Arabic Discussion Forum with a Special Interest in Travel and Immigration

Farida · 5th November 2009, 12:05 PM

طبعا نظرا لحالة العولمه و الخصخصه و دخول ال أى تى فى كل المءسسات الحيويه فى مصر و بالتالى زاد معدل الخبراء الأجانب الهنود و الباكستانيين و غيرهم ظهرت أمور مستحدثه و منها العرض اللى حأكلمكم عنه دلوقتى ..............واحد قريبنا عارف انى عايزة اشترى عربيه جديده قالى ان عندهم فى الشركه ناس اجانب - من اسيا يعنى اجانب اسيويين - بياخدوا بدل انتقال فى الشهر اربعه الاف جنيه بياجروا بيها عربيات لاستعمالهم الشخصى و بالتالى هو بيعرض على اشترى عربيه على الزيرو او مستعمله بحاله جيده جدا و أجرها لهم و لما يسافروا يرجعوهالى ابقى تقريبا دفعت نص تمنها فقط و هم ركبوها الكام شهر اللى قاعدينهم ..........طبعا الموضوع لا يخلو من RISK محترم لكن ما الحياة الا RISK كبير ............بالمناسبه انا من الناس اللى مش باحب الrisk نهائى وافضل امشى سنه ولا اعدى قنا على رأىالمثل ........بس قلت اخد رأيكم برضه ولا خاب من استشار .......

RMG · 5th November 2009, 12:18 PM

لا طبعا
العربية العائلية ماينفعش نعمل فيها كده
متعرفيش ازاي ممكن يستخدمها
ماباقصدش السواقة
زمان كنا عارفين ان في 3 حاجات لا يجوز تسليفهم
الزوجه العربية الكاميرا
الواحد بالنسبة له العربية بينه وبينها الفة وحب ومشاعر
الا اذا كنت جايبة العربية للغرض ده بس
يعني استثمار فقط لاغير
ومش ناويه تستخدميها
اقولك اوك على بركة الله

Farida · 5th November 2009, 12:46 PM

اقتباس

المشاركة الأصلية كتبت بواسطة RMG


	زمان كنا عارفين ان في 3 حاجات لا يجوز تسليفهم الزوجه العربية الكاميرا

طيب الزوجه و فهمناها لكن العربيه و الكاميرا ليه بقه

toota · 5th November 2009, 01:03 PM

اقتباس

المشاركة الأصلية كتبت بواسطة Farida


	طيب الزوجه و فهمناها لكن العربيه و الكاميرا ليه بقه

عض قلبي ولا تعض عربيتي....كنت ولا زلت مبحبش اسلف عربيتي لمخلوق....لاني ببقى ظابطه الكرسي والمرايات ....واي حد بيستعملها لازم يغير التظبيطات دي...ودي حاجة تنرفز اوي.....وغير كده وكده...ممكن لا قدر الله يخبطها ويكلفك تصليحها قدددد كده فلوس.....ولو اني مره عملتها مع صاحبتي الانتيخ في الامارات وسلفتها عربيتي عشر ايام وكنت مقضياها موتو رجل...معرفش ليه وايه الهبل الي كان نازل عليا ده وقتها....وهي وقت ما احتجت منها حاجة بسيطه اتهربت.... ماعلينا....مبسلفش عربيتي للاسباب السالفة الذكر

RMG · 5th November 2009, 01:10 PM

اقتباس

المشاركة الأصلية كتبت بواسطة Farida


	طيب الزوجه و فهمناها لكن العربيه و الكاميرا ليه بقه

باحس ان العربية والكاميرا بيبقى في احساس متبادل في التعامل معاهم (طبعا الكاميرات اللي بجد مش اللي بيدوها في كنتاكي)
الأحساس ده بيروح لما بيتغير اليوزر
اضافة الى ان العربية بقى ممكن تستعمل استعمالات سيئة الواحد لو عرفها لا يمكن يطيق يركبها بعد كده

ana_3enady · 5th November 2009, 01:38 PM

دعوه لموضوعي

RobertInole

تؤ تؤ تؤ

العربية لو عملت حادثة لا قدر الله واتعابت لو حتى وداها التوكيل واتكلف كللللللللل مصاريفها مش هاترجع زي الأول

ممكن بقى انه يخبط العربية وساعتها هايقولك اتفضلي عربيتك يا مدام .. ومش هاتعرفي تاخدي منه لا حق ولا باطل .. حتى لو ماضي على مليون شيك على بياض ومليون كمبيالة

طبعا ده غير الاهانات العادية للعربية .. والاهانات الغير عادية المشار اليها في مداخلة سابقة

