Arabic Discussion Forum with a Special Interest in Travel and Immigration

dodojojo · 21st April 2013, 10:56 AM

بصراحة انا اتغاظت
لما لقيت الناس فى منتديات الهجرة التانية جمعت نفسها ورتبت امورها واحنا لسة
فحبيت اعمل الموضوع ده
علشان اى حد عنده سؤال او معلومة فى خطوات الهجرة وتجميع الورق وترتيبه على حسب النظام الجديد (مايو 2013 ) يشارك بيه هنا
او حتى نعمل support لبعض
لان الهجرة مشوارها طووووويل واحنا لسة بنقول فيه يا هااااااادى
لانى مؤمنة فعلا بان (كان الله فى عون العبد ما دام العبد فى عون اخيه)
ياللا يا جماعة انطلقووووووا
ملحووووظة: يا ريت اى حد يدخل المغارة مايدخلش بايده فاضية
لازم يكون جايب معاه معلومة ان مكانش عن نظام الهجرة يبقى عن ملفه ( وظيفته، خبرته، ايليتس،......)
ماهو مايرضيكوش اختكم الغلبانة تحاسب على المشاريب على الفاضى

dodojojo · 21st April 2013, 11:11 AM

وانا اول واحدة حبتدى بمعلومة علشان اعمل دعاية للمغارة فى يوم الافتتاح (حد يحطلى صورة الراجل اللى بيضرب نار)
بالنسبة لل assessment حضرتك لو وظيفتك مش طبية بتختار اى جهة من ال 3 الاولانين
الفرق ما بينهم فى ال processing time وفى الفلوس بس انا بصراحة مركزتش اوى فى الاسعار
Toronto university بتاخد حوالى 11اسبوع
ICAS بتاخد حوالى 3 شهور
WES المفروض انها بتاخد 7 ايام عمل
فبالتالى ال WES هى افضلهم
لو حضرتك وظيفتك طبية يبقى اجبارى لازم تختار الجهة الرابعة(الاخيرة)
ياللا مستنياكووووا
*

*

akrambabike · 21st April 2013, 11:49 AM

طيب ابتدي لكم انا ...
مهنتي في الليستة موجودة ( financial analyst ) محلل مالي .. بس لسة في مشكلتين
الاولي : الايلتس امتحنت جبت 6 اسبيكنك . 5.5 ريدنق ورايتنق .5 لسننق .....
بس حاجز علي امتحان 27 ابريل .. دعواتكم معايا

الثانية : في النوك الكندي .. وظيفة محلل مالي في مواصفات الموظف مفروض يكون عندو دورات تدريبية أو شهادات خاصة بالتحليل المالي ... وانا ماعنديش غير شهادة البكالريوس ( محاسبة ) وخبراتي في العمل هي الي بعتمد عليها . ضروري دورات تدريبية ؟ ولا يكفي الجوب دسكربشن في شهادة الخبر ؟
ارجو الافادة

مهاجرة · 21st April 2013, 08:20 PM

السلام عليكم
انا بصراحة اختصاصي ماجستير علوم فيزياء لكني حاليا اشتغل فيزياوية في مستشفى في مختبر لقياس فحص السمع وانا لقيت الوظيفة
3141 Audiologists and speech-language pathologists
اللي هية تعني الاطباء اللي اختصاصهم بالسمع والتخاطب
ولقيت الوظيفة
3211 Medical laboratory technologists

طيب السؤال : ممكن انا اقدم على وحدة منهم ولا ماينفعش؟ وخصوصا اذا عملت تقييم للشهادة حتكون شهادة ماجستير في الفيزياء

