سفرك الى مطار مونتريال مش اى مطار تانى حتى تستطيع الاستفادة بفائدتين هامتين
1- تفعيل الــ CSQ
2-تثبيت لاندنج كيبيك

 

 

[الرحالة باشا]

اقتباس المشاركة الأصلية كتبت بواسطة Kingstone واحب انبهك لضرورة سفرك الى مطار مونتريال مش اى مطار تانى حتى تستطيع الاستفادة بفائدتين هامتين 1- تفعيل الــ CSQ 2-تثبيت لاندنج كيبيك

لو سمحت ممكن حضرتك توضح حتة مطار تاني ( تقصد بيها برة كيبك كلها ولا مونتريال بلأخص)
ولو ممكن حضرتك تشرح النقطتين لأني مش فاهم بصراحة يعني إيه تفعيل السي أس كيو وتثبيت لاندينج(قصدك أثبات لاندينج ؟)
شكراً جزيلاً مقدماً