أقولك .. انسي
ولوني عارف انك برضه مش هاترتاحي إلا لما تجربي بنفسك زي ما عملتي في الكيو كيو .. قعدنا نهاتي ييجي شهر وبرضه نفذتي اللي في دماغك

mohsen · 5th November 2009, 01:38 PM

اقتباس

المشاركة الأصلية كتبت بواسطة RMG


	زمان كنا عارفين ان في 3 حاجات لا يجوز تسليفهم الزوجه العربية الكاميرا

لا يا أستاذنا العزيز:
الزوجة و العربية و فرشة الأسنان

اقتباس

المشاركة الأصلية كتبت بواسطة RMG


	الا اذا كنت جايبة العربية للغرض ده بس يعني استثمار فقط لاغير ومش ناويه تستخدميها اقولك اوك على بركة الله

كلام سليم .. يعنى ممكن حضرتك تشترى عربيتين: واحدة للإستعمال الشخصى وواحدة للتأجير و تبيعيها بعدين و على حسب ما اتذكر - العربيات فى مصر سعرها مش بينقص كتير بعد الإستعمال (هل الوضع ده إتغير؟)

toota · 5th November 2009, 01:40 PM

اقتباس

المشاركة الأصلية كتبت بواسطة maksoof


	لا كلام سليم .. يعنى ممكن حضرتك تشترى عربيتين: واحدة للإستعمال الشخصى وواحدة للتأجير و تبيعيها بعدين و على حسب ما اتذكر - العربيات فى مصر سعرها مش بينقص كتير بعد الإستعمال (هل الوضع ده إتغير؟)

حسب نوع العربية......ونظافتها...متغيرش كتير

RMG · 5th November 2009, 01:59 PM

اقتباس

المشاركة الأصلية كتبت بواسطة maksoof


	لا يا أستاذنا العزيز: الزوجة و العربية و فرشة الأسنان

ايه ده؟
هو ممكن حد يقولي سلفني فرشاة اسنانك؟
دا حلال فيه اللي يتعمل فيه بصراحة
دا يبقى لامؤاخذه راجل مسوس اوي

sanaa · 5th November 2009, 02:37 PM

عندي احساس ان فريده بتتكلم عن عربيه تشتريها في الاول وتأجرها يعني مش عربيتها الاساسيه وان كانت اساسيه حتبقي بعد مايتم ماعرضه عليها قريبها

لو كان كده ليه لا

بس المشكله لو العربيه عملت حادثه وارجع واقول ماهي ممكن تعمل حادثه حتي لو صاحب العربيه سايقها

العرض لو كان جايب همه كبدايه لشراء عربيه
انا ممكن اعمله انما لو مش مجزي يبقي بلاها

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
بسم الله الرحمن الرحيم : الأجابة ...ابو الفتوح	إنتخابات الرئاسة	مــــلامــــح	5	1725	22nd May 2012 11:23 PM
اخص على كده : اسراء عبدالفتاح وشباب الثورة مع...	شؤون مصر الداخلية	انسان بقلب ملاك	55	5268	22nd March 2012 08:01 AM
النائب الخبؤ : محمد العمدة عايز يلغى الخلع	شؤون مصر الداخلية	مصرى فقط	21	4061	22nd March 2012 07:06 AM
جودة عبد الخالق عايزنا نحشى المحشى لسان عصفور	شؤون مصر الداخلية	Farida	0	1218	22nd March 2012 06:36 AM
ترشيحات حزب النور بتقول ان فيه امل	شؤون مصر الداخلية	AlexG	13	2498	22nd March 2012 06:31 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طيب ايه رأيكم فى الكلام ده	محمد المرى	شؤون مصر الداخلية	4	25th May 2011 07:40 AM
قصة حب ابو الليف و علا رامى و النهاية السعيده - ايه رأيكم ؟؟؟	Farida	صحافة ... إعلام ... سينما ومسرح	17	9th October 2010 09:23 PM
خبر استفزني جدا......ايه رأيكم....رضاعة الكبير؟؟؟؟؟؟	somayasaleh	صحافة ... إعلام ... سينما ومسرح	1	25th May 2010 04:24 PM
صابونة الكبريت للبشرة الدهنية...ايه رأيكم	hoppa	شؤون المرأة	5	8th October 2008 07:01 PM
صدور .. مع مكرونة أخرى مختلفين .. ايه رأيكم؟	بندق	شؤون المطبخ	11	29th August 2008 11:33 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مواضيع شخصية

ايه رأيكم فى العرض ده ؟