ارجو افادتي ولكم جزيل الشكر

dodojojo · 21st April 2013, 09:21 PM

يا هلا يا هلا بالمطاريد اللى نورونى فى المغارة
بالنسبة لامكانية التقديم تبع النوك اللى اختارتوها
انا حقولوكم رايي المتواضع اللى يحتمل الصواب ويحتمل الخطا
متهيالى ان اهم حاجة انكم تقروا الجوب ديسكريبشن بتاع النوك كويس اوى
وان تكون شهادة الخبرة بتاعتكم متوافقة معاه
متهيالى ان ده اهم من الشهادة الدراسية
لان ال assessment بتاع الشهادة ده للتاكد من موافقتها لمثيلاتها الكندية ولم فلوس وتعطيل للناس شوية لحد ما يخلصوا من مشكلة الباكلوج
زى ما الناس كانت بتقدم قبل كدة حتى لو شهاداتها مش ماشية اوى مع النوك لكن المهم الخبرة
لانك بتقول للاوفيسر انا لما اروح كندا حشتغل كذا لان خبرتى فى كذا
وبصراحة احنا مقدمناش اوبشنز كتير لان من السنة الجاية حيتغير النظام خالص وكل شوية بيصعبوا اكتر واكتر
فانا لو منكم حقدم السنادى لان على اسوء الظروف حخسر فلوس احسن ما اخسر فرصة وارجع اندم عليها
وان شاء الله باذن الله مش حيبقى فيه خسارة ولا ندم
تحياتى

dodoeight · 22nd April 2013, 07:20 AM

أنا وظيفتي في اللستة 2134، ناوي ان شاء الله امتحن الايلتس جنرال يوم 16 مايو، الشهادات بدأت في ارسالها للويس WES

بالنسبة لشهادة الخبرة عندي سؤال: هل يمكن أن يكون جزء من فترة الخبرة أثناء دراستي الجامعية، يعني على اعتبار اني شغال بارت تايم ؟ و لا الا يتم حسابها من بعد تاريخ التخرج من الجامعة

شكرا

lolololo · 22nd April 2013, 01:12 PM

بالنسبة النا تخصصي بالليست ٢١٧٤ مبرمج ومعي شهادات عالمية بس للاسف ماعندي خبرة عملية خبرتي اكاديمية في الجامعات فمش حينفع اقدم انا

وزوجي كمان وظيفتو في الليست بس لهلا مش قادر يجيب سكور الايلتس صراحة

يارب يكتبلنا ونقدر نقدم السنة

om saif · 22nd April 2013, 10:52 PM

فين لينك الليسته من فضلكم
ومطلوب منيمم كام بالايلتس لو اللي مقدمه مكمله 67 كلهم لازم تجيب كام بالايلتس بكل سكيل

shawi · 23rd April 2013, 01:05 AM

اقتباس

المشاركة الأصلية كتبت بواسطة om saif


	فين لينك الليسته من فضلكم ومطلوب منيمم كام بالايلتس لو اللي مقدمه مكمله 67 كلهم لازم تجيب كام بالايلتس بكل سكيل

اللي قراته يا ام سيف ان المطلوب 6 في كل مهاره من الاربع مهارات
اللسته موجود لها رابط في موضوع اسمه لسته 2013
وانا كنت حطيت المهن كلها
كمان فيه روابط للاماكن اللي يتم بعتان الشهادات عليها علشان تقييمها
مع التحيه

dodojojo · 23rd April 2013, 12:52 PM

اقتباس

المشاركة الأصلية كتبت بواسطة dodoeight


	أنا وظيفتي في اللستة 2134، ناوي ان شاء الله امتحن الايلتس جنرال يوم 16 مايو، الشهادات بدأت في ارسالها للويس WES بالنسبة لشهادة الخبرة عندي سؤال: هل يمكن أن يكون جزء من فترة الخبرة أثناء دراستي الجامعية، يعني على اعتبار اني شغال بارت تايم ؟ و لا الا يتم حسابها من بعد تاريخ التخرج من الجامعة شكرا

للاسف معنديش معلومات عن موضوع الخبرة خلال الدراسة
بس اللى اعرفه ان الخبرة لازم تكون فل تايم اوتتحسب بنص المدة لو بارت تايم

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
اللى وظيفته فى لستة مايو2013يجمع هنا	الهجرة إلى كندا	ahmedfathycib	112	14203	21st April 2013 10:56 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

اللى وظيفته فى لستة مايو2013يجمع هنا