عاجل.... اقتحام السلفيين لمطرانية شبرا الخيمة وتحويلها لمسجد

[Jonathan]

الصحف المصرية والعربية

القس فيلوباتير راعي الكنيسة يصف ما حدث
واضح اوي ان البلد بقت ماشية عكسي خالص...على فكرة يا طفشان الشرطة راحت بعد ما الهمج مشيوا من نفسهم...و بقول همج لان خالد سعيد نفى انهم سلفيين..فالمصطلح الوحيد اللي يقال على بلطجية و حرامية باسم الدين هو همج

 

 

[Jonathan]

اضافة لسمة الهمجية احب اضيف سمة الجهل بالدين ..اتفضلوا اقروا الفتوي التالية من على موقع اسلام ويب
حكم الصلاة في مسجد بني على أرض مغصوبة
"وغصب الأرض من أشد الأشياء تحريما فالوعيد فيه شديد لما روى البخاري ومسلم وأحمد وغيرهم من حديث عائشة رضي الله عنها أنها قالت: قال صلى الله عليه وسلم: من ظلم قيد شبر طوقه الله من سبع أرضين. وفي رواية: من أخذ شبرا من الأرض بغير حق طوقه الله في سبع أرضين يوم القيامة.
وقد نص الفقهاء على أنه يشترط للمسجد أن لا يقام على أرض مغصوبة، وإذا أقيم على أرض مغصوبة حرمت الصلاة فيه.
قال الشيرازي في المهذب: ولا يجوز أن يصلي في أرض مغصوبة، لأن اللبث فيها يحرم في غير الصلاة، فلأن يحرم في الصلاة أولى.
وقال النووي في شرحه لكلام الشيرازي: الصلاة في الأرض المغصوبة حرام بالإجماع.
وعليه، فالصلاة لا تجوز في المسجد المذكور، لكن جمهور أهل العلم على صحة الصلاة فيه مع الإثم، وخالف الحنابلة فذهبوا إلى بطلانها.
والإثم يكون على من اغتصب الأرض، وعلى كل مصل عالم بذلك.
ومن هذا تعلم -أيضا- أن مشيع مثل هذا الخبر يعتبر ناهيا عن المنكر، وليس من الذين يصدون عن سبيل الله وعن مساجد الله.
والله أعلم."

مشكلتنا الحقيقة مش في تطبيق الدين و لا الحياة بالدين و التدين...مشكلتنا بقت الجهل بالدين من الاساس

 

 

[tafshan]

اقتباس المشاركة الأصلية كتبت بواسطة Jonathan القس فيلوباتير راعي الكنيسة يصف ما حدث واضح اوي ان البلد بقت ماشية عكسي خالص...على فكرة يا طفشان الشرطة راحت بعد ما الهمج مشيوا من نفسهم...و بقول همج لان خالد سعيد نفى انهم سلفيين..فالمصطلح الوحيد اللي يقال على بلطجية و حرامية باسم الدين هو همج

يعنى الشرطه راحت متأخر كالعاده ..

انا برضو رأيي ان اى حد يقتحم ارض مش ارضه حتى و لو بغرض انه يعمل عليها جامع يبقى مجرم مش بس همجى ..

المفروض الرساله تبقى واضحه من الدوله للجميع انه ليس من حق اي شخص ان يتعدى على املاك الغير تحت اي شعار و ان القضاء هو الطريق الوحيد للاختصام في الحقوق ... لو سيبنا الامور ماشيه كده ح تبقى غابه .

 

 

[arwa ahmed]

ماتخافوش ياجماعة ده مجرد عمل روتيني من اعمال الامن الوطنى-سابقا امن الدولة- الناس هناك خايفة اديها تصدي بقالهم بتاع سنة مولعوش حرايق
وفي نفس الوقت بيقولوا للقوى الاخري البلد موش اسلاميين وليبراليين وبس
احنا كمان لسه موجودين

 

 

[تووت]

واضح جدا ان الهمج دول ، لا سلفيين ولا بطيخ...
هو في ناس (للأسف مرسي لسه معملش ليهم حاجه ، وشكله مش حيعمل)...
الناس دي عندها رغبة شديييييييدة ان مصر تولع...
لمجرد ان وضعهم بقى سيء من بعد الثورة!

مفيش رأي اسلامي (ولا حتى ضعيف) يقول انك تاخد حاجة مش بتاعتك ... سواء من مسيحي أو غيره!

