الاستثمار الزراعي للشباب

[اسكندراني]

السلام عليكم . . .


يمكن ده اول موضوع اعمله خارج خط نقاشي من اول ما جيت المنتدي . . . لكن اظن ان الأن الأمر مناسب لنتناقش في اشياء اخري


زي محضرتكم قريتوا انا طالب كليه تجاره العام الأخير
من زمان ولأسباب خاصه بدخل في اشياء تجاريه صغيره . . . .

لكن جاء الوقت الأن لأبحث الدخول في اول مجال وضعته في اهدافي في حياتي ان شاء الله

وهي الزراعه والاستصلاح . . وانشاء وحده بحوث زراعيه خاصه تقطع ارجل رعاع امريكا واسرائيل من السيطره علي تجاره البذور والزراعه في مصر عموما




المهم ان الأن انا ببحث علي ارض ومكلم ناس كتير ان شاء الله هتوكل بعد العيد

نرجوا من الي عنده تجربه . . . وانا من الي فهمته حتي الان والمعلومات نثري الموضوع

وان شاء الله كل شئ يحصل هكتبه في المنتدي ليكون مرجع الكل يرجع اليه للفائده العام وربنا يجازيني ويجازيكم خير

 

[Raouf]

انا مش عارف اذا كان غريبة انى اول واحد يرد على موضوعك
لكن الى اغلب الناس متعرفوش انى طبيب بيطرى و مشتغلتهاش غير شهور قليلة
لكن فى الحقيقة انا مهتم بالانتاج الحيوانى الضعيف جدا فى مصر و هو جزء من الانتاج الزراعى
و ليا اصحاب كتير ليهم محاولات فى المجال ده و ليهم اراضى و مزارع
لكن مشكلة الانتاج الحيوانى فى مصر سببها الاول هو ضعف الانتاج الزراعى و الاعلاف فى مصر و ده واحد من الاسباب الى هما كتير
وكل ده ادى لازمات اللحوم و الامراض المعدية الى بقت متوطنة فى مصر
لكن التصليح مش سهل زى مانت فاكر لاننا لما حاولنا اصطدمنا بناس و عوائق
و بعدين عرفنا ان كل ده لصالح المستوردين الى يهمهم ضعف الانتاج الداخلى و بيحقق ارباح فوق الخيالية و بيدلهم قوة التحكم فى الاقتصاد و السلع
لو عندك طريقة معاك

 

 

[اسكندراني]

شكرا لمشركتك يا رؤف

هو عموما حال مصر الزراعي والحيواني . . . يوضح حال مصر الضايع

ده رابط مثلا يوضح حجم المساحه المزروعه في كثير من الدول العالم فيما بينهم مصر

https://data.albankaldawli.org/indicator/AG.LND.AGRI.ZS


طبعا انا من انصار مقارنه مصر دائما وابدا بلدول العظمي حتي نكون مثلها ونتفوق عليها

لكن . . . . فقط قارن حال مصر الزراعي والاراضي المزروعه

يتفوق علينا في الشرق الاوسط

اسرائيل
السعوديه
ايران
الامارات
تركيا

وبفاااااااااااااااااااااااارق شاسع . . .


لاحظ ان اغلب الدول ديه اراضيها الصحراويه اكثر منا ومشاكل التربه اكثر

الامارات مثلا بدأت في زرع غابه ضخمه لانتاج الخشب باحجام اقتصاديه مهوله لصناعه الاثاث
السعوديه في التسعينات كانت بتصدر قمح واحنا اكبر مستورد للقمح - ايران تصدر القمح وتعطيه معونات لدول كثيره وتستخدمه مثل الغرب كا سلاح غذائي
اسرائيل محتكره تصدير البذور وتكنولجيا الزراعه لافريقيا ومصر خصوصا عن طريق واجهات اوربيه اهمها هولندا

اسرائيل بتصدر فواكه ومحاصيل للاردن بكميات كبيره ولمصر . . لكني صراحه لم اجد دليل علي استيراد مصر لمحاصيل نهائيه من اسرائيل لكن يكفي ان اسرائيل وامريكا تسيطر علي اهم شئ وهي تجاره البذور في مصر


والوضع للثروه الحيوانيه ابشع من الوضع الزراعي . . .

