الزوجه المغربية - لو كان صح شوفوا لي عروسة

[only you]

الصحف المصرية والعربية

اقتباس المشاركة الأصلية كتبت بواسطة ana_3enady مالك يا سيدة .. يابنتي ما كلنا عارفين الكلام ده والموضوع أشاسا ضحك .. المقارنة بين الخليجية عامة والكويتية خاصة وبين المغربية يا سيدة مفيش أحلى من بنت بلدي هاتخرب بيتنا الله ياسمحك .. ياعم المصرية تحلى ولو كانت واحلة .. طب بذمتك .. المغربية تعرف تعمل دقية بامية ولا تعمل اكسسوارات بهايم (كرشة وفشة وممبار ولحمة راس وعكاوي وطحال) كله الا المصرية يا ياسو بس هي لو تخف ريحة البصل والتوم وتفك التعصيبة اللي على راسها

ومين قالك باه ان كلهن بيتعصبو؟ والله ما تلاقو واحده فى العالم زى المصريه بس هنقول ايه كله عند العرب صابون

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة only you ومين قالك باه ان كلهن بيتعصبو؟ والله ما تلاقو واحده فى العالم زى المصريه بس هنقول ايه كله عند العرب صابون

صحيح بنت بندر .. مش عارفة التعصيبة اللي على الراس يا هانم .. عمرك ما ربطتي ايشارب على راسك وعاملاله فيونكة من أدام

 

 

[yasovinas]

اقتباس المشاركة الأصلية كتبت بواسطة only you ومين قالك باه ان كلهن بيتعصبو؟ والله ما تلاقو واحده فى العالم زى المصريه بس هنقول ايه كله عند العرب صابون

لا يا فندم في صابون وفي شامبو وفي لوشن وفي شاور جيل

هناك فرق

 

 

[عنبو]

اقتباس المشاركة الأصلية كتبت بواسطة ana_3enady ما تبص يا أوسكا على الفرق بين شاسيه الراجل المصري والشاسيه اللبناني ومن موكعي هذا أحب أهني العرسان الجداد .. ليدو وعنبو ياللي ع الترعة حود ع المالح♫ ده ليدو وعنبو عذاب امبارح♪ وقعوا في الخية وليلتهم جاية♫ يلا يا فرقة دقي المزاهر♪♫ والدور الدور الدور الدور ♪ موعود ياللي عليك الدور♫ أيفوهم وضبوهم جهزوهم♪♫ ولعرايسهم حملوهم واشحنوهم ♪♫ والدور الدور الدور الدور ♪ موعود ياللي عليك الدور♫

كلنا لها وان شاء الله هجى اليوم اليى هنفرح فيك يامعلم بس انت ابقى اعزمنا بس

 

 

[Virus]

اقتباس المشاركة الأصلية كتبت بواسطة yasovinas ودائماً ما كنت أتلذذ بلمسات زوجتي المغربية الحانية التي تصيب في مشاعري وقلبي أثراً، وهو ما افتقدته عند زوجتي الكويتية، فسألت المغربية يوماً عن سر لمساتها وملاطفاتها، وكيف يمكن لها أن تؤثر عليّ بهذا الشكل، فاجابت بكل ذكاء جسد الرجل كالفانوس السحري، كلما مسحت عليه برفق ولين أخرجت المارد الذي بداخله

كفاية يا أستاذ ياسو أرجوك...ليه التعذيب ده ياعم على المسا...

جامد قوي موضوع الفانوس السحري ده

مش عارف ليه تدليل الزوج ده سقط من قاموس النساء عموما في مصر..زوجات وغير زوجات!

دايس معاك يا ياسو...اشقطلنا انت بس جوز شمورت كده من عندكوا في أبو ظبي لأنهم شاحين هنا في الدوحة!! ايه فين أيامك يا أبو ظبي وأيام الطراوة

 

 

[haya]

اقتباس المشاركة الأصلية كتبت بواسطة oskasan ماهو الراجل رد عليكي من قبل ما تقولي أهو يا هيا طب بذمتك يا هيا انتى وناش الشاسيه اللبناني نفس الشاسيه المصري مخارج الحروف المصرية؟ نفس مخارج الحروف اللبنانية؟ طبقة الصوت المصرية؟ نفس طبقة الصوت اللبنانية؟ فرق كبير جدا في الكوالتي زنسبة الخطأ المسموح به عالميا المواصفات القياسية العالمية ( مش اللبنانية فقط ) مالهاش اي علاقة بالمواصفات القياسية المصرية لما تقارني الراجل اللبناني بالراجل المصري قارني الست اللبنانية بالست المصرية برضه دي مصريه بعد محاولات تجميل فاشلة دي رقه أنثوية عالمية بلا محاولات تجميل الأنوثة بتهفهف عليها من غير مجهود تشربي عصير بورتؤان ؟

