عايز/ة أهاجر......أبدأ منين؟؟؟؟؟

[abysaleh]

الصحف المصرية والعربية

اقتباس المشاركة الأصلية كتبت بواسطة sawsano [SIZE=×4] والله العظيم أنا لازلت محتارة أتبع أي طريق أنا لما أشوف وضيفة زوجي مطلوبة0631 Restaurant and Food Service Managers أقول لازم أبعث فدرال ولما أقرأ أتلخبط لا أفهم شيء أقول أحسن كيبك بس أنا مشكلتي أولا لازم أحسب النقاط هل أنا وزوجي مؤهلين أو لا فإدا تحسبو لنا عدد النقاط مع أنا المتقدم الرئيسي زوجي

اقتباس المشاركة الأصلية كتبت بواسطة sawsano

ليه الحيرة بس؟؟؟

ان شاء الله الحيرة تزول بعد ان تتمعني في القراءة جيدا

استاذنك تشوفي المداخلة رقم 5 في نفس الموضوع دا
ح تلاقي الرابط اللي تدخلي عليه تحسبي نقاطك بنفسك

بالنسبة لوضعك من رأيي طالما وظيفة زوجك موجودة وخبرته فيها اربع سنوات ولغته جيد جدا يبقى ان شاء الله تقدمي باسم الزوج
وبالتوفيق ان شاء الله

اقتباس المشاركة الأصلية كتبت بواسطة TOOOTA كنت عاوزه اسال كام سؤال محيرنيى

اقتباس المشاركة الأصلية كتبت بواسطة TOOOTA 1-هل ينفع ان حد من اقاربى يحط 100 الف باسمنا فى البنك لحد ما نطلع شهاده وبعدين نرجعهم ولا لازم المبلغ يكون فى حسابنا من فتره طويله 2-مش فاهمه انا هكتب على الظرف اللى فيه الابليكيشن والورق اى عنوان؟ لندن مثلا ولا هروح اسلم الظرف للسفاره الكنديه بنفسى اصل انا مش فاهمه يعنى ايه مطتب لندن ومكتب القاهره ياريت حد يدلنى

بالنسبة للسؤال الأول :ينفع ان شاء الله

والتاني: حضرتك بتكتبي العنوان الي موجود في الدليل بتاع نوفا سكوتشيا بكندا

(قريتي الدليل؟؟؟)

موضوع السفارة دا بعدين لما بيجيلك ريفرنس نمبر من مكتب الهجرة بكندا بتبعتي الأوراق اللي ح يطلبها منك مكتب الهجرة في نفس الايميل اللي ح يبعتولك فيه الريفرنس نمبر ان شاء الله

اللي عنده اي سؤال يا جماعة ممكن يحطه في توبيك الاسئلة أو توبيك المستشار المجاني كما أشرت في مداخلة سابقة ...علشان تضمنو الرد يجي لكم بسرعة

تمنياتي بالتوفيق للجميع

 

 

[abysaleh]

إحنا كدا وصلنا لغاية فيييين؟؟؟

لغاية ان حضرتك منتظر يجيلك الايميل اللي فيه الريفرنس نمبر من مكتب الهجرة بكندا(CIO)

طيب الايميل وصل الحمد لله
والفرحة مش سايعاك


ايه الخطوة اللي جاية باه؟؟؟

بتقرا الايميل اللي جالك فيه الريفرنس نمبر كويس جدا
وبتشوف ايه الأوراق اللي عايزينها منك تاني

وهنا بيجي دور النسخة التانية بتاعت الابليكيشن اللي حضرتك عملتها قبل ما تبعت اول مرة لكندا

هما بيطلبو نسخة من الورق دا علشان لو فيه اي تعديل في بياناتك او بيانات اسرتك

زي مثلا....

