عندما رأيت زحل

[great expectations]

تحياتي

اعددت تليسكوبي الصغير
قالوا ان زحل يمر قريبا من القمر

وجهت التليسكوب نحو القمر ودرت حول اطرافه الي ان رايت

كرة ذهبية حولها سوار من ذهب

ياااااااااااااااه انه زحل
يالروعة هذاالكوكب
كوكب صامت هاديء
من ملايين السنين يلتزم الصمت
مرت مئات ملايين السنين وهذاالكوكب الذهبي ربما مرت عليه اجيال الارض جميعا
نفر نفر

واحنا هنا الواحد فاكر انه محور الكون
يا لغباء الانسان وقصر نظره
انظر يا اخي الي زحل
كام وكام ناس عاشت وماتت وبس
وليه يا اخي يا ذو العمر القصير اللي اعتبره بالنسبة الي الراصد من زحل كان فراشة صعدت الي عامود النور واحترقت

صراع وخناق وهم ونكد واحنا ولا حاجة

من هنا اؤكد للجميع ان ضآلة الانسان بالنسبة للكون لا تعني الا شيئا واحدا

انه ضئيل فعلا
عندما رايت زحل ايقنت ان الانسان لا يجب ان يشغل نفسه في صراعات مع اي كان
ضآلتك ايها الانسان يجب ان تجعلك
اولا ان تحمد الله علي هذه الفرصة العظيمة لان تكون عينا بالكون
رسالتك ان تفكر وتفكر
صراع علي نيلة ايه وليه
قالها صلاح جاهين زمان وبكررها

علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي


إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي


نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي




سنوات عديدة وراسي معلق بالسماء
كل هذه النجوم والسدم
تتراص النجوم مختلفة الالوان (نعم ركز جيدا بعينيك المجردتين ) وترسم بتراصها قصور وبيوت وجنود وابتسامات بلهاء لقمر الارض
يصر عمي انه شخصا جالس تحت ظل نخلة واصر انا علي صورة الشخص الساذج
الشهب تندفع كثيرا لدرجة اني اري دخانا في اعقابها
صفاء السماء عندنا في الصعيد ساحر
مرت السنين وحفظت ابراج السماء وتتبعت كواكبها
كانت اول محاولاتي لاختراع تليسكوب ( تاني واحد بعد جاليليو )
فشلت جميعا
رضيت بحالي اري السماء بعيني المجردة واسمع الصمت
يا لروعة الصمت

وعندما رايت زحل فعليا

سامحت الجميع وصالحت الجميع

زاد صمتي وتسامحي مع الاخرين

لا شيء يستحق
كلما تحدث حولي مشاكل وصراعات وخناقات
اتذكر جلال الصمت والرهبة والضعف الانساني امام زحل
ايها الانسان احنا ولا حاجة طول ما الشر مالينا
فلندع اخلاق الغابة التي تركناها من الاف السنين ولا زلنا ننهش اللحم ولا زلنا نتخذ كمائن فوق الشجر
لازلنا نشعل النار نهدد بها انفسنا قبل الاخرين

 

[great expectations]

من تصويري


Uploaded with ImageShack.us

 

 

[ramyfathalla]

ايه ده يا د / قناوى أنت طلعت بتفهم فى الفلك
طيب ليه ما كتبتش الوظيفة دى فى الابليكشن يمكن كانوا عطولك الفيزا على طول

أنت ايه بالظبط مصوراتى و لا دكتور و لا عالم فلكى و لا ترزى

 

 

[great expectations]

اقتباس المشاركة الأصلية كتبت بواسطة styx رائع بجد نادر لما بلاقي ناس مهتمه بالحاجات دي :) يارب امتلك تليسكوب في يوم من الايام ! بس انا مقضيها kstars هو كفايه في مستوي علمي الحالي !

شكرا ستايكس

التليسكوب متوافر وباسعار رخيصة في وسط البلد
الرك علي السطوح

اقتباس المشاركة الأصلية كتبت بواسطة !! Lidooooo !! ما أروعك يا قناوي!

