Arabic Discussion Forum with a Special Interest in Travel and Immigration

KANE · 23rd October 2014, 06:29 AM

مفاجأة: «آرابتك» تطلب تحويل «المليون وحدة» إلى «إسكان متوسط»
كتب : أحمد مصطفى
الأربعاء 22-10-2014 13:07

فى خطوة مفاجئة، قررت شركة آرابتك الإماراتية المنفذة لمشروع المليون وحدة بالتعاون مع القوات المسلحة، تحويل المشروع للإسكان المتوسط بدلاً من محدودى الدخل. وقالت مصادر مطلعة لـ«الوطن» إن الشركة تتفاوض مع وزارة الإسكان حالياً للحصول على أراضٍ مقابل حصة عينية من الوحدات، أسوة بما تم لصالح شركة طلعت مصطفى فى مشروعى «الرحاب»، و«مدينتى».

وأضاف المصدر أن طلب «آرابتك» المشاركة بحصة عينية جاء مفاجئاً، بعد أن أكدت طوال الفترة الماضية نيتها دفع مقابل الأراضى التى ستقيم عليها المشروع بالتعاون مع وزارة الدفاع. وقال كمال فهمى، النائب الأول لرئيس هيئة المجتمعات العمرانية إن أسعار المليون وحدة التى ستنفذها «آرابتك»، بعد هذا الطلب، ستكون أعلى من الوحدات التى تنفذها وزارة الإسكان ضمن مشروع الإسكان الاجتماعى، مضيفاً: «غالباً هتكون الشقق لمتوسطى الدخل، ولسه مدخلناش فى التفاصيل، لكن الخطوط العريضة بتقول إنه هيكون إسكان متوسط، بمساحة من 90 إلى 120 متراً، بأسعار أعلى من الإسكان الاجتماعى».

وكانت وزارة الإسكان أعلنت بداية الشهر الحالى عن بدء التفاوض مع شركة آرابتك على حصة الوزارة من وحدات المشروع مقابل تخصيص أراض للشركة فى المدن الجديدة التى تمتلك هيئة المجتمعات العمرانية الجديدة حق التصرف فيها، على أن يتم تحديد سعر متر الأرض المرفقة، عقب الاتفاق على باقى الإجراءات المنظمة للوصول إلى أفضل طريقة للتنفيذ.

https://www.elwatannews.com/news/details/581664

حشيش · 23rd October 2014, 12:58 PM

«المجتمعات العمرانية» تطرح وحدات إسكان «متوسط» تبدأ من 250 ألف جنيه (صور)

المصــــــــــــــــــدر

حشيش · 23rd October 2014, 01:00 PM

أنا يظهر علشان بقالى كتير عايش بره مصر كنت فاكر لحد النهارده إن 250 ألف جنيه مبلغ كبير!

KANE · 23rd October 2014, 01:10 PM

اقتباس

المشاركة الأصلية كتبت بواسطة حشيش


	أنا يظهر علشان بقالى كتير عايش بره مصر كنت فاكر لحد النهارده إن 250 ألف جنيه مبلغ كبير!

مايجبش بيبسي دلوقت في مصر

يسر · 23rd October 2014, 01:37 PM

الاسكان المتوسط في حدود 450 الف الوحدة

tiopf · 23rd October 2014, 07:13 PM

احب اشكر صاحب الموضوع على جهده الدؤوب لابراز كل سليبات مصر تحت حكم السيسى
كأن الشعب طالما اختار السيسى كشخص للرئاسة لازم يتعاقب
وتدليلا على كلامى اسم الموضوع ( البس يا شعب .........) وغيره موضوعات عدة ع صفحات المنتدى

فياريت حضرتك تعرف ان السياسة دى مش نافعة
وطفشت ومازالت بتطفش الناس من حواليكم
اما عن ثمن الشقة اللى ب 250 الف ....يعنى لاتتجاوز 35 الف دولار
فحضرتك مكان مانتا عايش ياريت تقولى لو وحدة سكنية بالثمن دا
تحياتى لك

KANE · 23rd October 2014, 10:05 PM

اقتباس

المشاركة الأصلية كتبت بواسطة tiopf


	اما عن ثمن الشقة اللى ب 250 الف ....يعنى لاتتجاوز 35 الف دولار فحضرتك مكان مانتا عايش ياريت تقولى لو وحدة سكنية بالثمن دا تحياتى لك