مولود جديد
تغيير عنوان السكن
تغيير عنوان المراسلة او التليفون
......الخ

وكمان بيطلبو الفيش

الفيش المصري(لو حضرتك مصري طبعا)
والفيش من أي دولة حضرتك أقمت فيها لفترة أكبر من 6 شهور

وأي أوراق تانية بتيجي في الايميل دا لازم تبعتها في مدة أقصاها 120 يوم

 

 

[abysaleh]

مهم جداااااااا ان يكون عندك نسخة طبق الأصل من الأبليكيشن اللي بعتها مكتب الهجرة بكندا CIO زي ما قلنا قبل كدا كتير انك وانت بتطبع تطبع نسختين

ليه؟؟؟؟؟

علشان لما يجي يطلبو منك نسخة تانية تبعتها للسفارة يكون عندك كل المعلومات اللي انت كتبتها قبل كدا وما يحصلش اي لخبطة في كتابة الاسامي او التواريخ...الخ

وتقتصر الكتابة على اي تعديلات فقط ان وجدت

 

 

[abysaleh]

خلاص الحمد لله لحد كدا
بعت الأوراق السفارة أو على وشك انك تبعتهم

يبقا كدا مش فاضل غير انك تنتظر يبعتولك علشان تعمل الفحص الطبي (الميديكال)

بمجرد ما يوصلك الميديكال وتعمله وتبعتهولهم يبقا خلااااص كدا تقريبا

المشوااار البعييد قرب

و حيطلبو منك الباسبورات قريب علشان الفيزا وتبدأ تجهز نفسك للسفر

أوبااااااا
السفر

دا ايه الحوسة دي؟؟؟؟

طب انا لما أسافر ح اسكن فين؟؟؟
طيب آخد معايا ايه وانا مسافر وما آخدش ايه؟؟؟
ايه انسب وقت أسافر فيه؟
ح الاقي أكل حلال واللا ح أتسوح؟؟

طيب أصلا أحجز على أي طيران أفضل ؟ وايه اقل الأسعار؟؟؟

و.....
و.....
و.....

أسئلة كثيرة تعج داخل رأسك.....

ما تخافش

أسئلتك كلها لها إجابة في المطاريد بإذن الله

في المطاريد.....تجد ما يسرك

كل ما يهم المهاجر الجديد من معلومات عن السفر والتجهيز له والأوراق المطلوب استخراجها فور وصولك .... الخ تجدها في:

كل ما يهم المهاجر الجديد

وموضوع آخر في غاية الأهمية أنصح بطباعته كاملاوالاحتفاظ به للإستفادة بكل ما جاء به من معلومات مهمة ممكن نحتاجها في وقت قد لا يسهل فيه استخدام كمبيوتر

النهل الجميل لكل من سار في موكب الرحيل

 

 

[TOOOTA]

اقتباس المشاركة الأصلية كتبت بواسطة abysaleh بالنسبة للسؤال الأول :ينفع ان شاء الله والتاني: حضرتك بتكتبي العنوان الي موجود في الدليل بتاع نوفا سكوتشيا بكندا (قريتي الدليل؟؟؟) موضوع السفارة دا بعدين لما بيجيلك ريفرنس نمبر من مكتب الهجرة بكندا بتبعتي الأوراق اللي ح يطلبها منك مكتب الهجرة في نفس الايميل اللي ح يبعتولك فيه الريفرنس نمبر ان شاء الله اللي عنده اي سؤال يا جماعة ممكن يحطه في توبيك الاسئلة أو توبيك المستشار المجاني كما أشرت في مداخلة سابقة ...علشان تضمنو الرد يجي لكم بسرعة تمنياتي بالتوفيق للجميع

بصراحه لأ مقرتش الدليل

شكرا ليك وكنت فعلا سالت عن العنوان اللى بنكتبه على الجواب فى نستشار المجانى والحمد لله لقيت الاجابه

سمحونا ساعات المعلومه بتبقا قدام الواحد ومش شايفها... محتاج حد بس يفهمه


تسجيل متابعه للموضوع الاكثر من رائـــــــــــــــــــــــــــــع

 

 

[abysaleh]

أهلا وسهلا بيكي يا توتا معانا وكل المطاريد المهاجرين ...وما تتردديش في اي سؤال ... كلنا مرينا بنفس التجربة

يا جماعة انا عاوزة أقول لكم حاجة مهمة لو سمحتم

احنا كلنا ف الأول كنا زيكو كدا

محتارين ومش فاهمين وبنسأل كتييير وحتى برضه بعد الإجابة ع السؤال بنكون متلخبطين

والحل..............