-----------------------


هذا لنقف علي ارض الواقع والحال . . . ويكفي تصريحات وزير الزراعه السابق الليثي وقال بلنص - ان عندما قال ان مصر تسعي للاكتفاء الذاتي من القمح تم طرده من الوزاره وامريكا اعترضت وقالت لمصر ان هذا سيسبب غضب مزارعين امريكا ولا يجب لمصر ان تغضب مزارعين امريكا - وطبعا الراجل اطرد و القمح فضل بين 40% الي 50%


-----------------------------------

نرجع . . .

اقتباس [SIZE=×4] لكن التصليح مش سهل زى مانت فاكر لاننا لما حاولنا اصطدمنا بناس و عوائق [/SIZE]

طبعا مش سهل ابدا ابدا - لكن فرض علينا ان نحاول ونحاول حتي ننجح وهناك امثله كثيره رئيتها بنفسي دخلت هذا المجال ونجحت من ولا شئ . . . ولكن كان هذا بلتعب وجهد كبير


-------------

هو عموما انا هكتب بدايه الي عرفته وتأكدت منه حتي الأن


البدايه انا ما امتلكه مبلغ صغير مش كبير 30 الف او اذيد شويه

اسعار الاراضي غاليه . . . ورخيصه في مناطق اخري

المضحك انها ارخص في المناطق الافضل !!

مثلا منخفض القطاره والواحات البحريه والوادي الجديد مناطق تستطيع ان ترجع مصر سله العالم للحبوب لكن . . . مشاكل كثيره اهمها ايقاف تمليك الاراضي خصوصا للشباب .!! كذلك هذه المنطقه فوق بحيره من المياه الجوفيه الحكومه ال ترغب في استخدمها !! مع ان ليبيا واريتريا والسودان يستخدمون نفس الحوض ويسحبون الماء من الحوض ويزرعون مساحات شاسعه

كذلك ضعف الامكانيات والدعم و و و و


المهم انا لقيت اماكن سعرها جيد وتربتها جيده جدا

مدينه الحمام قرب اسكندريه علي ترعه الشيخ زايد الله يرحمه

طبعا اهم المميزات الارض رائعه ومجربه والكل بيشكل فيها والميه متوفره سواء ابار ارتوازي او من الترعه لو انت قريب من الترعه او توصيل الميه من الترعه . . . .

مستقبلها واعد جدا جدا للاسباب ديه بلاضافه لقربها من المدن خصوصا الاسكندريه ومناطق التصدير لاوربا


سعر الاراضي من 5 الاف للفدان وطالع لحد 30 الف للفدان

المفروض بعد العيد ان شاء الله هنزل بنفسي الف اتفرج واشوف وربنا يسهل لو لقيت شئ مناسب

-------

لو في سؤال في هذه الجزئيه في حدود الي عرفته ما في مشكله


العائد من الزراعه جيد جدا جدا بشرط الاداره السليمه بدايه من اختيار الارض حتي جني المحصول


وفي دراسات من ناس بتزرع الان عرفتها بلتكلفه والارباح المقدره


-------------------------

التربيه الحيوانيه والله هو هدف ليا بس الفلوس مش هتكفي بلتأكيد في الاول وخصوصا ان الوالد متحداني اني انجح وانا هذود شويه من معايا علي المبلغ المذكور

لكن سئلت واستفسرت لكن معرفتش اجمع معلومات ممكن انت تفيدنا يا رؤف

لكن كان في بالي تربيه النعام ؟ ايه رئيك

كذلك الكلام الي انت بتقوله صح جدا كل الي دخلوا في تربيه المواشي صغار المستثمرين خسروا بسبب انهم لا يمتلكوا مراعي او علف خاص

وللنجاح بارباح كبيره . . يجب الاول امتلاك ارض زراعيه تزرعها برسيم وتكفي اكل المواشي من نفسك ومتشتريش حاجه من بره


ده علي قد فهمي والله اعلم