Arabic Discussion Forum with a Special Interest in Travel and Immigration

HAMOUDI · 15th August 2009, 01:40 PM

الصحف المصرية والعربية

اقتباس

المشاركة الأصلية كتبت بواسطة Farida


	تخيلوا كل ما أقول لقريبى ده لأ لأ خلاص بقه خلينا فى عربيتى احسن و حأركب لها مروحه صغيره كده تبقى فى وشى و تهوى للبنات و حأروقها و حأعملها بوتكس و حاتبقى اخر جنان .........تعرفوا يرد بقول ايه .........طيب خديها جربيها شهر اتنين مش مهم على راحتك حتى لو من غير فلوس ...انا مستخسرها فى الغريب ....

طيب ايه الى يمنع انك تجربيها ؟؟
عموما اذا ماكنش في حرج القرايب اذا ماعجبتكيش يعني تقدري بعد ال3 سنين تجربه تقولي مادام في نيه للشراء
انها مش مناسبه لكن اذا خفتي من التدبيس يبقى بلاها سوسو
بس بجد نصيحه مخلصه بانصحها لاي حد بلاش الصيني وليس بناء على تجربه ولكن بناء على السمعه السابقه دا حتى الاسبرانزا ذات الافضل سمعه لي صديق بيشتكي منها

انا ميال دايما لحلول الشاهين وال132 وال128 علشان ممكن بواب العماره يصلحها وتيجي قطعة الغيار من السوبر ماركو على راي انا عندي
على فكره حجم الفيات اكبر كمان حتى لو كانت 128 .وكل الفيات اقوى بكتير من الصيني
وطبعا ابتسمي فنحن في شوارع مصر

Farida · 15th August 2009, 02:21 PM

انا فعلا من كتر الحاحهم قررت قرارا و ارجو ان تعينونى عليه و هو انى اجربها قد سنه كده و بعدين ياما اخلص عليها يااما اخلص عليها

ana_3enady · 15th August 2009, 03:33 PM

دعوه لموضوعي

RobertInole

لا يا دكتورة .. ما أنصحكيش

بلاش مخاطرة .. هاترجعي تندمي وتقولي يا ريت اللي جرى ما كان
وعموما انتي هاتخلصي عليها في شهر

ابتسامــة · 15th August 2009, 09:38 PM

وليه تجربيها سنة بحالها؟!
أعتقد شهر كفاية أوي عشان تقرري إن كانت مناسبة أو لأ
ده في حالة طبعا إنك بتنزلي بيها كل يوم

بعدين بصراحة لا أشجع على شراء المستعمل أبدا
يعني اصبري بأه ولما تجددي الشبح هاتي على الزيرو أحسن

oskasan · 15th August 2009, 10:04 PM

ابعدى عن الصينى يا داكتوره
انا مجرب المكنه اللى عندى الصينى ومطلعه روح اللى جابونى
الصين عملت سياره هنا فى الكويت بموتور مرسيدس وشكلها كان شيك جدا وفيها كل الكماليات
ومع ذلك وقف سوقها لان العربية مش موتور وبس
الصينى استخدام مرة واحده بس مش للاستخدام المتعدد

Farida · 25th September 2009, 07:27 PM

بقالى اسبوعين دلوقتى شغاله فى الصينى و العربيه ماشيه الله ينور و البنات فرحانين قوى بالسنترال لوك و الشنطه اللى بتتفتح لوحدها و التكهيف - على رأى فرح- و انا مرتاحه من الدبرياج الله يحرقه .........بس و اه من بس ........لقينا مشكله صغنونه قد كدهوه ...........المهم الميكانيكى اللى عندنا فتحها من هنا و عمل كده طبعا مش عارف فيها حاجه و التوكيل بتاعها فى طريق مصر اسماعيليه و بالتالى و بناءا عليه مش ناويه اكمل بيها انا ايه الى يجبرنى كل ما يجرى حاجه اتحوج لطريق مصر اسماعيليه ده .........بس بيقولوا فيه توكيل لها بيصلحها فى الدقى بكره حأشوفه و ربنا يسهل بس وانا فى اسكندريه شوفت شويه منها بيجروا على الطريق ميه ميه و الله و شغالين

ana_3enady · 25th September 2009, 07:42 PM

دعوه لموضوعي

RobertInole

أولا ألف مبروك

ثانيا
نوعها ايه في الصيني

أي ماركة يعني؟

فــيــروز · 25th September 2009, 07:44 PM

اقتباس

المشاركة الأصلية كتبت بواسطة Farida


	بقالى اسبوعين دلوقتى شغاله فى الصينى و العربيه ماشيه الله ينور و البنات فرحانين قوى بالسنترال لوك و الشنطه اللى بتتفتح لوحدها و التكهيف - على رأى فرح- و انا مرتاحه من الدبرياج الله يحرقه ........

عَظَمَه .... !
هى توماتيكى؟

Farida · 25th September 2009, 07:52 PM

اقتباس

المشاركة الأصلية كتبت بواسطة ana_3enady


	أولا ألف مبروك ثانيا نوعها ايه في الصيني أي ماركة يعني؟

و الله انا لسه باجربها يعنى لسه ما اخدتهاش رسمى ...........و الحلوة نوعها QQ 2005 easydrive اللى قبل السبرانزا على طول ............و صورتها اللى تحت الصفرا المحندقه دى

اقتباس

المشاركة الأصلية كتبت بواسطة فــيــروز


	عَظَمَه .... ! هى توماتيكى؟

هى فيها خاصية التوماتيكى و المانيوال بس المانيوال بتاعها توماتيكى برضه ........هى كل المشكله بتاعتها فى الفتيس الغريب بتاعها .......بس طبعا فرق شاسع بين بقى لما تنقلى و لما تهدى و لما تقفى ........- هى بتعمل كل ده لوحدها ماشاء الله عليها -
اقولك على سر

اول مرة - وتانى مرة- ركبتها حطيت رجل على البنزين و رجل على الفرامل و اديتها سواقه

فــيــروز · 25th September 2009, 08:14 PM

اقتباس

المشاركة الأصلية كتبت بواسطة Farida


	اقولك على سر اول مرة - وتانى مرة- ركبتها حطيت رجل على البنزين و رجل على الفرامل و اديتها سواقه

سبحانك يا رب !!

كنت لسّه باكلّم زمايلى فى الشغل و أقول لهم إن عمرى ما سقت توماتيكى بس بما إن مفيش دبرياج يبقى يمينى على البنزيم و شمالى ع الفرامل و أعيش بقى !! المنطق بيقول كده .. التاريخ بيقول كده .. و حتى "عبّاس الضوّ" بيقول كده ..!

لقيت واحد فيهم ضحك و قال لى لا حضرتك الشمال دى تنسيها خالص .. ممكن تعملى زى بعض الإخوه العرب و تربّعى رجلك الشمال تحتيكِ و انتِ سايقه أو الأسهل اقطعيها و ارميها .. ليه يا سيدى الكلام ده !! قال لأن حساسية الرجل الشمال على الفرامل عمرها ما هتبقى زى اليمين .. إييييييييييه ربنا يجلعنا من أهل اليمين و مبروك عليكِ يا ستّى و ليا عندك لفّه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عربية الاحلام..فانتازيا العربيات	toota	معرض الصور والفنون الجميلة	10	5th March 2009 03:31 AM
الستات وسواقة العربيات ( فيديوهات تحفة )	diab	خمسة فرفشة	10	1st March 2009 09:13 PM
ميك أب للسيدات من دوكو العربيات	diab	شؤون المرأة	2	15th February 2009 02:22 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

خدمات عامة

العربيات الصينى