الحل كان في التفرغ التااااام لدراسة موضوع الهجرة والقراءة .... القراءة ...القرااااءة الكثيرة عنه

والحمد لله منتدانا مليان مواضيع مهمة عن الهجرة حاولت اجمعها لكم بقدر الإمكان


اللي عاوزة أقوله دلوقت....

ابدا نزل الأبليكيشن من النت .... وابدأ املاها كأن كل اوراقك جاهزةوخلاص ح تقدم بكرة

ساعتها ح تلاقي اسئلة ما كنتش في بالك أصلا ...وما تترددش في طرح أي سؤال في توبيك المستشار المجاني وتوبيك الأسئلة وبإذن الله ح تلاقي اللي يرد على جميع استفساراتك

المهم .... التأني وعدم الإستعجال.... وقراءة الدليل جيدا


ابدأ و عيش التجربة من الآن حتى لو لسة بدري على موعد تقديمك للورق

صدقني ح تستفيد ان شاء الله

وبالتوفيق للجميع

 

 

[TOOOTA]

مدام عبير طماعانه فى كرمك انك تحاولى ترفعيلنا الابليكيشن واهم الاسئله الصعبه فيها بالصور لان فى حاجات صعبه اوووووووووووووووى

هقولك مثلا
1-ورقه additonall family information اكتب انا اسمى كأنى applicantانا ولا لا اكتب اسم جوزى علما بان كل الورق الاخر كان جوزى هوapplicant وانا الزوجه عادى

كمان فى خانات تحت للاخوه والاخوات وتواريخ ميلادهم واماكن ولادتهم انا مش فاهمه دى مهمه فى ايه؟

2-فى ورقتين اسمهاuse of representative معناها ايه واملاها ولا لأ؟؟

3-ورقهSCHEDULE1(BACKGROUND/declaration فيها مطلوب اسم الام والاب للـــapplicantوتواريخ ميلاهم وموتهم لو ميتين وفى سؤاال رقم 9 برضه فى نفس الصفحه مش فاهماه

السؤال رقم 12 مثلا membership with organizationيعنى ايه مش فاهمه علاقتنا بالمنظمات؟؟؟!

النوك مش لاقيه السؤال بتاعه ودورت كويس

معلش والنبى لو تقدرى تجيبيلنا الصور يبقا كتر خيرك انا متلخبطه مع انى نزلت الملفات من نفس الينك الجديد

 

 

[abysaleh]

طيب انا ان شاء الله حادور على صور الابليكيشن اللي كان عاملهم د/ قناوي
وانزلهم هنا باذن الله

وباقي الاسئلة حاجاوبك عليها في المستشار المجاني ان شاء الله

 

 

[TOOOTA]

ياريت بجد بس انا شوفت صور قبل كده برضه بس مش واضح فيها كل الاسئله فى اسئله صعبه اووى
زى اللى فى shedule 1 علاقتك ايه بالمنظمات؟ والمواقع الحكوميه اللى اشتغلتها مش عارفه قصده على الوظيفه ولا ايه ؟ كده فيه حاجات صعبه

 

 

[meerak]

]السلام عليكم و رحمه الله
اخواني الاعزاء في المنتدي انا متابع موضوعات الهجره معاكم منا الاول و عرفت ازاي املي الابلكيشن و الشروط و كلو جميل بس في خاجه ولا واحد فيكوم ذكرها اقدم الورق فين و ازاي و لمين و الفلوس الي انا برسلها بتتسحب اول ما ابعت الورق ولا الورق لو اترفض بترجع الفلوس ارجو الافاده مع العلم اني مقيم في القاهره]