ماذا يحدث فى بيت الطالبات

[محمد المرى]

الصحف المصرية والعربية

هالنى مارأيت اليوم فى برنامج للسيدة نشوة على قناة دبى الفضائية , راعنىمارأيت وذهلت مما سمعت ; ولاننى على خلاف مع السيدة حرمى فى اتخاذ القرار المناسب بالنسبة لموضوع العودة النهائية الى مصر ; فالسيدة حرمنا المصون تقول : وما ادراك ماذا يحدث فى مصر الآن !! وانا اقول مهما حدث فى مصر فلن يصل الى ما وصل اليه الغرب من انحلال !! هى تقول اقصد حرمنا المصون ان كل شيئ هنا على المكشوف اما هناك فما خفى كان اعظم , هذا السجال شبه يومى فانا من انصار ان نعيش وسط مجتمعنا الذى نشأنا فيه وتبقى اصالتنا بان يكون اولادنا مرتبطين بالوطن الام , مرتبطين بالاهل والاصدقاء فهذة هى جذورنا الطبيعية وحتى وان نشأنا فى المجتمعات الغربية فلن يكون لنا جذور .....
المهم سمعت زوجتى تنادى على وتقول اجرى اجرى تعالى شوف وتعالى اسمع (فى هذة الحالة اعلم انها رسالة تؤيد رأيها) كانت مدام نشوة تتكلم عن احد بيوت الطالبات فى مصر والذى اعتقد انه لا يقع تحت مسئولية الجامعة , كانت هناك ثلاث طالبات يحكن معانتهن فى هذا المكان الموبوء فتيات يدخن الحشيش ويشربن الخمور , اخريات يمارسن الجنس بعضهن البعض(سحاقيات) , يمارسن الرزيلة والنافذة مفتوحة حتى ان احد الجيران هددهن بابلاغ البوليس , اخريات يمارسن الزنا فى الخارج نظير بعض المال , ثم يجئن للنوم فى ساعات متأخرة من الليل ويكفى اعطاء الحارس الليلى مبلغ من المال ليسمح لهن بالدخول , اما اذا كان الرجل لديه بعض الضمير فانه لا يسمح لهن بالدخول , احدى الطالبات حكت قصتها مع هذة الكرخانة , ولمن لا يعرف فان كلمة كرخانة هى كلمة اخذناها نحن من الاتراك وهى تعنى بيت دعارة , وفى الحقيقة لم اجد توصيف مناسب الا هذة الكلمة .....
انتقلت بنا مدام نشوة الى دولة خليجية لم يذكر اسمها , كانت تعمل فيها اخت مصرية فى احدى بيوت الطالبات , كان مدير البيت العربى يضع كاميرات صغيرة لا يتمكن احد من معرفة مكانه وكانت هذة الكاميرات حتى داخل الحمامات وايضا داخل غرف الطالبات , وكان الرجل (والذى وصفته السيدة المصرية بانه مسنود) كان يسجل على اشرطة الفيديو مايتم داخل غرف الطالبات والذى بدورة يجرى مساومات بين الطالبات اصحاب الشرائط المخالفة ليبتزهن ويدعوهن الى سهرات خارجية لا يعلم الا الله ماذا كان يحدث فيها , طبعا السيدة المصرية تركت عملها فى الحال وفضلت العودة ولم تبلغ السلطات لانها كما جاء تعبيرها بانه شخصية مسنودة وربما فى النهاية يحكم عليها بان تجلد 3000 جلدة ولذلك آثرت السيدة على السكوت وعم التبليغ عن الواقعة
اتسائل اين المسئولين عن العملية التعليمية , واى جهة ياترى يتبع هذا البيت ; من المؤكد ان هناك جهه مسئوله عنه , هل ياترى سوف يفتح ملف للتحقيق بعد ان يكون احدهم شاهد هذا التقرير ام ان احدهم هذا ; كانت الطالبات يذهبن اليه ; بالذمة دة كلام
هل على الاسر المصرية والذين يعانون فى سبيل تعليم بناتهن ويرسلهن لتحصيل العلم فنجد انهن ينحرفن ويمارسن الرزيلة فى غياب الاسرة , انا اعتقد ان هناك مافيا تقوم بهذة العمليات فى غفلة عن القانون وغيابه فى مصر
امتضعت من هذا التقرير وبالبحث فى النت تأكدت انه يوجد اقبح من ذلك فى وطننا العربى

