مباراة مصر والجزائر

[همستى]

الصحف المصرية والعربية

اقتباس المشاركة الأصلية كتبت بواسطة ابتسامــة أعتقد أننا نحتاج للفوز بثلاثة أهداف وليس هدفين وأعتقد أنه من الصعب جدا أن نحرزها في فريق الجزائر كما أني أرى أن فريق الجزائر أفضل من فريقنا فنياً ومهارياً وبكل إنصاف يستحق أن يذهب إلى جنوب إفريقيا

اعتقد يا ابتسامة ان الجيل اللى بيلعب فى منتخب مصر فى الوقت الحالى يستحق وبجدارة انهم يلعبوا فى كاس العالم2010 فى جنوب افريقيا.

وبعدين فريقنا مش وحش اوى كدة علشان مش هنعرف نكسبهم 3/0 على ارضنا ووسط جمهورنا , لاننا كسبناهم قبل كدة5/2 , وبعدين فريقنا بجد بيلعب وهو ناقص لاعيبة اساسية فى كل مباراة وخاصة فى خط الهجوم اللى كل مباراة يتصاب مهاجم من بداية التصفيات .

وإن شاء الله لما يكتمل فريقنا بعماد متعب وعمرو زكى يرجع لمستواه هيشكل هو ومتعب قوة هجومية عالية , مع محمد زيدان وابو تريكة واحمد حسن وغيرهم من اللاعيبة المحترمة جدا.

وبعدين ما الجزاير اتعادلت مع رواندا زى ما احنا اتعادلنا مع زامبيا , يعنى كل الفرق ما بينا مباراتهم معانا فى الجزائر واحنا هنردهالهم فى مصر أن شاء الله.

بس قولوا يارب.

 

 

[النوبة حبيبتي]

وافق اتحاد كرة القدم علي طلب الجهاز الفني للمنتخب الوطني الأول لكرة القدم علي بدء المعسكر المفتوح يوم 27 أكتوبر الحالي يعقبه معسكر مغلق في محافظة أسوان وسيلعب المنتخب مباراةدولية ودية مع أحد الدول الآتية: ناميبيا أو استراليا أو البحرين.

 

 

[ابتسامــة]

أولا برحب العزيزة همستي بيننا
نورتِ الجبل

شخصياً .. لأ مش شايفة هذا الجيل يستحق أن يذهب إلى كأس العالم
وكل لاعبيه ليسوا بالمستوى اللائق لتمثيلنا عالميا وتجاربهم الاحترافية
تؤكد ذلك ..

المسألة مش مسألة احنا اتعادلنا وهما اتعادلوا ... المسألة فريقنا بيلعب
بخطة اللي يعرف لعبة يلعبها وبيفوز بدعاء الوالدين والجمهور العريض

في حين لاعبي الجزائر محترفين بجد ولاعبين أساسيين في أنديتهم الأوربية .. ويطبقون خطط تكتيكية ببراعة في الملعب ويفوزون عن جدارة واستحقاق ...

رغم كل ما كتبت ... فأنا بالطبع أتمنى وأدعو الله أن يوفق لاعبينا في مباراتهم القادمة وأن يفوزوا على الفريق الجزائري القوي بثلاثة أهداف أو أكثر بحيث لا يحتاجون لمباراة فاصلة ...

 

 

[ابتسامــة]

اقتباس المشاركة الأصلية كتبت بواسطة النوبة حبيبتي وافق اتحاد كرة القدم علي طلب الجهاز الفني للمنتخب الوطني الأول لكرة القدم علي بدء المعسكر المفتوح يوم 27 أكتوبر الحالي يعقبه معسكر مغلق في محافظة أسوان وسيلعب المنتخب مباراةدولية ودية مع أحد الدول الآتية: ناميبيا أو استراليا أو البحرين.

إشمعنى محافظة أسوان؟!
وإشمعنى ناميبيا أو استراليا أو البحرين؟!

 

 

[النوبة حبيبتي]

اقتباس المشاركة الأصلية كتبت بواسطة ابتسامــة إشمعنى محافظة أسوان؟! وإشمعنى ناميبيا أو استراليا أو البحرين؟!

اسوان عشان أقصى الجنوب وبعيد عن الصداع
لانه ليس هناك أجندة دوليه وهذة الفرق خاصة البحرين بتستعد لمباراة فاًصلة مع نيوزيلاندا

 

 

[af27_3]

فيديو هتلر كمان وكمان عن مباراة منتخب مصر والجزائر فى التصفيات المؤهلة لكاس العالم .....خش أتفرج هتلر بيقول أيه ....بس يارب يحصل أل بيقوله فعلا وما يحصلش عكسه ...........ربنا يستر .....أنا بدأت أتفائل برجوع أبو تريكه لفورمته والاعيبه كلها بتاعة الأهلى ألى أغلب المنتخب بيبقى منهم حاسس أنها مصحصحه الأيام دى .....زى بركات بردك ألىانا سامع أنه هيروح المنتخب الماتش الجاى ,....بس يارب حسن شحاته مايقلش عقله وياخد ميدو ولا عمرو زكى الأيام دى لأنه مش فورمه خالص ......أتفرجوا بقى .....

 

 

[msameh]

بكره جريده الشروق الجزائريه هتعمل عنك موضوع بحجه اهانه الشعب الجزائري







بصراحه
اخوانا في الجزائر مزودينها قوي قوي قوي
اي حد بيقول يا رب مصر تكسب ..... بيتبهدل
لدرجه انهم دخلوا كل المنتديات المصريه و مواقع الكوره المصريه و نازلين شتيمه فينا

ربنا يبعدهم عن المطاريد

 

 

[ابتسامــة]

مش ممكن فيديو هتلر ده فظيع

اقتباس المشاركة الأصلية كتبت بواسطة msameh بصراحه اخوانا في الجزائر مزودينها قوي قوي قوي اي حد بيقول يا رب مصر تكسب ..... بيتبهدل لدرجه انهم دخلوا كل المنتديات المصريه و مواقع الكوره المصريه و نازلين شتيمه فينا ربنا يبعدهم عن المطاريد

أنا حاسة انها هتبقى مشكلة جامدة جدا يوم الماتش
لأن مشجعين جزائريين كتير دايما يصاحبوا فريقهم
وكل اللي بيعملوه في المنتديات ده هيتعمل على أرض الواقع
وطبعا الجمهور المصري أصلا متحفز ... ربنا يستر

 

 

[msameh]

اقتباس المشاركة الأصلية كتبت بواسطة ابتسامــة أنا حاسة انها هتبقى مشكلة جامدة جدا يوم الماتش

تصدقي انا حاسس انهم بيعملوا كل دا عشان يبوظوا الماتش

دول مش سايبين حد في حاله ...... اعلاميين .... لعيبه كوره ..... حتي افراد عاديين

لو نطلع جدعان و نصبر عليهم لحد بعد الماتش بس ......

و بعدين

 

 

[ابتسامــة]

اقتباس المشاركة الأصلية كتبت بواسطة msameh تصدقي انا حاسس انهم بيعملوا كل دا عشان يبوظوا الماتش دول مش سايبين حد في حاله ...... اعلاميين .... لعيبه كوره ..... حتي افراد عاديين لو نطلع جدعان و نصبر عليهم لحد بعد الماتش بس ...... و بعدين

في الوسط الرياضي المتأزم أخلاقيا وفنيا واحترافيا ده
تفتكر حد بيفكر ويتعامل بعقلانية؟!
بجد والله انا حاسة إن يوم الماتش هيبقى مهزلة