Arabic Discussion Forum with a Special Interest in Travel and Immigration

hopsan · 12th May 2013, 01:41 PM

إنتظرت كثيرا ليشجعنى كلهم أو حتى أحدهم على البدء بإنشاء مدونه و أتدلل فى بدايه الأمر و أنزل على الرغبه و الإلحاح ولم يسأل بى أحد .. و بخطوات متثاقله و نفسيه محبطه مع قله من الدعم .. قله إيه ؟ .. ده مفيش خالص ... أبدأ بسم الله

هذه المدونه تختلف فى محتواها و موادها عن بقيه المدونات ( مش عايز حسد أو قر ... أو حتى لطش ... هه ؟ ) .. هى ليست شعريه أو بوح أسرار .. هى سلطه معلومات فيها كل حاجه و أتشارك فيها مع ضيوفى و أصدقائى و زائرى البلوج فى أى طرح ... فيها الروح السكندريه بطعم البحر و رائحه اليود .. أتمنى أن تكون مفيده مغذيه مبهجه .. تعالى عزيزى الضيف نبحر سويا فى عالم مختلف على وعد بعوده

hopsan · 12th May 2013, 02:02 PM

عالم كان و مازال و سيظل مختلف تمام الإختلاف عن عالمنا الأرضى رغم أنه الأساس فى مكون هذا العالم
إنه درب طويل غامض بلا ملامح ولا تتكىء إلا على كلمه من الله ثم نفسك ... مع الخبره قد تتبصر نهايته لتجده بلا زورق أو حتى طوق نجاه و لكنك ماض فى طريقك كفراشه النار تعلم النهايه الحتميه .. أنه الغرق فى حب البحر

bond · 12th May 2013, 03:44 PM

بالتوفيق يا قبطان سير على بركة الله
بسم الله مجريها ومرساها
متابع وجاهز باسطوانات الاكسجين

hopsan · 12th May 2013, 05:28 PM

اقتباس

المشاركة الأصلية كتبت بواسطة bond


	بالتوفيق يا قبطان سير على بركة الله بسم الله مجريها ومرساها متابع وجاهز باسطوانات الاكسجين

بوند يا بوند
سعيد و منتشى كونك أول الداخلين ... معلش إيدى كلها شحم .. الجانجواى أصله مصدى ... تعالى ننزل عالمطبخ أعملك أكله رز بالجمبرى محكتلكش زور

بنت البلد · 12th May 2013, 05:38 PM

دعوه لموضوعي

عدسة بنت البلد

هيه فيها رز وجمبرى
كلنا معاك على المطبخ بس ياريت الطريقة وعايزه وصفتك كمان بتاعة الملوخيه بالجمبرى

مبروك المدونه ومبروك علينا وجودك معانا فى باب المدونات

hopsan · 12th May 2013, 05:58 PM

اقتباس

المشاركة الأصلية كتبت بواسطة بنت البلد


	هيه فيها رز وجمبرى كلنا معاك على المطبخ بس ياريت الطريقة وعايزه وصفتك كمان بتاعة الملوخيه بالجمبرى مبروك المدونه ومبروك علينا وجودك معانا فى باب المدونات

تسلمى يا بنت البلد
كلك ذوق ... ورد و شيكولا ..
يا حسين .. حط الورد فى الفاز اللى على السفره و علبه الشيكولا فى دولابى .... إقفل و هات المفتاح
طبعا حضرتك معزومه على الغدا و بوند مش غريب .. أينعم جاى إيد ورا و إيد قدام .. بس مجيته تسوى الدنيا

hopsan · 12th May 2013, 06:35 PM

الغدا النهارده رز بالجمبرى( والله عامله من كام ساعه ) و سلطه و طحينه و عيش بلدى
الحلو : أيس كريم حليب و مانجو ديليفرى من عند عزه
ضيوفى : بنت البلد و بوند
الصور من جوجل
المقادير
1/2 كيلو جمبرى تايلاندى مخلى من كارفور
2 كوب رز مصرى
2 حبه بصل كبير مبشور
3 حبات طماطم مبشورين
3 فصوص ثوم مهروسين
1 حبه ليمون
ربع حبه فلفلأحمر + ربع حبه فلفل أصفر + ربع حبه فلفل أخضر مقطعين جميعا قطع صغيره
رشه خلطه بهارات سمك تحتوى على جنزبيل أو زنجبيل أو جنجر
رشه فلفل + رشه ملح
2 كوب ماء ساخن
ربع كوب ماء ساخن

