Arabic Discussion Forum with a Special Interest in Travel and Immigration

abysaleh · 10th November 2010, 03:58 PM

كل واحد فينا عايز يهاجر بيكون ف الأول ملخبط ومش عارف يعمل ايه ويبدأ ازاي
والمعلومات اللي بتجيله بتلخبطه زيادة وبيكون مش فاهم

عايز تهاجر

عايزة تهاجري

انتم جيتوا المكان الصحيح

هنا(المطاريد) ان شاء الله نساعدكو على بدء مشوار الهجرة وأي سؤال باذن الله ح نلاقي الكثير من الأعضاء الأفاضل يردو عليه

المهم قبل اي سؤال ارجوكم تقروا التوبيك دا الأول وبعدين لو لسة فيه استفسار تقدرو تحطوه في التوبيك الخاص به علشان تلاقو اللي يقدر يساعدكم بسهوله

باسم الله نبدأ
.
.
.

abysaleh · 10th November 2010, 04:18 PM

قبل ما نبدأ عايزة اقول حاجة

أهم حاجة ف الهجرة تكون عارف كويس أوي

انت عايز تهاجر ليه ؟؟؟؟

لو عايز تعمل قرشين الهجرة مش طريقك

لو عايز حياة آدمية
تعليم افضل لابناءك
الحصول على شهادات معترف بها عالميا
حياة بدون عنصرية ظاهرة وصريحة
حقوق تعليمية وصحية لك ولافراد اسرتك

يبقا انت اخترت صح

احسبها صح تعيشها صح

مش حاقول عيوب ولا مميزات بس لازم كل واحد يكون متأكد من موضوع الهجرة علشان ما يرجعش يندم

طيب احنا هنا ح نساعدك اكيد
بس مش ح نعمل لك كل حاجة
يعني ايه؟؟؟؟

يعني اللي عايز حاجة لازم يتعب فيها ويدور ويترجم ويبدأ ولما يجي عند نقطة مش واضحة بالنسبة له ح يلاقي اللي يوضحهاله باذن الله

ومع ذلك برضه احنا معاك خطوة خطوة

الهجرة انواع كثيرة....اهم نوع(وماتدورش كتير وتتعب نفسك) اللي بنقدم عليه كلنا هو هجرة العمالة الماهرة (سكيلد ووركر)

أهم حاجة دلوقتي انك تعرف هل انت مؤهل للهجرة واللا لأ؟

يعني هل وظيفتك مطلوبة في قائمة الوظائف المطلوبة للهجرة او لأ

موجودة....خير وبركة

طب لو مش موجودة؟؟؟

ما تزعلش
لسه فيه فرصة في كيبيك
بس لازم يكون عندك استعداد تدرس فرنساوي كويس
وما تخافش الموضوع سهل

فيه زملاء لنا هنا حولو من هجرة الفيدرال( القسم الانجليزي) الى هجرة كيبيك (القسم الفرنسي)
وبيقولو انه اسهل

حاجيب لكو دلوقتي الرابط بتاع الوظايف
انتظرونا

drelwan · 1st April 2012, 06:10 PM

انا صيدلي عاوز اعرف كل المعلومات عن السفر لكندا وخصوصا البرتا

amsr · 5th April 2012, 03:03 PM

أنا بس عايز أسأل سؤال، هي فين المشكله بقي في الهجره، يعني ايه اللي عادة بيعمل مشكله، أصل غالبا معظم الناس اللي بيبعتوا بيكون النقط بتاعتهم معديه 67 نقطه فاشمعني في واحد بيهاجر والتاني مابيهاجرش؟؟؟؟ وبعدين ده مصر مثلا لواحدها بيتقدم منها مئات الآلاف مابالكوا بالعالم كله بيتقدم منه قد إيه!!!!!!
I hope to get a reply :)

ragabforever · 14th November 2012, 11:57 AM

السلام عليكم و رحمه الله

رجاء الأفاده بعد اذن حضراتكم
انا عاوز اهاجر فى اسرع وقت ممكن , حياتى هنا متوقفه تماما , بفضل الله ثم بفضل مشاركات حضراتكم استطعت ان اجمع معلومات كتير عن الهجره لكندا بس فى سؤال جوهرى جدا ارجو الافاده فيه

لو انا سافرت كندا دراسه و قدمت الفايل من هناك يبقى الحسن , و اخد الهجره فى قد ايه لو عملت كده ؟ علما بأن نقاطلى تمكننى للهجره من مصر بس الوقت معايا موضوع هام للغايه , و شكرا

ragabforever · 26th November 2012, 02:01 PM

اقتباس

المشاركة الأصلية كتبت بواسطة ragabforever


	السلام عليكم و رحمه الله رجاء الأفاده بعد اذن حضراتكم انا عاوز اهاجر فى اسرع وقت ممكن , حياتى هنا متوقفه تماما , بفضل الله ثم بفضل مشاركات حضراتكم استطعت ان اجمع معلومات كتير عن الهجره لكندا بس فى سؤال جوهرى جدا ارجو الافاده فيه لو انا سافرت كندا دراسه و قدمت الفايل من هناك يبقى الحسن , و اخد الهجره فى قد ايه لو عملت كده ؟ علما بأن نقاطلى تمكننى للهجره من مصر بس الوقت معايا موضوع هام للغايه , و شكرا

