الشامى يحتل كندا....يا مطاريد

[gadolly]

الصحف المصرية والعربية

عاش الشامي عاش عاش عاش
انا عايز ابقي اول جندي في الجيش الغازي

انا بحس اني تلميذ ادامك لما تبدأ تحكي بالسلوب الرائع ده

ياريت اول ما توصل كندا تبلغني برقم التليفون عشان بجد اتشرف بمعرفتك

 

 

[مصرية والنعم]

ألف حمدلله علي السلامه .....منور المغارة يا دكتور


تسجيل متابعة

 

 

[تامر احمد]

اقتباس المشاركة الأصلية كتبت بواسطة ELSHAMY اخوانى و أخواتى مطاريد المغارة: جلس الشامى مستربعا داخل المغارة وأمامه شوية فحم عليهم براد الشاى اللى قلبه اتقطع من كتر الغليان و قد تجمع حوله المطاريد وبدأ يحكى الحكاية : وصل الجيش المظفر الى مملكة الامارات حيث أقيمت الاحتفالات و عمت الافراح و الليالى الملاح أرجاء الامارات ...و خرج ابناء الجالية الشامية للترحيب بالجيش المكرم... و كان من الملاحظ أن أعضاء الجالية كان عددهم أكبر من عدد الشعب الاماراتى الشقيق... ما علينا....كلنا أخوة... برطع الجيش فى المملكة و عجبته القعدة و اضطر الجنود لشراء شنط اضافية حتى تستوعب الهدايا اللى هبشوها فى حفلات التكريم..... و بالطبع لم تترك الصحافة الصفراء فى المملكة الشامية الجيش فى حاله....فبدأت بالتلسين على القائد الشامى و جنوده و القر عليهم فى الحاجات اللى أخدوها..... و عاد الجيش الى المملكة الشامية.... و كان لزاما على القائد الشامى أن يعقد مؤتمرا صحفيا لتوضيح ملابسات رحلة التكريم... وبدأ المؤتمر....و كان أن أندس بين الصحفيين واحد صحفى من القلة المنحرفة و بدأ يلقح الكلام على الهدايا و الحاجات اللى اتهبرت ..... وهنا أنبرى القائد الشامى مدافعا عن انجازات البعثة وكيف انها لاقت الامرين فى وسط الثلج والمطر البرد القارص فى كندا و ذكرهم بالتضحيات فى غزوة تورونتو و معركة الاستيلاء على البرج حتى عادوا بهذا النصر المبين.... وختم الشامى كلمته و قد ترقرقت الدموع فى عينيه بالحكمة المشهورة : " يا ناس يا شر كفاية قر " وهنا ظهرت مذيعة من الفضائية المصرية و وجهت سؤالها الى القائد الشامى : ممكن يا سيادة الكائد العظيم تحكي لنا عن الغسوة الجديدة اللى عملتوها و كمان كل المواكف اللى مرت عليكم ؟...بس أرجوك عاوزين كلام حكيكى..حكيكى.. هنا انبسطت أسارير الشامى و انجعص فى الكرسى و قال للمذيعة " أهو كده الكلام..... شوفى يا بنتى يا عفت... انا حأحكي الحكاية من طكطك ...قصدى من طقطق لسلامو عليكو....عشان الاجيال اللى جاية تستفيد...و أهو كله بثوابه...و احنا مش عايزين غير دعوتين حلوين....ماشى ؟ و بدأ السرد التاريخى لأحداث الغزوة الثانية.... يتبع....

طيب ياجينيراال انا سمعت طراطيش كلام انا ناوى تزحف على استالينجراض فى عز الشتا

 

 

[ELSHAMY]

جادوللى - مصرية والنعم - تامر

اشكركم جزيل الشكر...الحلقة الثالثة بعد الفاصل..

 

 

[ELSHAMY]

أخوانى....أخواتى المطاريد

السلام عليكم و رحمة الله..

بدأ الشامى فى سرد الوقائع التاريخية لغزوة الجيش الى كندا ..... و كان فيما قاله :

انتم عارفين ياولادى ....أنا ما باحبش أخبى حاجة على شعبى أبدا...المهم .يرجع مرجوعنا الى ما بعد وصول الجيش بعد غزوة اللاندينج المباركة....كان جميع أفراد البعثة مبسوطين من الانجاز الذى تحقق و الاهداف التى سجلت فى مرمى كندا....و كان قرار قادة الجيش اللى هما الشامى و الفيلدمارشال حرمه أن كندا تستاهل ان الجيش يحتلها فى يوم من الأيام....و نخلى بالنا هنا من الجملة الأخيرة..."...فى يوم من الأيام"..... يعنى ممكن العام الدراسى بعد القادم بعد ما نكون حوشنا قرشين يصدوا معانا فى تكلفة الاحتلال الدائم ....لأن من المعلوم أن تكاليف الاحتلال الدائم دايما بتكون كبيرة....وأدينا شايفين العكة اللى اتعكها الجيش الامريكى فى احتلال العراق .... و من المعلوم أيضا ان الجيش الشامى قد أستنفد فى رحلة اللاندينج كل المؤنة التى كانت معه...ونفد الطعام و الماء...و أصبح الجيش بعد العودة على الحديدة....