احب انت حضرتك تقولنا شاب مصري عادي بيشتغل - whatever فين حكومة ولا خاص-

يقدر يجيب ال 250 الف

أو

35 الف دولار

في كام سنة

that is the question

تحياتي المتبادله

KANE · 23rd October 2014, 10:08 PM

اقتباس

المشاركة الأصلية كتبت بواسطة tiopf


	احب اشكر صاحب الموضوع على جهده الدؤوب لابراز كل سليبات مصر تحت حكم السيسى كأن الشعب طالما اختار السيسى كشخص للرئاسة لازم يتعاقب وتدليلا على كلامى اسم الموضوع ( البس يا شعب .........) وغيره موضوعات عدة ع صفحات المنتدى فياريت حضرتك تعرف ان السياسة دى مش نافعة وطفشت ومازالت بتطفش الناس من حواليكم

بما ان الناس اختارت طريق غير الديموقراطية

تشرب المر

لو انت مفكر ان الحكاية اخوان او اسلاميين تبقى غلطان

الفكرة ان كان قرارك لأول مره بأيدك زي بقيت الناس في كوكب الأرض الشقيق

كون انك جبت ضلفها وسلمتها للعسكر اشرب

KANE · 23rd October 2014, 10:12 PM

اقتباس

المشاركة الأصلية كتبت بواسطة tiopf


	[COLOR="Navy" كأن الشعب طالما اختار السيسى كشخص للرئاسة لازم يتعاقب

[/COLOR]

محمد علي عامر · 24th October 2014, 08:26 AM

اقتباس

المشاركة الأصلية كتبت بواسطة tiopf


	احب اشكر صاحب الموضوع على جهده الدؤوب لابراز كل سليبات مصر تحت حكم السيسى كأن الشعب طالما اختار السيسى كشخص للرئاسة لازم يتعاقب وتدليلا على كلامى اسم الموضوع ( البس يا شعب .........) وغيره موضوعات عدة ع صفحات المنتدى فياريت حضرتك تعرف ان السياسة دى مش نافعة وطفشت ومازالت بتطفش الناس من حواليكم اما عن ثمن الشقة اللى ب 250 الف ....يعنى لاتتجاوز 35 الف دولار فحضرتك مكان مانتا عايش ياريت تقولى لو وحدة سكنية بالثمن دا تحياتى لك

هو حضرتك بتدافع عن إيه بالظبط؟
هو مين اللي بيعاقب الشعب؟؟ صاحب الموضوع أم صاحب القرار في مصر؟؟
صاحب الموضوع بينقل الخبر
أما صاحب القرار في مصر فهو من يصنع تلك المصائب.

ثمن الشقة في الغرب أضعاف ثمنها في مصر ولكن في نفس الوقت دخل الفرد في الغرب أضعاف أضعاف أضعاف أضعاف دخله في مصر وبالتالي لا وجه للمقارنة.

كلام سيادتك ده فكرني بمن كانوا يدافعون عن عدم دفع نجيب ساويرس ضرائب عن ال 69 مليار جنيه أرباحه في صفقة بيع أحد المنهوبات التي نهبها من الشعب معتبرين أن هذا ظلم ضده لأن القانون لا يجبره على دفع ضرائب عن تلك الأموال القارونية. في الوقت الذي لن يزيد دخل من يدافعون عن هذا الساويرس عن جنيهات معدودة

.

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
في ذكر 25 يناير القبض على اشرف حمدي	شؤون مصر الداخلية	حشيش	1	2418	26th January 2021 07:57 PM
البدائل الحرة للبرامج	الكمبيوتر والإنترنت	Mafia	19	5934	13th November 2020 07:50 PM
خلاصة القول في تعديلات الدستور	توعية جماهيرية	حشيش	1	1616	5th February 2019 12:26 PM
من عين جمال عبد الناصر	تاريخ مصر	KANE	0	3722	3rd February 2019 07:29 PM
نزلة السمان - كنا هناك من اجلكم	شؤون مصر الداخلية	حشيش	3	1913	21st January 2019 05:37 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مال وأعمال

البس ياشعب، «آرابتك» تطلب تحويل «المليون وحدة» إلى «إسكان متوسط»