لو دى المساواه بين المرأة والرجل (امراض القلب) مش عاوزينها.!!!

[Badroora]

عزيزتى المرأة قلوبنا فى خطر خدعونا وقالوا ان نسبة الاصابة بامراض القلب فى الرجال اضعاف منها فى النساء قبل سن اليأس
والسبب هو الهرمونات التى تقوم بدورها بحماية شرايين المراة من التصلب و الانسداد

لكن اخر الابحاث قالت كلنا at risk رجال نساء كله واحد (يعنى منتسويش بيهم غير فى الامراض )

صوتنا انبح ورجلينا حفية من المنادا بالمساواه المساواه اشربوا بقي ادينا اتسوينا بيهم اتسوينا بيهم
انا مش عاوزة المساواه دي
استراحة قصيرة انشف دموعى وارجع اكمل
قلبي معاكم يا اخواتى

 

[Badroora]

المشكلة الكبرى هنا ليست فقط ان النساء اصبحن متساويين مع الرجال فى نسبة الاصابة بامراض القلب لا.
بل ان النساء اخطر منهم !! عادة النساء قبل سن اليأس لم يتم التعامل معهم بعناية وخصوصا اذا كانوا يعانون من اشتباه فى نوبات قلبية لان الكل على يقين بان النساء محميات بالهرمونات التى تمنح الاوردة والشرايين ليونه ومرونه ضد التلصب ولكن..

المشكلة اصبحت اصعب بالنسة للنساء عنها فى الرجال لصعوبة الوصول الى الشخيص الصحيح فى بداياته.لان اعراض النوبات القلبية المتعارف عليها وواضحه جدا فى الرجال تختلف شكلا و موضوعا عند النساء مما يترتب عليه صعوبة اكشتاف المرض مبكر.

يتيع ....عزيزتى المراة لنا رب كريم متقلقيش

 

 

[رمضان]

ايه القر ده على الصبح
المساواة لازم تكون في كل شيء
على فكرة الرجالة صحتهم دايما احسن الحمد لله الله يديم علينا النعم

 

 

[Badroora]

اقتباس المشاركة الأصلية كتبت بواسطة رمضان ايه القر ده على الصبح المساواة لازم تكون في كل شيء على فكرة الرجالة صحتهم دايما احسن الحمد لله الله يديم علينا النعم

من حقك يا ابو صيام ربنا ع المفترى

 

 

[nona alawaal]

اكيد يا بدرية نسبة الاصابة فى كل الامراض اكثر بين السيدات لانهم هما اللى شيلين كل العبء بتاع الاسرة بره و جوه وحياتك
هو بيعمل ايه غير الشغل بره ... و لو شال ورقة من على الارض يقول اااااااه تعبت و ساعدت و يمكن يقول ده هو اللى عمل كل حاجة
تعرفى كان لى صديقة المانيا ... واحد مصرى من انصار التعداد ...ضحك عليها و قال لها اصل مراته علطول نايمة و مش بتعمل شىء هو اللى بيطبخ و يغسل و يربى و يذاكر و يودى و يجيب و يشتغل جوة و بره ..... هم اصلهم مفتاريين و مبيعيوش خالص

 

 

[Badroora]

عشان كدا يا نونا يختى لازم ناخد بالنا من نفسنا شوية اقهرية يا ختى واحشريه فى كل كبيرة وصغيرة احنا بقينا ارباب مرض يختى

 

 

[oskasan]

يمهل ولا يهمل

ربنا على المفترى

 

 

[Badroora]

اقتباس المشاركة الأصلية كتبت بواسطة oskasan يمهل ولا يهمل ربنا على المفترى

على راى المثل متشمتوش فى الناس دا كاس والداير ع الراس

من اقوالى الماثورة

 

 

[ابتسامــة]

فعلا امراض القلب كانت أحد الامراض التي كانت نسبة إصابة
المرأة فيها تقل عن نسبة إصابة الرجل ..

طبعا اقتحام المرأة مجال العمل والضغوط العصبية
التي نتجت عن ذلك أخل بهذه النسبة ...

يلا الأعمار بيد الله

 

 

[Badroora]

اقتباس المشاركة الأصلية كتبت بواسطة ابتسامــة فعلا امراض القلب كانت أحد الامراض التي كانت نسبة إصابة المرأة فيها تقل عن نسبة إصابة الرجل .. طبعا اقتحام المرأة مجال العمل والضغوط العصبية التي نتجت عن ذلك أخل بهذه النسبة ... يلا الأعمار بيد الله

امسحى دموعك يالغالية شايفة اوشكا واقف تحت متشمتهوش فينا