Arabic Discussion Forum with a Special Interest in Travel and Immigration

ابو ادم · 9th June 2013, 12:52 AM

بسم الله الرحمن الرحيم

في هذا الموضوع سنتاول رحلة اسطنبول لتكون مرجع للاعضاء. الموضوع كبير مع اكثر من الف صوره ساحالو ان اختصرها قدر الامكان.

اولا التذاكر افضل الاماكن من اكسبيديا او مصر للطيران. متوسط التذكرة 2500 رايح جاي.
حاجات مهمة جدا:
ا- سطنبول بلد رائع ولكن فيه عيب خطير. محدش بيتكلم انجليزي ولا فرنساوي. فقط تركي. يبجوا انهم لايتعلمون الانجليزيه من الاعداديه زينا. اعتقد بياخدوها في الجامعة فقط زي معظم دول شرق اوروبا. مفيد جدا - تعلم بعض الكلمات التركيه لان الموضوع مزعج بشكل لا يتخيله احد. ستكتشف مواهبك مع لغة الاشارة. صدقني.
- لو عندك اندرويد نزل برنامج جوجل ترانلسليت مع offline package للغات العربيه والتركيه والفرنسيه (عشان المذاكرة في الفندق) والانجليزيه. مش عارف ابل قلبها حنين على ملاك الاي فون وسامحلهم يسطبوا منتجات جوجل ولا لا.
-في جوجل مابس كيش مدينة اسطنبول او على الاقل المنطقه بين الفندقين.
-الثري جي مع التجوال تصرف احمق. انا شفت كام ايميل ورديت عليهم بميت جنيه رصيد. فما بالك مابس وخلافه.
- شغل التجوال من مصر قبل ماتسافر.وبلاش سلفني شكرا مع التجوال.
- لو عندك اطفال هات قزازة اوجمنتين لكل طفل. وشريط اوجمنتين 625 لكل بالغ. مسكنات باراسيتامول وبوروفين وكيتوفان. بلاش زولام وكاليمبام وترامدول عشان التوتر من الانترفيوا الا لو عايز الانترفيوا في المطار اول ماتوصل. لو هاتتمشى كتير هات مرهم بردرم. الصيدليات في اسطنبول ارخص من مصر بس نادره نوعا وبتقفل سبت واحد وبيدرسوا صيدله بالتركي.
- لو النت بطئ في الفندق اتصل بمحمد عيسى وقله يبطل داونلود.
- في المطار فيه مخرج مخصص للعرب اسمه جوازات 2 . لو معاك اطفال لازم تخرج منه لانه الوحيد اللي عارف ان الاطفال بتاخد الفيزا في المطار.لو ممعكش ممكن تخج من شباك عادي. احنا ضيعنا 3 ساعات بس في الموضوع ده.
احنا حجزنا في فندق بيرا كابيتول اللي مدام لي لي رشحتهولنا. كويس جدا ومعقول. الليله ثمنها 80 يورو.
- لما تركب تاكسي اشترط عليه انه بالعداد. والا ستندم.
- احتفظ بكل الفواتير واسترد الضريبه في المطار من 8 الى 18 في المائه. انا لم افعل لاني وصلنا متاخر وكان في مشكلة في احد التذاكر. احنا طلعنا الطياره من هنا وقفلوا الباب من هنا.
- الوجبات الغداء من 10 الى 30 ليره للفرد حسب الطلب ومستوى الاكل. الافطار في الفندق اوبن بوفيه والعشاء متوسط 5 الى 10 ليره للفرد.
- حجر الشيشه بخمسه ليره.
- لو هاتخرج مع اطفال دبس كارت الفندق في جيب كل طفل ورقم تليفونك ورقم السفارة المصرية وعنوانها ان امكن. الشرطه لاتتكلم الانجليزيه ولو حصل اي مشكله ستكون في موقف لا تحسد عليه. ممكن تقوله الطفل تاه يقولك خد تاكسي بعشرة ليره. ساعدهم عشان يساعدوك.