بعد اذنكم او حد عنده اجابه ياريت يشاركنى بيها لأنى متبهدل فى الموضوع دا , و جزاكم الله خيرا

KaledAbdelkarem · 10th November 2015, 07:25 PM

اعتقد ان القراءة الجيدة تفيد

alex love · 10th November 2010, 04:19 PM

موضوع مهم جداً جداً
الواحد تعب من البحث والتدوير والساعات قدام الكومبيوتر
متابعين وباذن الله يبقى لينا مشاركات تفيد الناس
وربنا يكتبلنا كلنا الخير

abysaleh · 10th November 2010, 04:40 PM

دا رابط الموقع الرسمي للهجرة ومافيش غيره

واي موقع تاني غالبا بيكون نصب او محامين هجرة وبرضه بيبقى مكتوب فوق cic
فخلو بالكو

https://www.cic.gc.ca/english/index.asp

طبعا قوانين الهجرة بتتغير كل شوية والوظايف برضه فيه اللي بيتشال واللي بيتحط غيره

دي ليستة الوظايف المطلوبة السنة دي من بعد 26 يوليو بالنسبة للقسم الانجليزي (الفيدرال)

https://www.cic.gc.ca/english/immigra...structions.asp

الوظايف في كندا مترقمة كل وظيفة لها رقم بيسموه نوك NOC

كل وظيفة لها مهام وظيفية محددة على اساسها بتقدم ع الوظيفة

يعني ايه الكلام دا؟؟؟؟

يعني ممكن أوي يكون مسمى وظيفتك مش موجود لكن حضرتك بتقوم بمهام وظيفية من وظيفة في الليستة لكن اسم الوظيفة عندهم مختلف

طيب نعرف ازاي باه الموضوع دا؟؟؟

دا موقع النوك فيه كل الوظايف والمهام الوظيفية لكل واحدة على حدة مرتبة ومصنفة

https://www5.hrsdc.gc.ca/NOC/English/...tionIndex.aspx

https://www5.hrsdc.gc.ca/NOC/English/NOC/2006/Concordance.aspx

طيب برضه ماتوفقتش انك تلاقي وظيفتك ولا المهام الوظيفية بتاعتك؟؟؟؟

يبقى مافيش ادامك غيركيبيك وتوكل على الله

https://www.cic.gc.ca/english/immigrate/quebec/index.asp

https://www.immigration-quebec.gouv.qc.ca/en/index.html

للأسف انا ماعنديش معلومات كتير بالنسبة لهجرة كيبيك لكن المعلومة الأكيدة عندي ان كل الوظايف ممكن تروح كيبيك ووظائف معينة فقط بتاخد درجات زيادة

وعلى حسب درجاتك يتحدد اذا ينفع تهاجر او لا

لمتابعة الموضوع بصورة أشمل ولتجد من يجيب عليك باستفاضة ان شاء الله ممكن تدخلو المغارة دي

https://www.almatareed.org/vb/showthread.php?t=7633
ودي
https://www.almatareed.org/vb/showthread.php?t=1274

وكمان لقيت لكم مغارة حلوة أوي فيها طريقة ملء لأبليكيشن كيبيك بالصور
https://www.almatareed.org/vb/showthread.php?t=34075

kkadry · 31st March 2012, 04:09 AM

معلومات أكتر من مفيدة بس لو ممكن أضيف معلومة صغيرة ان لو الوظيفة مش من ضمن الوظائف المطلوبة فبالاضافة الى كيبك من الممكن التفكير فى تأشيرة المزارع و تفاصيلها موجودة أيضا على نفس لينك موقع الهجرة الحكومى

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
التحليل النفسي لمرشحي الرئاسة (هام جدا)	توعية جماهيرية	AlexG	1	1779	10th April 2012 05:47 AM
انت مش لوحدك :) مع د منال عمر	توعية جماهيرية	abysaleh	3	2112	13th March 2012 07:58 PM
الطب النفسي وصناعة مستقبل الوطن	الأسرة والطفل	حسام	14	2349	5th January 2012 09:11 AM
مهم جدا...إحمي نفسك من الكرب العظيم	توعية جماهيرية	Farida	13	2830	3rd January 2012 10:50 AM
اقتراحاتكم يا كيبيكواه :)	الهجرة إلى كندا	star of montreal	28	4384	6th December 2011 08:52 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أهاجر ولا لا ؟!!!	bazzoka	الهجرة إلى كندا	33	26th February 2018 10:18 AM
هموم مهاجر	عبدوس الوزير	مناقشات وحوارات جادة	37	19th August 2014 08:26 AM
عايز بانجو عايز حشيش قرب قرب ؟؟؟؟؟؟؟	kokomen	مناقشات وحوارات جادة	6	6th April 2012 07:53 AM
عايز الثوره تنجح ولكن مش عايز مظاهرات؟	Agaza	ثورة مصر ... 25 يناير 2011	0	25th February 2011 02:23 PM
أهاجر وأسيبك لمين ..!	نانا	موسيقى وأغانى	6	25th December 2010 02:20 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

دليلك إلى الهجرة لكندا

عايز/ة أهاجر......أبدأ منين؟؟؟؟؟