زراعيين وكيميائيين مهاجرين الى كندا

[phrma]

الصحف المصرية والعربية

هما الكيميائيين فين يا جماعه انا عاوز اسال على الباسبور بتاعى اكتب فيه كيميائى بس ولا
لازم اكتب كيميائى بشركة كذا عشان فى المطار فى سوريا ميعلقونيش
ارجو الافادة ومعادلة الموضوع فى اذهانكم واعطائى نتيجة التفاعل بنواتج الجانبية وظروف التفاعل

 

 

[3omda To]

اقتباس المشاركة الأصلية كتبت بواسطة فارما هما الكيميائيين فين يا جماعه انا عاوز اسال على الباسبور بتاعى اكتب فيه كيميائى بس ولا لازم اكتب كيميائى بشركة كذا عشان فى المطار فى سوريا ميعلقونيش ارجو الافادة ومعادلة الموضوع فى اذهانكم واعطائى نتيجة التفاعل بنواتج الجانبية وظروف التفاعل

كيميائي + مطار سوريا ← هتتعلق هتتعلق

ان شاء الله ربنا يسهلهالك يا اخي وييسر سفرك
تفائلوا بالخير تجدوه

 

 

[HAMOUDI]

اقتباس المشاركة الأصلية كتبت بواسطة صعيدي من مونتريال كيميائي + مطار سوريا ← هتتعلق هتتعلق ان شاء الله ربنا يسهلهالك يا اخي وييسر سفرك تفائلوا بالخير تجدوه

إقتراحي انك تسافر قبل المقابله بيومين على الاقل علشان اذا حجزوك في مكار سوريا واذا انت متجوز يعني مافيش خوق قوي هما بيدقوا مع الاعزب اوعى تنسى جواب المقابله وواجبك اذا كان في قبول ان شاء الله تبلغ الموظف الى بيقابلك باللي بيحصل في المطار واذا كان معاك زملاء خليهم يكلموا السفاره المصريه هي صحيح مالهاش لازمه بس كان لها دور قبل كده في خروج بعد الناس

 

 

[ReYYaN]

اقتباس المشاركة الأصلية كتبت بواسطة HAMOUDI إقتراحي انك تسافر قبل المقابله بيومين على الاقل علشان اذا حجزوك في مكار سوريا واذا انت متجوز يعني مافيش خوق قوي هما بيدقوا مع الاعزب اوعى تنسى جواب المقابله وواجبك اذا كان في قبول ان شاء الله تبلغ الموظف الى بيقابلك باللي بيحصل في المطار واذا كان معاك زملاء خليهم يكلموا السفاره المصريه هي صحيح مالهاش لازمه بس كان لها دور قبل كده في خروج بعد الناس

امال لو تعرفو ان زوج اختى اللى مكتوب فى جواز سفره كيميائى وواخد كورسات من هيئة الطاقة الذرية مقابلته الاسبوع الجاى فى سوريا 31-1-2010 وان لله وان اليه راجعونمش عارف هيعدى من المطار ازاى وعشان كده حجزو طيران قبلها بيومين عشان لو لا قدر الله حصل حاجه وعلى العموم ممكن اختى تبقى تروح المقابلة وتقولهم اللى حصل

 

 

[HAMOUDI]

اقتباس المشاركة الأصلية كتبت بواسطة ReYYaN امال لو تعرفو ان زوج اختى اللى مكتوب فى جواز سفره كيميائى وواخد كورسات من هيئة الطاقة الذرية مقابلته الاسبوع الجاى فى سوريا 31-1-2010 وان لله وان اليه راجعونمش عارف هيعدى من المطار ازاى وعشان كده حجزو طيران قبلها بيومين عشان لو لا قدر الله حصل حاجه وعلى العموم ممكن اختى تبقى تروح المقابلة وتقولهم اللى حصل

خليها اذا لاقدر الله تقعد معاه في المطار نظام مش هامشي الا بيه لان الحكايه دي نفعت مع ناس كتير وخليها واقفه جنبه دائما لان نظرتهم للاسر بتختلف ويبقة معاه تليفون السفاره المصريه الاعظيمه لانها بتقدم خمات جامده للمصريين في الخارج بس يارب مايكون السفير نايم او مشغول بأكل الملوخيه زي كل مره

 

 

[ReYYaN]