 

 

[Jonathan]

اقتباس المشاركة الأصلية كتبت بواسطة arwa ahmed ماتخافوش ياجماعة ده مجرد عمل روتيني من اعمال الامن الوطنى-سابقا امن الدولة- الناس هناك خايفة اديها تصدي بقالهم بتاع سنة مولعوش حرايق وفي نفس الوقت بيقولوا للقوى الاخري البلد موش اسلاميين وليبراليين وبس احنا كمان لسه موجودين

مع احترامي لشخصك الكريم بس دة نفس الكلام اللي كنا بنسمعه ايام ما كانت البلد في ايد المجلس العسكري و التبريرات من نوع الطرف الثالث و اللي كل الناس تاكدت تماما الان من هو الطرف الثالث. اللي بيحصل حضرتك الان هو جر الدولة لمرحلة الفوضى لصالح قوي معروفة و غرضها معروف تماما..الغاء ما يسمى بالدولة المصرية ..افكر حضرتك بموضوع تهجير اقباط رفح...بداء بالاقباط و الان يمتد الي كل سكان سيناء و الهدف واضح و معلن و هو توطين قطاع غزة في سيناء..طبعا دة جزء من المخطط اللي بداء بتهجير الاقباط ثم منح الجنسية لاكثر من 35000 فلسطيني ثم دب الذعر و الخوف في سكان رفح و العريش منتهيا باحتلال سيناء من قبل حركة حماس...امن دولة مين حضرتك اللي بيخطط لده؟؟

 

 

[chemistry]

وانت مستغرب ليه يا جوناثان و بتقول انهم مش سلفيين
لا سلفيين والحاجات دى متطلعش الا منهم وابونا زات نفسه قالك ناس معروفين من المنطقه وليهم اتجاهات سلفيه- 2000 سلفى بأسلحه -
وهى دى كلمة مبروك بتاعتهم اللى عكروا بيها صفو فرحتنا ؟
وهى دى تهنئتهم ومباركتهم لينا
الجبهة السلفية: لن نهنئ الكنيسة باختيار البابا إلا بعد تقديم ضمانات

https://www1.youm7.com/News.asp?NewsI...D=65&IssueID=0


مش عارف هما عايزين يختبروا البابا الجديد ويشوفوا رد فعله وفاكرينه مثلا هيرد عليهم بالاسلحه التى تملأ الكنائس زى مابعضهم فاكر


ياجماعه انا عايز اسال كل واحد مسلم بجد فى المنتدى

ده يصح؟ ده ينفع؟

استفدت ايه من كده - مش لاقى مسجد تصلى فيه فى المنطقه وعملت كده ؟ وحتى لو ده صحيح تقوم تستولى على مكان ليس ملك لك

لو فيه مسلمين معتدلين فى المكان ليه ميعقلوش اخواتهم ويرجعوهم عن الشر اللى عايزين يعملوه

فى منطقتنا هجم جماعه مش عارفلهم مله على كنيستنا ومعاهم سكاكين وعصيان
اتعرضلهم شيخ الجامع قدام الكنيسه وقالهم فى ايه جايين بربطة المعلم ليه
قالوله واحد حرق القران من الكنيسه جوا
قالهم شفتوه
قالولوا لا
قالهم عرفتوا منين
قالوا واحد كنا قاعدين على القهوة جيه واحد بدقن وقالنا
قالهم مفيش حاجه من دى حصلت واللى هيتعرض للكنيسه انا اللى هتصدرله وهقف فى وشه


ربنا يسامح اللى كان السبب

 

 

[chemistry]

انا عايز اقول كمان للى ميعرفش الديانه المسيحيه

الهنا اله سلام ومش بنبادل الاذيه بأذيه او الشر بشر زيه لو 2: 14المجد لله في الاعالي وعلى الارض السلام وبالناس المسرة
اع 10: 36الكلمة التي ارسلها الى بني اسرائيل يبشر بالسلام بيسوع المسيح.هذا هو رب الكل

الهنا اله محبة وتسامح 1 كو 13: 13اما الآن فيثبت الايمان والرجاء والمحبة هذه الثلاثة ولكن اعظمهن المحبة
رو 13: 10المحبة لا تصنع شرا للقريب
اف 4: 32وكونوا لطفاء بعضكم نحو بعض شفوقين متسامحين كما سامحكم الله ايضا في المسيح


الهنا علمنا نغفر للى اساء الينا مت 5: 39واما انا فاقول لكم لا تقاوموا الشر

 

 

[invador]

الموضوع يعتبر خلص انا شاب انتمى فكريا للفكر الاسلامى ارفض بشدة ماحدث فلا داعى للاثارة ونعمل دراما وانتقادات

 

 

[بطاطا]

اقتباس المشاركة الأصلية كتبت بواسطة invador الموضوع يعتبر خلص انا شاب انتمى فكريا للفكر الاسلامى ارفض بشدة ماحدث فلا داعى للاثارة ونعمل دراما وانتقادات

وترفض ما حدث لية ؟

الموضوع عنوانة "عاجل.... اقتحام السلفيين لمطرانية شبرا الخيمة"

ولا مؤاخذة دا نصب

مفيش سلفيين

ومفيش إقتحام لمطرانية شبرا الخيمة

والموضوع كلة خناقة على قطعة ارض فضاء