من الأهميه بمكان أن تكون كل المقادير جاهزه قبل البدء فى أى عمل
نهتم جدا بالمقادير و ترتيبها و كمياتها حتى لا تنتهى الوجبه بتلبيكه و لا تصلح للأكل
طالما الوجبه ستكون فى حله واحده فى النهايه يبقى نراعى المقادير لأنها ستقسم على 2 فى البدايه
بمعنى مقدار الزيت المخصوص لعدد 2 كوب يقسم على 2
يشطف الجمبرى سريعا و يتبل بالبهارات و تعصر عليه ليمونه + رشه فلفل خفيفه
طاسه بها القليل من الزيت تحمى على النار و يوضع فيها نصف مقدار البصل المبشور و الثوم المهروس ... يقلب المقدار قليلا ثم يوضع الجمبرى المتبل و يشوح على النار بالتقليب الخفيف .. دقيقتان و نضع الفلفل الملون و ربع كوب الماء الساخن و يترك على نار هادئه حتى يشرب ماءه
فى هذه الأثناء يغسل الرز و يترك جانبا
حله على النار و بها بقيه مقدار الزيت و نضع الرز و ربع ملعقه ملح صغيره و يحمر الأرز ( للفلفله ) لمده ثلاث دقائق و إحذر إلتصاق الأرز بالحله لو كانت ألومينيوم ثم نضع كوب ماء ساخن و بعده الطماطم المبشوره و نعاير بالكوب الثانى كميه الماء فوق الأرز .. يقلب تقيبه و نراعى أن يكون مقدار الماء أعلى قليلا من سطح الرز و نتركه يغلى على ذات النار العاليه الى أن ينخفض مستوى الماء حتى مستوى الرز .. هنا نضع حله الرز على الشياطه و على نار هادئه و نتركها تستوى لمده عشر دقائق
بعد الدقائق العشره نرفع الغطاء و صفى الجمبرى من الزيت بالكبشه و نضعه على الرز و تقليبه واحده و نتركه على ذات النار الهادئه لمده عشر دقائق أخرى
و بس خلاص

حسييييين .... حضرّ الأطباق
و بألف هنا

Remooo · 12th May 2013, 07:08 PM

مبروك على المدونة زميلى هوبسان...عايزين صور والنبى

بنت البلد · 12th May 2013, 07:16 PM

دعوه لموضوعي

عدسة بنت البلد

الوصفه روعه أنا حعملها وأنزل لك الصور
هنا فى المدونه

وتسلم على الغدا ياهوبسان
منتظرين إبحارك بنا والصور زى ريمو ماقالت

hopsan · 12th May 2013, 07:35 PM

اقتباس

المشاركة الأصلية كتبت بواسطة Remooo


	مبروك على المدونة زميلى هوبسان...عايزين صور والنبى

يسلملى حضورك و من عينى الصور

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
هل تم إختطاف خالد مشعل وإسماعيل هنيه من مصر؟	شؤون مصر الداخلية	hopsan	1	1261	18th June 2013 04:29 PM
قرار جمهورى	شؤون مصر الداخلية	أحمد فاروق	1	848	8th June 2013 02:45 AM
طلب .. بل رجاء من الإداره	مواضيع شخصية	عبدالرحمن الطويل	37	3987	31st May 2013 04:51 PM
عندى الحل الأمثل للحفاظ على تدفق نهر النيل كما هو	مناقشات وحوارات جادة	دكتور مهندس جمال الشربيني	6	2630	30th May 2013 08:11 PM
شوفت مصر قبل كده ؟	شؤون مصر الداخلية	only you	10	2021	29th May 2013 02:44 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مدونات الأعضاء

مدونه بحرى و بيحب البحر