اقتباس المشاركة الأصلية كتبت بواسطة HAMOUDI خليها اذا لاقدر الله تقعد معاه في المطار نظام مش هامشي الا بيه لان الحكايه دي نفعت مع ناس كتير وخليها واقفه جنبه دائما لان نظرتهم للاسر بتختلف ويبقة معاه تليفون السفاره المصريه الاعظيمه لانها بتقدم خمات جامده للمصريين في الخارج بس يارب مايكون السفير نايم او مشغول بأكل الملوخيه زي كل مره

انا اقصد انها تسيبه ده لا قدر الله لو حضر معاد المقابلة وهما لسه محتجزينه لا قدر الله وزى ما قلتلك فى يومين بين ميعاد الوصول لسوريا والمقابلة ومستحيل تسيبه فى اليومين دول طبعا بس والله انا بدأت اقلق فعلا قوى رغم اننا كنا عادى جدا قبل قراءة الكلام اللى فات ده
الموضوع ده لو اثير بالقوة دى من زمان كان فى اعتقادى ممكن يبقى ذريعة لنقل المقابلة مصر ولا انت شايف ايه يا استاذ حمودى؟
بس خلاص افنكر مفيش حل تانى ولابد من المجازفة

 

 

[omaraziz]

شوف يا ReYYaNمن واقع تجربتي المريرة مع في مطار دمشق!!!اولا الفلوس عندهم شيء مهم يعني لا قدر الله لو حصل اي حاجه لزوج اختك خليه يمد ايده في 10 دولار ويديهم لرجل الامن اللي بيكلمه...و يديها لبتاع الجوازات لو شك انه هيرخم معاه...الموضوع ده انا معرفتوش غير بعد فوات الاوان و ده كان هيفرق معايا كتييييييير....ثانيا يخلي تليفونه علي التجوال و لو حصل اي حاجه يكلم حبيب السواق او اي حد مصري في سوريا هو يعرفه او اي حد سوري!!!!ثالثا يحاول يكلم السفارة المبجله بتاعتنا اللي طبيعي جدا مش هتعمله اي حاجه خالص زي ماحصل معايا...اول صاحبي ماكلمهم قالولوه انتم اكيد ياجايين تهربوا علي لبنان او رايحين العراق قمه الذكاء ماشاء الله عليهم....و لو احتجت اي معلومات تانيه انا تحت امرك

 

 

[phrma]

يا رايان اطمن انشاء الله خير ما تقلق وراح يرجع ومعاه csq
دلوقت يا جماعه ياريت اهم شى اى حد يعرف اى حاجة عن معادلة الكيميائيين يكتبها هنا حتى ولو معلومة صغيرة عشان الناس اللى عندها مقابله او الناس اللى مسافر زاى الاخ عمر اللى كلنا بنقوله الف الف مبروك وربنا يوفقك

 

 

[HAMOUDI]

اقتباس المشاركة الأصلية كتبت بواسطة ReYYaN انا اقصد انها تسيبه ده لا قدر الله لو حضر معاد المقابلة وهما لسه محتجزينه لا قدر الله وزى ما قلتلك فى يومين بين ميعاد الوصول لسوريا والمقابلة ومستحيل تسيبه فى اليومين دول طبعا بس والله انا بدأت اقلق فعلا قوى رغم اننا كنا عادى جدا قبل قراءة الكلام اللى فات ده الموضوع ده لو اثير بالقوة دى من زمان كان فى اعتقادى ممكن يبقى ذريعة لنقل المقابلة مصر ولا انت شايف ايه يا استاذ حمودى؟ بس خلاص افنكر مفيش حل تانى ولابد من المجازفة

ان شاء الله انا هانقل الكلام ده للناس الي في وزارة خارجية كيبك وانا اعمل الي عليا وانتم الي عليكم

 

 

[3omda To]

اقتباس المشاركة الأصلية كتبت بواسطة فارما يا رايان اطمن انشاء الله خير ما تقلق وراح يرجع ومعاه csq دلوقت يا جماعه ياريت اهم شى اى حد يعرف اى حاجة عن معادلة الكيميائيين يكتبها هنا حتى ولو معلومة صغيرة عشان الناس اللى عندها مقابله او الناس اللى مسافر زاى الاخ عمر اللى كلنا بنقوله الف الف مبروك وربنا يوفقك

كل اللي اعرفه ان المعادله في كيبيك بتاخدلها 8 شهور
وعلى فكرة المعادلة مطلوبه في كيبيك وبس
لكن لو رحت اونتاريو او البرتا مثلا ممكن تشتغل من غير معادلة واظن باقي كندا نفس الشئ