دا مدخل الفندق

قد تكون محظوظا وتجد عازف في استقبالك

او ثائر

شارع الفندق

وللحديث بقية.

midomansour · 9th June 2013, 01:43 AM

موضوع متميز يا ابا أدم
ولم يتطرق احد لتركيا بالصور
بالتوفيق

Bachar · 9th June 2013, 05:09 AM

شكرا يا ابو ادم على التوبيك الجميل و الصور الحلوة

زعلان · 9th June 2013, 05:31 AM

اخبار المظاهرات و الحفريات بتاعة الاستعدادات للالومبيات ايه هل مأثرة فعلا على الحركة و المرور و السياحة و لا تأثيرها بسيط
في ناس بتفكر تسافر سياحة فاياريت لو تقدر تفيد

maxeen · 9th June 2013, 05:45 AM

شكرا يا ابوآدم على الموضوع الهايل ده, إنت هتسهلنا كتير , يا رب يوفقك زي ماإنت بتخدم الناس.

أنا عايزة أسألك هو احنا إزاي بنكييش على جوجل مابس المنطقة اللي بين اللي احنا عايزينها؟؟؟ ممكن تقولي بتتعمل إزاي دي؟

BigMack · 9th June 2013, 06:00 AM

الحمدالله على السلامه وربنا يوفقك ،،
وفعلا اسطنبول مدينة رائعه

Mohamedzizo · 9th June 2013, 06:39 AM

حمدا لله علي سلامتك ومره تانيه الف مبروك وبالتوفيق في باقي المشوار
فكرة التوبيك رائعة وشكرا علي مجهودك اكيد هيفيد كل الناس
موفق بإذن الله ... لك مني أجمل تحية .

Lee Lee · 9th June 2013, 11:30 AM

ابو ادم موضوع مفيد والف مبروك حصولك على السي اس كيو

فكرتنى باجمل ايام قضيتها هناك - مدخل الفندق واللوبى وحوض السمك لهم ذكريات

تركيا بلد جميلة ورخصية وفعلا ارخص من دبي وبيروت

لكن حابة اسال عن موضوع

استرد الضريبه في المطار من 8 الى 18 في المائه
معلش انا مش فاهمة النقطة دى يا ابو ادم ياريت توضحهالى اكتر

ابو ادم · 9th June 2013, 12:57 PM

اقتباس

المشاركة الأصلية كتبت بواسطة زعلان


	اخبار المظاهرات و الحفريات بتاعة الاستعدادات للالومبيات ايه هل مأثرة فعلا على الحركة و المرور و السياحة و لا تأثيرها بسيط في ناس بتفكر تسافر سياحة فاياريت لو تقدر تفيد

مفيش اي حاجة احنى قضينا نص يوم في تقسيم نطعم الحمام. الاجواء كرنفاليه اكثر.بس الخذر واجب لان من خبرتي في مصر الضرب بياتي فجاة.

ابو ادم · 9th June 2013, 01:02 PM

اقتباس

المشاركة الأصلية كتبت بواسطة maxeen


	شكرا يا ابوآدم على الموضوع الهايل ده, إنت هتسهلنا كتير , يا رب يوفقك زي ماإنت بتخدم الناس. أنا عايزة أسألك هو احنا إزاي بنكييش على جوجل مابس المنطقة اللي بين اللي احنا عايزينها؟؟؟ ممكن تقولي بتتعمل إزاي دي؟

في اندروويد بتشغل مابس وتجيب مدينة اسطبول . وتفتح الستلايت والواي فاي. تفتح الاوبشن وتختار More بعدين Make available offline
هايديك مربع في الخريطه وتجيب المنطقة اللي انت عاوزها جوا المربع .وتقوله done.كل ماتزوم بعيد هايحتاج مساحة اكبر. وهكذا

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
هل محمد مرسي شخص وطني ام لا	شؤون مصر الداخلية	دكتور مهندس جمال الشربيني	4	1669	15th July 2013 03:50 AM
اسطنبول المرشد المصور	الهجرة إلى كندا	ابو ادم	25	3921	9th June 2013 12:52 AM
الغاء نتائج قرعة اللوتري لامريكا	أرشيف الباب	Eng A7m3d	14	5538	14th May 2011 01:02 PM
مريم	شؤون مصر الداخلية	ابو ادم	0	946	2nd January 2011 04:17 AM
اسالكم الدعاء لامي	ترحيبات ... مناسبات ... علاقات عامة	مارلون	30	3274	22nd December 2010 10:06 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

اسطنبول المرشد المصور