 

[HAMOUDI]

اعتقد ان هذا لايحدث في مصر اقمت في مكان ما في يوم من الايام لمدة تزيد عن ال3 سنوات قليلا وكان منزلي يقع على بيت الطالبات واللذيي كان علوه حوالي 10 ادوار ومع ذلك لم ارى تجاوزات الى هذه الدرجه ربما يكون هناك بعد التجاوزات الخفيفه او نقدر نقول شوية روشنه من البنات ولكن في النهايه في حدود المعقول وعدم التجاوز الفاحش على حسب تقيمي للموضوع

 

 

[toota]

ممكن يحصل بسهولة...حسب "اصحاب" المكان....والشلة المحيطة بالبنت ومستواهم....

نظرة سريعة للكافيهات...تلاقي بنات صغيرة فعلا في سن الجامعة ويمكن اصغر....بيسهروا لاوقات متأخرة جدا ....ليه ميكونوش مثلا ساكنين في بيت طالبات؟؟

ده غير انه اسهل حاجه في الدنيا انها " تبقشش" على البواب ويغض الطرف ويدخلها السكن ولا من شاف ولا من دري

 

 

[مدى]

في كل مجتمع في النفوس المريضة..
ولا وجود للمدينة الفاضلة..
بس بعبارة واحدة (اللي عاوز الخير هيلاقيه والي عاوز الشر بردوا هيلاقيه)..
عيشت ف مصر 7 سنين وكان ليا صحبات كثير في البيوت الجامعية سواءتحت أشراف الجامعة ولا بيوت تحت أشراف ناس عاديين..
أقصى مانكرته انهم كانوا ممكن يكلموا شباب ويخرجوا معاهم...(كــ شلة)..
لكن خمر ويقلبوا البيت مكان رديء...!
معرفش مدى صحة الكلام ...بس اللي أعرفه كووويس أن الأعلام بيهووول اوووووي...

الله يستر ع الجميع...


بس بغض النظر عن كل شيء (مصر بقت الحياة فيها صعبة أووي يا أستاذي من كذا ناحية غير ناحية الأنحلال دي )..


كونوا بخير...

 

 

[ana_3enady]

دعوه لموضوعي

RobertInole

مصر هاتفضل طول عمرها بخير .. ودول شرذمة بسيطة .. ان كان ليهم وجود .. كل مكان في الدنيا فيه الكويس وفيه الوحش .. بس احنا اللي بندور على ايه؟!

 

 

[FINETOUCH]

من غير المعقول ان تكون كل البنات فى بيوت الطالبات منحرفات وانما الناس تحب دائما الحديث عن الفضائح وتضخيمها وتعميمها
كل مكان يوجد فيه الصالح والطالح و هى سمه اى مجتمع فى الدنيا
لايمكن بتاتا تعميم وجود بعض المنحرفات بان كل بيوت الطالبات هكذا ابدا
ايضا بيوت الطلبه كذلك
هى نموذج مصغر للمجتمع بلتقى فيه كل النوعيات
كنت فى فتره من سنوات انشأت عماره سكنيه لطلبه الجامعه وتم تسكينها اثناء انتهاء الاعمال ورايت نماذج مضيئه ونماذج مقززه فى نفس الوقت..
.المهم تربيه الاهل كل شخص يأتى بتربيه بيته

 

 

[Farida]