ولا نيجي جنبك حاجة يا فنان

اقتباس المشاركة الأصلية كتبت بواسطة هانى مان الله عليك يا دكترة وعلى كلامك الجميل و الوصف الاكثر من رائع

متشكر يا هاني كلك ذوق

اقتباس المشاركة الأصلية كتبت بواسطة doctor farouk تحياتي يا كبير مترشح نفسك الانخابات قربت وبدل الدعايه الاعلانيه نزل الصور بتاعتك هتكسر الدنيا بجد الواحد كل شويه بيزيد اعجابه بحضرتك

يا فندم كبير ايه وبتاع ايه احنا في مركب واحدة واخوة

اقتباس المشاركة الأصلية كتبت بواسطة ramyfathalla ايه ده يا د / قناوى أنت طلعت بتفهم فى الفلك طيب ليه ما كتبتش الوظيفة دى فى الابليكشن يمكن كانوا عطولك الفيزا على طول أنت ايه بالظبط مصوراتى و لا دكتور و لا عالم فلكى و لا ترزى

شكلي سيكيوريتي يا سواق

 

 

[great expectations]

اذا رايت زحل وحدث لك كل هذاالانبهار امام كوكب فما بالك بخالق الكون

اخي
مش هاقولك انظر حولك
انظر فوقك
تسامح وتصالح
احنا ولا حاجة

 

 

[هيام]

انا أيضا رأيت زحل

لكن هنا بين ربوع كلماتك

ترجمتها صورة أكثر من رائعه

 

 

[great expectations]

اقتباس المشاركة الأصلية كتبت بواسطة هيام انا أيضا رأيت زحل لكن هنا بين ربوع كلماتك ترجمتها صورة أكثر من رائعه

شكرا يا فندم كلمات حضرتك وسام علي صدري

 

 

[styx]

رائع بجد

نادر لما بلاقي ناس مهتمه بالحاجات دي :)
يارب امتلك تليسكوب في يوم من الايام ! بس انا مقضيها kstars هو كفايه في مستوي علمي الحالي !

 

 

[!! Lidooooo !!]

ما أروعك يا قناوي!

 

 

[mohsen]

أول مرة شفت فيها زحل كان سنة 1980 و وقتها كنت عضو فى ال Royal Astronomical Society of Canada (و على فكرة لهم أفرع فى جميع المقاطعات) و التليسكوب كان Celestron - قطر المراية بتاعته 16 بوصة.

و بالرغم من إنى كنت شفت الصور اللى بعتتها Voyager بتفاصيل الحلقات إلا إنه فى التليسكوب -بالرغم من صغره- كان له تأثير أكبر بكتير عليا! زى ما اكون مش مصدق الصور بس دلوقت إتأكدت إنه فعلا موجود و حوله حلقات (طبعا هى كانت حلقة واحدة اللى كنت شايفها) - فأنا فاهم بالضبط اللى حضرتك بتقوله لأنه إحساس و من الصعب ترجمته لكلمات.

نيجى بقى لموضوع الإنسان - بصراحة أختلف مع حضرتك لأنى لا أعتقد إن الإنسان "كمية مهملة" فى الكون. صحيح الأغلبية من الجنس البشرى مضيعين وقتهم فى صراعات و جدل على حاجات مالهاش معنى بس من وسط "الخيبة القوية" دى كل مدة بيخرج عدد محدود من العقول تخترع حاجات زى العجلة و التليسكوب و الميكروسكوب و الكومبيوتر عشان تدى فرصة للناس اللى زيى و زيك إنهم يتأملوا فى خلق الله اللى خلق الكون اللانهائى ده بكل ما فيه من معجزات و بعدين أعطانا حتة لحمة وزنها حوالى 3 أرطال فى راسنا و أعطاها المقدرة على فهم الكون -أو على الأصح إدراك العجز عن فهم مقدرته و عظمته.

عموما.. أنا صنعت التليسكوب بتاعى - 6 بوصة (إشتريت المرآة و العدسات بتاعته) فى الثمانينات بمساعدة واحد من أعضاء RASC- و كان فى الثمانينات من عمره وقتها. و لسه التليسكوب موجود عندى.

لو حضرتك عندك عدسة بقوة تكبير ضعيفة فحاول تبص فى إتجاه مركز المجرة فى مجموعة Sagittarius و إتفرج على مهرجان الأنوار (لو ما كنتش شفتها).

تحياتى و شكرا على الموضوع.