لا اشرب انت عصير بدنجان

ان عاجولك وهاحاول اعرف اجولك
انت سيد العارفين ان كله بتمنه
هو يا أوسكا يا خويا البياعين اللبنانين في زارا هما شكل البياعين المصريين اللي في المحاميد ؟
ما تخلينيش افتح عليكم فتوحة سودة ...شوفت واحد بكرش في زارا؟
طب شوفت مش بكرش في المحاميح ؟
اللذيذ بقى ان اللي بيتكلم عن الرقه واللطافة والجمال مش عارف يكمل باقي الجملة من كرشه اللي كابس على نفسه
غير ان الجمال اللبناني واللوك اللبناني والنيل كير اللبناني و الدايت سنتر والنوادي الرياضيه اللي بتضبط الجسم والوزن كل ده مش ببلاش بفلوس كتير
اللبنانيه بتقسم وسط البيه على لبسها ومكياجها وشعرها والبرفيوم ووو....اكمل ولا كفاية

بس بجد بجد وبصراحة أنا شايفة بقى أن الست المصرية الجيل الجديد يعني من كتر ما شاف القنوات اللبنانية وكلام البهوات عنها بقت السيدات بتاخد بالها كتير من شكلها واللوك بتاعها جوه البيت وبرة البيت ..بجد والله مش انحياز بس ده الي باشوفه حواليا من اصحابي ومن الجيل الاصغر ..دايما بيقوا فايقين ولاحقين نفسهم شكلا وموضوعا فموضه الست التخينة المهملة دي يمكن كانت اكتر في الجيل القديم وفي ثقافات متواضعة

اما بقى الرقة والذي منه فبلاش نتكلم فيها احسن علشان الطريق هايبقى مليان مطبات

 

 

[haya]

اقتباس المشاركة الأصلية كتبت بواسطة yasovinas الغالية هيا طيب لو كنت بصيتي يمينك كنت هتلاقي شاب مصري شبة الجدع اللبناني دا وبرضه شايل الواد الغتت اللي عمال يزن ويعيط (مش ذي الواد اللبناني الصغنون الجميل) وبرضه هتلاقيه بيزق العربية بايدة التانية بس هتلاقيها مليانة اكل وخضار وزيت وسمنه ولحمه غير الكلوركس ومشابك الغسيل والبامبرز والخخخخخ وبرضه هتلاقيه ماشي وراها بيقول لها طيب ودا ايه لزومه طيب ما تشوفي حاجه تانية وبيبرطم بكلام خارج النص بس الفرق بقى هو في اللي قدامه (احمممممم احممممم توووووت اوعى وشششششك)

لااااااااااااااااااا يا ياسو يا خويا الكبير الغالي لأ
الفرق كبير مهما تقولي وتحكيلي ده انا شوفت بعيني ماحدش قالي ...الراجل من فرحته بالحاجات اللي المدام عماله تلقحها في العربيه كانت الدمعه هاتفر من عينه وعمال يشكر في ذوقها ويسبل
هل انت متأكد ان ده نفس رد فعل الزوج المصري وهو بيجر العربية بايده واليبي على ايده التانيه ..اششششششششك
هاتلي اخر راجل مصري اخد باله ان مراته غيرت قصه شعرها اولون شعرها من غير مراته ما تكون عملت فرح واعلان في الفضائية الاولي والتانية واحتمال برضه ما ياخدش باله ؟

 

 

[Virus]

ياجماعة بلاش نتعب نفسنا في المقارنات..ايناس الدغيدي حلت المعضلة دي من زمااان..

 

 

[nash]

لكل الردود المتعصبه ضد الزوجه المصريه الأصيله اقول

أما الردود الحلوة أوي موت جدا فأقول شكرا لكم مواقفكم الغير مستغربه علي معدن الرجل المصري الأصليل حمال الأسيه علي مر العصور الفرعونيه

 

 

[nash]

بمناسبه الزوجه المصريه والامومه والحركات

قسما بالله من ربع ساعه جالي هاتف أبن لاذينه أن الواد أحمد حصله حاجه ... كان في الشارع بيلعب بعجلته ... مافيش ثواني بعد الهاتف المريع تليفون غامض للواد ياسر لقيته طيارة في الشارع جريت وراة قولتله حصل حاجه لأخوك قالي لأ صاحبي مستنيني تحت ... خمس دقايق ولقيت أحمد طالع متخرشم ... وقع بالعجله والعجله وقعت فوقه شافه واحد أبن حلال صمم ياخده عالمركز الطبي عمل أشعه والحمدلله نوعا ما سليمه والراجل رفض ياخد اي مليم ولا يقول أسمه أو رقم تليفونه ....بما إن الموروث المصري الأصيل معشش في نافوخي أستقبلته بوابل من ال&*&^%^ٌ÷؛×* وبعد شويه وصل المحروس ياسر بكيس دوا ورباط للكتف وبرضه استقبلته بوابل أشد من وابل أحمد

مايستفاد من القصه

أن الأم المصريه مهما كانت مشغوله بحاجه لكن عقلها وقلبها مع اولادها حتي لو كانوا أطول منها

أن الأم المصريه عندها مفردات لغويه لا تنضب في مواجهه الشدائد ومصائب أولادها

أن الأم المصريه صبورة صبر الأبل في الصحراء القاحله

من الأخر مافيش أعظم ولا اروع ولا أفضل ولا أي حاجه علي أفعل التفضيل زي الأم والزوجه المصريه

هذا وبالله التوفيق