تجارب شخصية إيجابية

[مصري سكندري]

الصحف المصرية والعربية

الموضوع كنت عايز أتكلم فيه لكن ما كنتش فاضي

الحكاية تجارب من الغربة

حاتكلم على تجربتي في الامارات

أول حاجة في الشغل

أنا مدرس

السنة دي بس اتعمل في مدرستي 15 دورة تدريبية مهنية للمدرسين

اللي عمل الدورات دي خبراء من كل أنحاء العالم

بريطانيين - أستراليين - نيوزيلانديين - مصريين.

عن التعليم التعاوني Collaboration learning

و التعليم البناء Constructive learning

العملية التعليمة محورها الطالب Student center learning

كيفية تقييم الطلاب تقييماً مستمراً Continues assessment

كيف تسأل الطالب How to make your questions?

و غيرها الكثير
و خارج المدرسة 3 دورات تدريبية من خبراء نرويجيين و هولانديين

ممكن أعرف كم دورة تدريبية بياخذها المدرس في المدارس الحكومية في مصر

و يا ترى مين اللي بيقوم بمهمة تطوير المدرسين؟

الخطة الحكومية لدولة الامارات للتعليم هدفها سنة 2020 أن تصبح دولة الامارات هي الرابعة على مستوى العالم كأحسن نظام تعليمي
طبعا من كل النواحي
إدارة مدرسية
مدرسين
بيئة تعليمية
كل شئ
كل شئ

على فكرة الامارات ليست أغنى من مصر مهما قيل عن البترول

لا الامارات بس فيها ناس أمينة تقود الدولة ليس هدفها الاستيلاء على ثروات البلد بالعكس هدفها رفاهية الشعب و تغييره ليصبح على مستوى أكثر دول العالم تقدماً

الكلام ده حقيقة أنا مقتنع بيها جداا

و نفسي مصر تبقى كده .. حكومات لها أهداف كبيرة تسعى لتحقيقها

و حاتكلم تاني في حاجات إيجابية كتير نفسي أشوف زيها في بلدي مصر حبيبتي

 

[متفائل]

شكرا على الموضوع
ضروري نتابع التجارب الناجحة ونتعلم منها
وزي ما قلت مصر أغني من الإمارات - المشكلة في النوايا - ياترى اللي ماسكين البلد دلوقتي عندهم نية الاصلاح ولا هما ماسكينها من رقبتها - ربنا يستر