لو بيتكلموا على بيوت طالبات مشجامعيه يبقى ايكد اللى موجوده فى مدينه 6 اكتوبر و القاهرة الجديده حيث الجامعات الخاصه منتشره جدا ................و اعتقد دار الطلبه و الطالبات فى المناطق دى لا تخضع لأى رقابه رسميه ...............و معظمهم بيكونوا طلبه بيدفعوا مصاريف جامعاتهم اللى بالشئ الفلانى يعنى معاهم فلوس و فى نفس الوقت معظمهم من دول عربيه عديده يعنى مافيش رقابه من الأهل يبقى مش بعيد تحصل حاجات كده .......................
الست نشوى برنامجها ميت و عايزه تحييه باى طريقه ...........ولو على البرامج من النوعيه دى فيه كتير و منهم برنامج اسمه صبايا ده فيه حاجات من النوعيه دىكتير بس اللى عايش فى مصر و بيمشى فى الشوارع مش بيشوف كده خالص الأفضل ردا على الرامج دى الواحد يتفرج على الحياة اليوم ولا البيت بيتك و لا 90 دقيقه و هو حايشوف ناس اغلب من الغلب ...........يعنى امبارح كان فيه حلقه فى 90 دقيقه عن 2 توأم انفصلوا عن بعض لمده 32 سنه و فى الأخر رجعوا لبعض واحد منهم اتشرد و عاش مع الكلاب الضاله فى الشارع و حاجه اخر ميلودراما

 

 

[dr-amira]

يمكن رأى متخلف شوية بس لايجوز اصلا ان البنت تقعد فى مدينة جامعية او غيرة بحجة الدراسة بعيد عن اهلها فى احرج سن ممكن تمر بيه اى بنت واظن الطبيعى انها تدرس فى بلد اهلها وتبات فى بيتها يوميا ولو فيه ضرورة شدييييييدة جدا للاغتراب للدراسة يبقى تقعد عند خالها او عمها او بقى تنتقل الاسرة كلها معاها واظن ان الخلل ده هو بداية انهيار منظومة الاخلاقفى المجتمع عموما.

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة dr-amira يمكن رأى متخلف شوية بس لايجوز اصلا ان البنت تقعد فى مدينة جامعية او غيرة بحجة الدراسة بعيد عن اهلها فى احرج سن ممكن تمر بيه اى بنت واظن الطبيعى انها تدرس فى بلد اهلها وتبات فى بيتها يوميا ولو فيه ضرورة شدييييييدة جدا للاغتراب للدراسة يبقى تقعد عند خالها او عمها او بقى تنتقل الاسرة كلها معاها واظن ان الخلل ده هو بداية انهيار منظومة الاخلاقفى المجتمع عموما.

فيه ناس مش في مقدرتها انتقال الأسرة كلها أو تأجير مكان .. والا ماكنتش المدن الجامعية اتعملت .. والا البنت تفضل بقى في بيت أبوها وخلاص بعد الثانوي العامة

المدن الجامعية .. بابها بيتقفل الساعة 8 بالليل لا خروج ولا دخول .. واللي بتخالف بيتحقق معاها وبيستدعوا أهلها .. وموال .. انما البيوت الخاصة ما أعرفش عنها حاجة

 

 

[Farida]

اقتباس المشاركة الأصلية كتبت بواسطة dr-amira يمكن رأى متخلف شوية بس لايجوز اصلا ان البنت تقعد فى مدينة جامعية او غيرة بحجة الدراسة بعيد عن اهلها فى احرج سن ممكن تمر بيه اى بنت واظن الطبيعى انها تدرس فى بلد اهلها وتبات فى بيتها يوميا ولو فيه ضرورة شدييييييدة جدا للاغتراب للدراسة يبقى تقعد عند خالها او عمها او بقى تنتقل الاسرة كلها معاها واظن ان الخلل ده هو بداية انهيار منظومة الاخلاقفى المجتمع عموما.

لو واحده عايزه تنحرف و عندها استعداد و الله لو عايشه مع ابوها وامها و عش اخوات حا تنحرف برضه .............وحتى لو عند خالها او عمها او جدتها ...........