.ملحوظة : قام القائد الشامى ببيع الحديدة فى مرحلة لاحقة

..... طبعا كان جميع أصدقاء الشامى فى انتظاره ليروى لهم انطباعه عن كندا ...و هل يمكن هما كمان يكملوا مسيرته و يبدأوا فى اجراءات الهجرة أم لا..

طبعا الشامى كان ذو حظوة فى القبيلة ...يعنى كلمته مسموعة على الكل.... لذلك كان نتيجة هذه الجلسات أن الجميع اقتنعوا بموضوع الهجرة لأن الشامى نفسه ريح بالهم من التخوفات اللى كانت بتلعب فى نافوخهم...

استقر الشامى و جبشه فى بلاد الحجاز....و بعد فترة بدأ الفار يلعب فى عبه ...يا ترى ايه أخبار الولايات اللى فتحها الجيش و ساب عليها حاميات ؟...و ليه ساعات فلوس الضرايب بتتأخر و مش بيبعتوها بال دى اتش ال زى ما الشامى قال لهم ؟ و ليه الايراد بتاع البرج اللى فى تورونتو بقى قليل ؟....يكونش فى حد بيلعب بديله ؟ يكونش فى حد عمل انقلاب وضرب كرسى فى الكلوب ؟؟؟

تساؤلات كتير بدأت تتنطط فى دماغ القائد مما استدعى عمل اجتماع عاجل مع سيدة كندا الأولى الفيلدمارشال حرمه لاقرار ما يمكن عمله وانقاذ ما يمكن انقاذه....

يتبع

 

 

[Dr-Alrefa3y]

تسجيل متابعة واعجباب

 

 

[ELSHAMY]

اقتباس المشاركة الأصلية كتبت بواسطة pharma prince تسجيل متابعة واعجباب

لمؤاخذة ايه "الأعجباب" ده ؟؟!

...ان شالله ما يكونش حاجة وحشة

 

 

[تامر احمد]

اقتباس المشاركة الأصلية كتبت بواسطة ELSHAMY أخوانى....أخواتى المطاريد السلام عليكم و رحمة الله.. بدأ الشامى فى سرد الوقائع التاريخية لغزوة الجيش الى كندا ..... و كان فيما قاله : انتم عارفين ياولادى ....أنا ما باحبش أخبى حاجة على شعبى أبدا...المهم .يرجع مرجوعنا الى ما بعد وصول الجيش بعد غزوة اللاندينج المباركة....كان جميع أفراد البعثة مبسوطين من الانجاز الذى تحقق و الاهداف التى سجلت فى مرمى كندا....و كان قرار قادة الجيش اللى هما الشامى و الفيلدمارشال حرمه أن كندا تستاهل ان الجيش يحتلها فى يوم من الأيام....و نخلى بالنا هنا من الجملة الأخيرة..."...فى يوم من الأيام"..... يعنى ممكن العام الدراسى بعد القادم بعد ما نكون حوشنا قرشين يصدوا معانا فى تكلفة الاحتلال الدائم ....لأن من المعلوم أن تكاليف الاحتلال الدائم دايما بتكون كبيرة....وأدينا شايفين العكة اللى اتعكها الجيش الامريكى فى احتلال العراق .... و من المعلوم أيضا ان الجيش الشامى قد أستنفد فى رحلة اللاندينج كل المؤنة التى كانت معه...ونفد الطعام و الماء...و أصبح الجيش بعد العودة على الحديدة.... .ملحوظة : قام القائد الشامى ببيع الحديدة فى مرحلة لاحقة ..... طبعا كان جميع أصدقاء الشامى فى انتظاره ليروى لهم انطباعه عن كندا ...و هل يمكن هما كمان يكملوا مسيرته و يبدأوا فى اجراءات الهجرة أم لا.. طبعا الشامى كان ذو حظوة فى القبيلة ...يعنى كلمته مسموعة على الكل.... لذلك كان نتيجة هذه الجلسات أن الجميع اقتنعوا بموضوع الهجرة لأن الشامى نفسه ريح بالهم من التخوفات اللى كانت بتلعب فى نافوخهم... استقر الشامى و جبشه فى بلاد الحجاز....و بعد فترة بدأ الفار يلعب فى عبه ...يا ترى ايه أخبار الولايات اللى فتحها الجيش و ساب عليها حاميات ؟...و ليه ساعات فلوس الضرايب بتتأخر و مش بيبعتوها بال دى اتش ال زى ما الشامى قال لهم ؟ و ليه الايراد بتاع البرج اللى فى تورونتو بقى قليل ؟....يكونش فى حد بيلعب بديله ؟ يكونش فى حد عمل انقلاب وضرب كرسى فى الكلوب ؟؟؟ تساؤلات كتير بدأت تتنطط فى دماغ القائد مما استدعى عمل اجتماع عاجل مع سيدة كندا الأولى الفيلدمارشال حرمه لاقرار ما يمكن عمله وانقاذ ما يمكن انقاذه.... يتبع

انا مش ءءءولتولكو ((الشامى الرجل الذى خطط عمليا لغزو كندا))

 

 

[toota]

نورت المطاريد ....

 

 

[ELSHAMY]

اقتباس المشاركة الأصلية كتبت بواسطة toota نورت المطاريد ....

منورة بوجودك يا توتا....